لَيّلَةْ مَطّرْ ., كانت حُلم ...

هكذاالدنيا · #1 (**permalink**) 30-04-2011, 09:51 AM

السلام عليكم ورحمة الله وبركاته

ليل ومطر

والريح تصفر في الدروب الخاويه
برق لمع
جالس على ذاك الرصيف المرتجف
حاضن جروح نازفه
والموت يمشي بالشوارع ينتظر لحظة نزع يضحك لها !

ناظرني ابعينه وانا

منه انتظر يرسم نهاية هالعنا
قلّي بربك وش تبي وش تنتظر
خذني تراني بحتضر
امسك بروحي شدّها
من كلّ عرق سلّها
عهدن علي ما قاومك
خذني معك من هالدروب الموحشة
خذني معك
يمكن معك
ما اسمع اوجاع الرصيف المرتجف !!!
اااااااااااااه ليل ومطر
ليل ومطر
مير المطر ما يروي اعروق الشجر
ليلة كدر
فيها القمر ما لاح نوره بالسما
وآنا احتضر
والموت ما جاه الأمر يمسك يدي
قال انتظر
باقي عنا
وآنا أصيح ابداخلي
الله لنا
ااااااااااااه ليل ومطر
ليلة مطر
فيها الشوارع خاويه
فيها الذيابه عاويه
فيها ترانيم الحزن تعزف لحن هاض الجروح الداميه
ليلة مطر
فيها السما متكدّره ونجومها متهاويه
ليلة مطر
وارياحها كسرت شموخك يالشجر
ليلة خطر
تزفر براكين الجليد ابخافقي
والروح في سجن الجليد امكبّلة
وين الدفا
وين الوفا
وين الغرام اللي غدا مطعون بيدين القدر
آآآه
ليلة مطر
ليلة مطر كانت حلم وكان المطر يمسح دموعي النازلة
كان الوعد..همس وأمل ونبض الوعد مثل الحمامة الهادلة
آآآآه ليل ومطر
ليلة ألم عيا الدفا فيها يجي
وصوت المطر رغم الحزن وقعه شجي
ليلة غياب ليلة تكون العاصفة
وسط الظلام وسط الغمام بين السيول الجارفة

آآآآه ليلة مطر

رآآقت لي