السلام عليكم ورحمة الله وبركاته
يا شباب شايف بعض الشباب يسأل عن طريقة الفيز
الطريقة
كالتالي
1/ تستأجر محل وتدفع حق ستة أشهر أو بعض الأماكن حق ثلاثة أشهر .
2/ تروح أقرب محل يسوي لوحات وتعمل لوحة للمحل ب(400) ريال وإنت وشطارتك وتكون متر في متر ونصف ويكون النشاط مؤسسة مقاولات عامة.
3/تروح لوزارة التجارة تطلع سجل والسجل طلباته بسيطة جدا وهي كالاتي:
أ/ صورة عقد الإجار زائد الأصل.
ب/ صورة الهوية زائد الأصل.
ج/برنت من الأحوال المدنية ولازم تكون المهنة( متسبب) طبعا بعض مكاتب الأحوال يعطونك البرنت وبعضها مايعطونك البرنت الإ إذا جبت لم طلب من نفس وزارة التجارة وتلقى الطلب عند موظف الإستقبال خذه وعبيه ووقعه من عنده ووديه للأحوال .
د/ملف علاقي أخظر زي حق التقديم على الوظائف جعله يوخذ ترفق الاوراق هذة وتروح للموظف في وزارة التجارة رايح يعطيك أوراق تعبيها عنده وأنت واقف بعد كّذا يقولك روح سدد الغرفة التجارية ب(850) ريال والسجل عن كل سنة (200) ريال وانت وكيفك تبي تسدد سنة ولا أكثر.
المهم كذا تكون طلعت السجل وشهادة الغرفة التجارية.
4/ بعد كذا روح للبلدية وطلع رخصة المحل وتكلفك حول(300) ريال .
بعدكذا روح لمكتب التأمينات الإجتماعية ووظف لك واحد سعودي طبعا صوريا والطريقة كالتالي:
أ/ تاخذ صورة هوية الموظف هذا اللي تبي تسجله.
ب/ تسوي عقد عمل بينك وبينه إنه موظف عندك بالمؤسسة. وتختم العقد بختم المؤسسة.
ج/ تأخذ صورة العقد .
د/ تأخذ صورة السجل وصورة الرخصة .
ه/ تروح مكتب التأمينات وتقلهم أبي أطلع شهادة تأمينات طبعا معك الأوراق المذكورة أعلاه.
يعطونك أوراق تعبيها وأنت واقف . ويعطونك ورقة للجوازات فيها طلب برنت من الجوازات بإنه ماعندك عمال على كفالتك أو إذا كان كم يكون عددهم . المهم إنت اللي عليك تأخذ هذه الورقة وتروح للجوازات وتسحب البرنت من قسم الحاسب وترجع للتأمينات بالأوراق كلها وتسلمهم إياها وبعد كذا تأخذ الشهادة فيها موظف واحد طبعا السعودي ..
5/ تروح بعدكذا لمكتب العمل ومعاك التالي :
أ/صورة السجل التجاري والأصل ؛ والرخصة الصورة والأصل؛ والشهادة حقت التأمينات الصورة والأصل ؛ وصورة الهوية والأصل ؛وبرنت من الأحوال المدنية ؛ وملف علاقي أخضر حق الموظفين جعله يوخذ..
تروح للموظف حق الإستقبال وتقوله أبي أفتح ملف عندكم رايح يعطيك أوراق تعبيها وأنت واقف .
ويقولك روح شباك كذا .
ب/ تروح للشباك اللي قلك عليه وتعطي الأوراق للموظف وراح هو يسجل كلشي عنده في الجهاز وبعد كذا يعطيك رقم الرقم هذا إحفظه زي ما تحفظ إسمك.
ج/ تروح لموظف الإستقبال مرة أخرى وتقوله أنا أبي أستقدم عمال على المؤسسة راح يعطيك أوراق تعبيها وتختمها بختم المؤسسة ويقولك روح أشرحها من قسم التوظيف خذ الأوراق وأشرحها من قسم التوظيف وأرفق معها جميع أوراق فتح الملف .
د/ روح للبنك وسدد 4000 ريال قيمة تأشيرتين لإنهم ماراح يعطونك أكثر من كذا لو تلحس كوعك وخذ الإيصال حق السداد.
ه/ بعد كذا روح سلم الأوراق بالإيصال حق السداد وروح للموظف حق الإستقدام وعطه الأوراق راح ياخذها ويقولك رايحين نكشف على المحل الأسبوع الجاي .
قله طيب .
*ملحوظة مهمة : مايستقدم الواحد الإ إذا كان عمره فوق الواحد والعشرين .
وما يستقدم إذا كانت إمرأة الإ إذا جابت عقود حكومية .
وترا مسألة إنو لازم يكون عندك 25000 ريال عشان تطلع السجل كلااااااام فاضيييييييي.
وأي سؤال تروني حاضر

والسلااااااااااااااااااااااااااااااااااااااااام