05-05-2011, 03:09 AM
|
عضو سوبر
|
|
تاريخ التسجيل: Apr 2011
المشاركات: 323
معدل تقييم المستوى: 369950
|
|
بسم الله الرحمن الرحيم :
أولا أخوي قارا : بالنسبه لشهادة الحاسب مايؤخذ فيها بعين الإعتبار وقت القبول وإنما تعتبر من ضمن الشهادات الإضافيه والتي قد تساعدك فيما بعد على العمل بوظيفة إدارية .. والله يوفقك
ثانيا : أخوي فؤاد القرني ... مدة الدورة بالمعهد البحري لا تختلف كثير عن المده في البري لأن دورة الفرد الأساسي موحده لجميع قوى الأمن الداخلي السعودي ب 4 شهور كامله .. وبعدها تجي فترة التخصص وهذي تختلف من تخصص إلى آخر فبعضها تكون شهرين وبعضها تكون أكثر ... ويستلم الطالب راتب أساسي مع بدل المناطق النائية وقد يتجاوز ال 5000 ريال وهو لسه طالب ..
أما بالنسبه لراتب جندي حرس حدود بحري بعد التخرج فإذا كان يعمل بالمراكز فيتجاوز راتبه ال 8000 على حسب اختلاف البدلات .. اتمنى لك التوفيق
ثالثا أخوي مهندس ولودي بصراحه هو يختلف من قطاع لقطاع ولكن الملازم ياخذ أول مايتعين تقريبا 12000 ريال ويختلف زي ماقلت من قطاع لقطاع ... الله يوفقك
رابعا اخوي شوي وانتحر خل أملك بربك كبير والوطن بخير وابناءه بخير .. ماتدري وين الله حاط لك الخير فيه .. انت اعمل بالأسباب وماراح تاخذ غير رزقك ... اتمنى لك التوفيق .
خامسا : اخوي يا اخينا بالنسبه للمخالفات مو ضروري تسددها وقت التسجيل وهي مو من شروط القبول ولكن لو تعينت على وظيفة جندي سائق فراح يلزمك رخصة عمومي نقل خفيف وعندها راح تضطر تسدد .. والله يعينك
سادسا :أخوي بورشو اولا مبروك التخرج وعقبال مانشوفك زميل نفتخر فيه انت وباقي زملائك .. أما بالنسبه لاستفساراتك فنعم فيه مركز تدريب بعرعر وتم تجهيزه بالكامل من شهر تقريبا وربما تعقد لك دورة دوريات امن حدود هناك واذا ماكان المركز جاهز لاستقبالكم فأقل تقدير راح تعقد لكم الدوره في مركز تدريب القريات .. وتعقد لكم هذي الدوره بعد التخرج عشان تاخذ عليها صنف دوريات أسوة بزملائكم اللي ياخذون صنف سواقه لانه يعقد لهم دورة عربات أما البدلات اللي تاخذها وانت بالمركز فهي بدل مناطق نائية وبدل شهادة ثانوية عامه وبدل نقل فقط وبعد التخرج لو عملت بالمراكز الحدودية فراح تضاف لك بدل إرهاب وبدل تضاريس وخطرية وميدان وصنف تخصص وإعاشة دبل ... وبالتوفيق مره ثانيه
|
العرض العادي
