05-05-2011, 05:17 PM
|
عضو جديد
|
|
تاريخ التسجيل: Nov 2010
المشاركات: 19
معدل تقييم المستوى: 29
|
|
يإخون لعل اني افيدكم
كلام الناس كثر اللي يقول القلاب يطلع 15 ألف ريال
وبعدين وين سعر القلاب النظيف البوز بـ 150 ريال ماتحصل النظيف أقل من 200 الف ريال
وللمعلوميه فيه شركات كبرى مثل رامكوا يمكن يطلع القلاب 12 الف ريال او اقل لكن رامكو مايطلبون قلاب واحد ولا عشره يطلبون مجموعة قلابات ويكون السائق باسم صاحب القلاب وفحص القلاب ودوشة رأس وتأخير مستخلصات يمكن لثلاث شهور او اربعه0
( ابي اقولكم شغلتي مع القلابات وهذا الواقع )
انا شغال بشركه شغلها مريح نوعاً ما للقلاب وبـ 400 ريال يومياً ماعدا الجمعه واحيانا تعرف العطل يقف القلاب اربع يام بالشهر او ثلاث ايام هذا لصار عطل بسيط يعني مو مكينه ولا قير لو تحسبها يمكن يطلع لك بالشهر 8500 ريال او 9000 ريال شهريا طبعا طلع راتب السائق منها 2000 ريال اذ مو ع كفالتك وراتب اللي ع كفالتك ع حسب 1300 ريال وحق الزيت شهرياً الكرتون بـ 240 ريال وحق الشحم والبنشر ومن غير حق العطلات البسيطه . احيانا يطلع لك الصافي 6000 ريال واحياناً 7000 ريال واحيانا ماتأخذ منها شي تشري بها كفرات وغيرها .
وع فكره فيه شركات تأجره عليهم بـ 500 ريال أو 450 ريال لليوميه بس يمكن شغلهم ع السياره حار ويمكن المستخلصات ماتجيك كل شهر تتأخر .
أما بالنسبه انكم تأجرهم عليهم شهرياً ماتعرف لا زيت ولا شحم ولا غيره إلا بالمكينه النص بالنص والقير يعطونك قطوعه من 8000 ريال لـ 10000 ريال شهرياً والسواق راتبه عليك والافضل تحط سايق ع كفالتك يهتم لك بسياراتك . >> علماً ان هذا النوع من الايجار مانصح فيه لانهم بيعدمون سياراتك عليك تشريها بـ 200 الف ريال وفي البيع يمكن تبيعها بـ 150 ألف ريال او أقل 0
وانصحكم بالقلابات البوز من موديل 82 وفوق يكون نظيف لانها هي اللي تحمل وصبوورهـ ع بعض السواقين.
اتمنى اني إفادتكم بما جربته وعاصرته والمعذره في عدم ترتيب الكلام 0
لا تنسوووووووونا من دعووووووووووواتكم
|
العرض العادي
