لي اكثر من شهر وانا اخطط على عمل بوفيه اومطعم ولكن مايؤرقني كثيرا

هي المعدات ، كيف احصل عليهم ؟ واريد من لدي اي خبره في هذا المجال

بإن يفيدني ؟ واكون ممنونا له على ذلك ؟؟ وماهي العمالة المنااااسبة ؟

اعذروني ،، لأن كلامي غير مرتب ولكن انت فاهمين الوضع مايحتاااج

ياخواني اللي يدخل الموضوع ولا يعرف فيه اي شيء ، لايمر هكذا ،،

اقل شيء تدعوا لأخيييييك بالتتتتتتتتتتتوفييييييييييق ،،

الله يوفقك يارب

بالنسبة لي ماعندي خلفية كثير

لكن مره طرت على بالي فكرة كان نفسي أسويها

بس ماكان فيه أحد يشجعني

إلا هيا مطعم متخصص

مطعم أندنوسي أو هندي أو باكساتني ... إلخ

على حسب العمالة المتوفرة بالموقع أو حاجة المكان

لأني أشوف المطاعم كفاية بالبلد وماعليها زبائن غير المطاعم الكبيرة والمعروفة

إلا انك تفتح بوفية قدام مدرسة أو بموقع متميز

علماً المعدات ما تكلف كثير

الحراج فيه معدات كثيييير مستعملة جديده وفيه تفصيل رخيص

نصيحة مني لا تسوي شي أبدا إلا بعد ماتسأل أحد عنده مطعم وعنده خبرة

وتسوي دراسة جدوى كامله

تحياتي لكـ

الله يوفقك ويسعدك توكل على الله

وان شاء الله تلقى من يساعدك واذا لقيت انا شي ممكن اساعدك

الله يوفقك

الله يوفقك ويسهل امورك وانا الأن في صدد جمع معلومات عن اقامة كفتريا ممكن اعتبرها ميني ماركت صغير في احد الجامعات او الكليات والله يوفقني ويوفقك ويرزقك من أوسع أبوابه

والله ماعندي خبرة كافية بها الموضوع

لكن..

الله يوفقك ويرزقك ويسهل امورك ان شاء الله

والله اني اتمنى لك الخير.....

اذا تبي تفتح مطعم يفضل ان يكون متخصص في مأكولات الجاليات الاجنبية وعلى حسب التخصص العمالة تبي تكون ...

بوفية يكون في مركز تجاري في جامعة كلية قريب من الجامعة او بوسط محطة جديدة على طريق سفر

بالنسبة للمعدات لا تشتري الا من الحراج رخص التراب وجديدة ما صارلة كم شهر

تنوية /اذا ناوي تفتح المشروع وتترك في العمال وتسير عليهم من وقت للثاني انصحك لا تفتح .

بالنسبة لو تبي مطعم للماكولات الشعبية ((المواطنين))) تختار الاحياء الجديدة وتكون خدماتك مميزة من توصيل للمنازل مجانا وعناية بجودة الماكولات من نظافة الا تجميل الا زيادات (عروض )
جذب وتكون باستمرار العروض مو يوم يصير عليك اقبال تقلل في الكمية يزعلون عليك ولا عاد يجونك وانا اولهم ههههههههههههه انتهي

الله يوفقك انشالله

الله يوفقك ويسهل امورك

بسم الله الرحمن الرحيم

أعرف واحد فتح مطعم وكلفه في حدود 100.000 في القصيم ويعد كم شهر أجره على العمال بـ 6000 ريال

وكان المطعم منوع من رز الى شاورما الى وجبات خفيفه وسريعه


أما بالنسبه للعماله فكان جايب أتراك أو سواريه واكيد معهم هندي أو بنقالي


نصيحه على الطاير :- لازم في اي مجال عمل تنوع جنسيات العماله ولا تكثر من جنسيه واحده أكثر من 2


وبالتوفيق والكسب الحلال


.............. (( أستغفر الله )) ............... رددها يومياً ويفتحها الله بوجهك