وزع كروت واشتراكات للمنازل الي في الحي....يعني تحط اشتراك لكل منزل...صاحب المنزل عنده ملابس ومتكاسل يروح المغسله يوديها...يتصل على المغسله ويديهم رقم الاشتراك والمغسله هيا تجي وتاخد الملابس تغسلها وترجعها له في وقت قياسي حتى تكسب سمعه كويسه

الف مبرووووك والله يعطيك خيرها
من رايي يكون افضل لوتغير اسم المغسله عشان الناس يعرفون ان الاداره تغيرت
كماان لو تسوي لمدة يومين او ثلاثه تخفيضات مثلا اغسل قطعه والثانيه مجانا عشان تلفت انتباه الناس ولو كان الغسيل نظييف ومرتب الناس بتبدا تغير نظرتها عن المغسله القديمه ,, واقتراح متحري خاص كمان كويس ويجيب لك زباين بالذات الحريم اللي احيانا ممكن ماتلاقي احد يودي لها الملابس على طوول اتصال ويجي عامل ياخذهم ويرجعهم اعتقد انها فكره جديده بالنسبه للمغاسل وتكسب اكثر من الزباين اللي يجون للمغسله
اتمنى لك الخير والتوفيق

بالتوفيق يارب وعليك بالصبر والدعاء ودخل طيب في البدايه والله يبارك لك فيه وحاول بالتجديد المستمر والله معك

اقتراح اخر....طبعآ ماادري اذا كان عندك غسيل بخار او لاء...الغسيل البخار افضل من الغسيل بالماء ومرغوب اكثر للزباين لانه الزباين تتخوف من الغسيل بالمويه لأنتقال الامراض الجلديه....يعني تقدر تجيب غسالة بخار وتخلي مغسلتك متخصصه غسيل بخار ...وتطبع بروشورات عن مميزات الغسيل بالبخار وعن اسعار الغسيل عندك و لو تخلي عندك ميزه اضافيه انك تغسل ملابس كل زبون لحالها فحتكون ميزه جدآ رائعه...طبعآ لاتنسى نظافة المحل..يعني المغسله لازم تكون نظيفه لانه راح يعطي شعور للزبون بنظافة المحل...بخصوص العامل...اذا كانت مغسلتك كبيره وفي حي راقي..جيب عامل فلبيني بس علمه كيف يكوي الشماغ ويظبط المرزاب ههههههههههه...عمومآ الله يباركلك في مغسلتك وانشالله يصير دخلها مو 50 ريال..الا 50الف في اليوم

بالتوفيق لك يالغلا وأنا أقول هل تأكدت أن هذا الدخل الفعلي للمحل .؟

طبعا ال50 ريال بداية ما هي شينه لكن لي خويي عاش تجربه نفس تجربتك هذي ولما هدد العامل بالفصل صار دخل الثلاث أسابيع يدخل بأربع أيام !!!

فانتبه وأنا أخوك وربي يوفقك ويبارك لك وييسر للك الخير ،،،

الله يرزقك وينزل البركة والخير على المغسله

الف الف مبروك والله يجعلها فاتحة خير عليك يارب

والله وانا اخوك المشروع ببدايته اصبر عليه شوي وخلك

شاد حيلك مع العامل واهم شي ان يكون شغله نظيف ومرتب

على اساس يكسب زباين والله يوفقك ويرزقك ان شاء الله

انا شريت مغسله ملابس وقفلة ثلاث مرات واول ما فتحتها صار الدخل 13 ريال فقط ههههه


صح راح تضحك لكن صبرت عليها سنه والان الدخل 300 ريال يومي

50 ريال شئ طيب في البدايه في مغسلة لأحد الأقارب في أرقى أحياء الرياض على شارع تجاري في حي القدس وعلى شارعين وأمام شقق مفروشة وكان يطلع في بداياته من 50 ريال إلى 80 ريال وكلها كم شهر ويتغير الدخل وصار يزيد على 250 ريال في اليوم

ولكن من الضروري تقديم الخدمه الي ترضي الزبون من ناحية النظافة والكي لأن أي زبون بيجيك ولا يلقى خدمة مرضية بيروح لغيرك وكل يوم بتخسر زبون حتى تخسر مشروعك

أهم شئ سمعة المحل والصبر حتى تستطيع جني مكاسب طيبه

أخوي الله يبارك لك ان شاء الله

بس أخوي هل الـ 50 ريال مكسبك في اليوم او حصيلة اليوم كامل لانه لابد انت تعرف خراجه في الشغله فمثلا تحسب الايجار باليوم وتضيف عليه يومية العامل ومصاريف كهرباء وماء وخلافه فمثلا بنقول راتب العامل 1500 ريال شهريا والايجار 1250 شهريا والكهرباء ومياه ومصاريف 300 ريال يعني لو تحسبها باليوميه يطلع المجموع 102 ريال هذه مصاريف المحل يعني فوق 102 هذا مكسبك في اليوم وغير ذلك انت فاتح المحل تمشي ايجار وراتب عامل وفواتير .
وانا أشوف ان أفكار الشباب ممتازه يمكن معها يتطور الشغل ولكن من المهم تغيير اللوحه والاسم.
واذا تقدر تجلس في المغسله يوم او يومين حتى تعرف دخل المغسله الصحيح فالعامل لايعتمد عليه واكثرهم غير صادق.
واتمنى لك التوفيق والرزق الوفير.