السلام عليكم ورحمة الله وبركاته

انا خريج كلية تقنية قسم الحاسب الآلي -دعم فني ومعدلي 4.73 مع مرتبة الشرف وعندي لغة انجليزية من دايركت انقلش 6 شهور هل اكمل دراسة البكالوريس او اقدم على الشركات والدوائر الحكومية ؟؟!! وشي المجالات الوظيفيه المناسبة لتخصصي اتمنى تفيدوني انا خريج من شهر تقريبا

شوف ياخوي الغالي المجالات كثيرة منها مشغل حاسب الي يعني في مختبر الحاسب للمدارس لشركات سجل سيفي في شركة الاتصالات موبايلي زين قدم على هيئات الطيران المدني هيئة المساحة الجلوجية وغيرها


بس ترى شهر توك بقراطيسك

القطاع الخاص افضل

انا رح اقولك المجالات اللي انا اعرفها ومتأكد منها :
1- انك تنتظر تسجيل بعثة الملك عبدالله التابعة للمؤسسه العامه للتدريب التقني والمهني
( اتوقع انهم رح يقبلوك ماشاء الله معدلك ممتاز وغير كذا عندك لغة انجليزية )
2-المجال الثاني انك تقدم على البكالوريوس التابع للمؤسسه العامه للتدريب التقني والمهني
( اكيد رح يقبولوك مبدئي لان معدلك فوق 4.50 ورح يختبروك في التخصص واللغة الانجليزية ,
والقبول النهائي رح يكون على حسب المفاضلة في الدرجات ) روح وجرب حظك .
3- اكيد في شركات تتمنى وجودك معهم اذا كنت تتقن اللغة الانجليزية تحدث وكتابة
( بس المشكلة موفي اللغة بالتحديد المشكلة بالخبرة بعض الشركات اوتقريبا كل الشركات
يطالبون بالخبرة من 3 سنوات الى 6 سنوات )
4- الدوائر الحكومية ممتازة ( بس المشكلة صارت بالواسطات )
5- الحل الخامس والاخير ( انك تكون عاطل )
وهذا حال اغلب الشعب السعودي
أخوك ف0ب
عاطل من سنتين
خريج الكلية التقنية بمعدل 4.52 بتقدير ممتاز
نحو مستقبل مظلم
وبصراحة جربت انا كل المجالات المذكورة اعلاه
وانا الآن ناسبني المجال الخامس وهو ان اضل عـــاطـــل
اتمنى اني افدتك وهذا كل شي عندي
وآسف على الاطالة.
والسلام عليكم ورحمة الله وبركاته

لا تحبطوه ياشباب ولا تفائلو عليه بالبطاله ماشاء الله معدله حلو
الله يوفقك أخي الكريم وشوف مستقبلك بالقطاع الخاص.

يعطيكم العافيه شبااب ماقصرتو والله .,~
بصرآآحه انا متخوف والله كثير العاطلين من الكلية التقنية اقربهم اخوي جلس 5 سنوآآآت بدون وظيفة والحين هو في شركة زين ,,معدله 3.11 جيد
انا ارسلت C.V للشركات الحكومية الكبرى الاتصلات وموبايلي وبعض البنوك ,,بس مادري كذا يكون التوظيف والا لازم اروح للموارد البشرية واقدم اوراقي ؟؟!!
------------------
اخوي (( ابغى وظيفة )) الله يرزقني ويااك باللي نحب ونتمنى
بغيت اسالك عن كلية اعداد المدربين ماقدمت فيها ؟؟!! سمعت ان دراستها انقلش و3 سنوات ويتخرج مهندس براتب 11 الف اتوقع

جرب تسجل بسابك وارمكوا لانهم يستخدمون نظام التدرج
ولازم تقدم على البعثة وكلية اعداد المدربين المشكلة انه تسجيلهم يتاخر شوي
المهم انا بعد مابقى شي واتخرج اتمنى تزودني بالتفاصيل

[align=center]
نصيحه من كل شخص توه متخرج اتوظف بإي شي المهم لاتجلس عاطل لاتفكر انك راح

تحصل وظيفه راتبها عالي اول ماتتوظف بعدين فرصه تتوظف وانت توك متخرج ما راح تنسى

الاشياء الي درستها خاصه اذا اشتغلت نفس طبيعة دراستك

واذا ماحصلت نفس مجال دراستك كمان اتوظف لاتفتوت الفرصه

وانت متوظف حاول تكمل دراسه متى ماسمحت لك الفرصه اذا قدرت تترك العمل

اتركها وكمل دراسه واذا تقدر تدرس وتشتغل لاتفوتها

ارجع واقول لكم نصحية شخص عاطل جرب العاطله والله مافيها خير

صح راح تتعبون انكم تدورون على وظائف بس لاتخلي شيء لازم تقدم

ملفك بيدك والله يويفقكم وترا التقديم بالنت اكثر كلام فاضي

غير القطاعات الحكوميه هي الي فيها مصدقيه اكثر

والله يرزقنا ويرزقكم يارب
[/align]

نصيحتي بقولها لك وانا مغمض كمل البكالوريوس ,,,وبعدين وإنت تكمل وحاب تشتغل دور عمل مسائي مثل مكتبة جرير أو أي شيء أخر,,,تكمل البكالوريوس افضل من عملك بشركات ,,كل ودي

مشكورين والله الله يسعدكم ,,

انا باقدم بكل مكآآآن لو تجي بتبوك او الشرقيه او الرياض انا رآآيح رآآيح ان شالله .. بس دعوااتكم تكفون لني من النـوع الحآآر واللي مايصبر ")