[تقرير]دورة امن السفارات الرياض - بالتفصيل الممل ^_^

عاطل × عاطل · #1 (**permalink**) 05-05-2011, 01:57 AM

بسم الله الرحمن الرحيم

السلام عليكم ورحمة الله وبركاته

اخواني مثل ماوعدتكم من فترة بأني انزل لكم موضوع كافي وافي ان شاء الله عن دورة امن السفارات الرياض بالتفصيل الممل .. لترتاح قلوبكم وتهجع في مهاجعها <- متعوب عليها

في البداية .. ابارك لكم مقدما ً القبول .. فبأذن الله كلكم مقبولين .. بنسبة 99.9%

كل اللي دخل وسوى مقابله يعتر نفسه مقبول .. اتركوا الوسوسه عنكم

-الطلبـــات اللي لازم توفرها معكم -
ثلاثه او اربعه بناطيل كحليه وفنايل بيض رياضية -قبوع ابيض (كاب) - جزمة رياضية بيضا واحرص على النوع المريح
ملابس داخلية ( سراويل قصيره وفنايل ) كثثثثثر قد ماتقدر

لظروف الحر اللي بتمرون بها والتمارين راح تعفن بسرعه. شربااات كثييير .. خذ لك درزن
امواس حلاقه او مكينه حسب راحتك انت .. مزيلات عرق .. بودرة حقة اطفال عشان ريحة رجولك ولها استخدمات اخرى عشان التسلخات والحفا .. وجيب معك علاجات ( بندول - مرهام عظلات - مضاد حيوي - مراهم للتسلخات .. الخ )
عطــر - صابون - شامبو .. ادوات عناية شخصية .. انت ادرى بحاجتك

- بداية الدورة الـ 45 المرعبة

-
اول يوم راح تجون فيه راح تنلطعون برى لين 7 الصبح
ويدخلونكم من بوابة الشرطة العسكريه وراح تقول في نفسك ( وداعا ً للحرية

مؤقتا ً طبعا )
راح يفتشونكم تفتيش مبدئي بسيط لا يغرك وتقول ياليتني دخلت جوالي ولا دخاني

وراك تفتيش ثاني
تدخل راح تحس انك داخل في مكان غريب عجيب .. راح يودونكم على ملعب كورة قدامك وماتسمع الا انواع المنافخ

( هرول لا تمشي يالووووح وووالخ ) لا تشيل بخاطرك ولا تحسس البداية لازم كذا.
راح يبدون يفتشونكم واحد واحد تفتيش دقيق .. وبعدها يقولون لكم حطوا شناطكم فوق رؤوسكم وانطلقوا ركض حول الميدان

<- لحد الان مدري ليش هالحركة الغبيه

طبعا ً ماتوصل الا انت ميت من التعب .. راح يثبتونكم وينادون على اسمائكم واحد واحد ويوزعونكم على فصايل .. غالبا ً 6 فصايل .. وبعدها تصليبه محترمه حق نص ساعه وبعدين يصرفونكم على السكن .. تبدا تختار لك سرير .. واحرص على انك تاخذ سرير ارضي ويكون قريب من المكيف في احد الاركان .. هذا افضل شي

اول يوم راح تصحون الفجر الساعه 3 تماما ً .. وراح تحس أنك بمعتقل من اسلوب المدربين معك .. لكن تذكر بأنك في بداية الطريق لااااازم تصبر ومالها الا رجالها

راح تروح تنطق في النادي اللين يأذن .. والنادي عبارة عن ( نادي - ومصلى - وبوفية - ومكتبة عامه - وبتاع كلوا ) وبتشوفه اكثر من أن تشوف وجهك

. واحرص انك تحط قبوعك قدامك وتصلي عليه لأننا حنا نصلي بالبساطير الان يعني الفرشات رايحه فيها

تصلون الفجر وتنزلون الميدان ويصير التكميل الصباحي ( التحضير ) طبعا ً رقيب دورتكم حسب ماسمعنا ( محمد ابراهيم الشمري ) مطنوخ .. صح راح يفجعكم بصراخه .. بس ذيبان لا تشيلون هم

وهذا فيديو للميدان

بعدين راح تاخذون حصة بعد الفجر عبارة عن تعليم اساسيات العسكريه من المشاه والاستعداد بالعدد وبعدين بالمجمل الخ

بعدين يصرفونكم بعد الحصه الاولى اللي مدتها 45 دقيقه .. راح تنصرفون للميز .. لوجبة الفطور المقبولة نوعا ً ما. وهي ( بيض مسلوق او جبنه وزن وحلاوة وزيتون او جبنة مثلثات ومربى - عدس او فول - عصير مصاص ) طبعا ً الفطور اليومي مايخلوا من هذي المحتويات ولكن كل يوم يشكلون لكم عينه منها

بعدين تريحون تقريبا ً ساعه وترجعون للميدان الحصة الثانية .. وهي عبارة عن حصة تعليميه للمشاة والاستعداد والحركات العسكريه

بعد ماتخلص الحصة راح يصرفونكم على النادي تنطقون فيه ثاني مرة اللين وقت صلاة الظهر .. يصرفونك منه تتوضا وتتجهز لصلاة الظهر وبعدها وجبة الغداء عبارة عن ( لحم او دجاج او سمك - رز - ملخوية او ايدام فاصوليه او ايدام بازيلا ) والغدا مقبول نوعا ً ما

بعد ماتنصرفون من الميز راح يكون عندكم داخلية ( تصليبه ) تطول او تقصر على حسب المناوب معكم

بعدها تنصرفون تتجهزون لصلاة العصر .. وبعد صلاة العصر اللين يجي وقت العشا اللي هو عبارة عن ( جريش او مكرونه او رز - ايدام - لبن ) غير مقبول بتاتا ً

يالله لك الحمد ( حاليا ً ماعاد احد ياكل عشا الميز )

تنصرفون بعدها للنوم الساعه 9

وهذي الـ 45 تمر عليكم لين تخلص على هالبرنامج

# تنبيهات #
1- حافظ على تحصين نفسك بالاذكار صباح مساء
2- حافظ على الانضباط من اول يوم .. ترى المدربين يبحثون عن ضحيه يجازونه يخوفون به باقي المجموعه . فلا تكون انت الضحيه
3- اي كلمة تسمعها من اي مدرب دخلها مع اذن وطلعها مع الثانيه مثل ( يالوح - ياحمار - يابسطار وو الخ )

لا تشيل بخاطرك تعيش مبسوط
4- ابتعد عن الطلاب المتشائمين وابحث عن الطلاب المتفائلين عشان لا يعدمون نفسيتك والله الله بالرفقه الصالحه وانتبه من المنحرفين

5- اشتر لك زنوبات مميزه لونها ان شاء الله فسفوري

ترى الزرف بيشيب راسك خصوصا ً النعال <- مشتري 17 زنوبه لحد الان

6- لا تخلي المدربين يعرفون اسمك .. عشان لا تصير ضحيه في كل شيء

بالنسبه للدخان والجوال .. اسهل مما تتخيلون مافيها تشديد بالحيل .. بس انتبه لا تتهاون لين تطيح

بتروح غلطه ترى ( خلك ذيب )

# المدربين والمناوبين #
1- الرقيباول محمد ابراهيم الشمري - مدرب شديد من ناحية الاستلام .. ويعشق الداخليات يعني حط في بالك قوة داخليات في استلامه .. بس حبييييييب مايضرك ابد اقيمه 9/10
2-الرقيب صالح ردن الحربي - ماتعرف له مره حبيب .. ومراات عكس ذلك .. اقيمه 2/10
3-الرقيب موسى الماس - عملي وشديد ومايضحك كثير واذا قال كلمه يسويها ..ومحترم مع الطلاب المحترمين .. اقيمه 8/10
4- الرقيب اول تراحيب عسكر المطيري - حبيب الكل - طيييب وعسسل وضحوك ومستحيل يغلط على الطلاب ولا يجازيهم واستلاماته تعتبر انواع الفله وتلقى الكل مستانس .. وانصحكم اذا احتجتم شي في المركز وتبون مساعده روحوا له .. اقيمه 10/10
5- وكيل رقيب بندر الدريس - محترررم جدا ً جدا ً جدا ً .. اقيمه 10/10
الرقيب مرشد المقبل .. طيب ولكن شديد التشكي والكلام والهيبه بتعرفون قصدي اعطيه 5/10

هذا تقريبا ص ماقدرت احصيه في الـ 45

وانتظروا باقي الموضوع

الفرد الاساسي - الدورات التخصصيه - والتخرج

ودمتم