منورين

أختي أميرة السندباد..

تقدري تتواصلي معي عشان أخذ بياناتك

لايشترط كشف الوجه

المقابلة يوم الاثنين القادم في نفس العيادهـ..


وبالنسبة لك ياأمــــل... برغم من اسلوبك السيء وكأن الأرزاق بأيدينـــاااا

حابه أوضح لك شغله..

اولا بالنسبة للمصنع ماأتخيل في أحد جبرك .. فيه غيرك مبسوط ومرتااح..

ثانيا بالنسبة للمدارس الأهليـــه اتوقع قليل تواجدهـا في جنوب جدهـ لو حطيتك بأي مدرسه اهليه بالشمـــااال أو الوسط

بتقولي الراتب مايغطي حق السواااق..

لكن لو حابه وعاقده العزم على المدرسه الأهليه.. ابشري من عيوني

راسليني على الخـــااااص...لكن بنبهك من الان راتب المدارس الاهليه عمومااا 1800 ريـــال..

بخلاف المدارس العاالميه او الكبيرهـ

وإذا انتي جيده بالأنجليزي .. ممكن أقدم لك وظائف بأماكن نسائية ..

أخيرااا

كوني صافية النية لتجدي الخير لاتذمي أناااس أو أمــاااكن هي بالنسبة للأخرين ملاااذ ومكان رزق

أحترامي لرقيك

شـكرا لك وبارك الله فيك

شـكرا لك وبارك الله فيك... لك مني أجمل تحية .

أشكركِ أختي : )

جزاكِ الله كل خير ,,

اقتباس:

المشاركة الأصلية كتبت بواسطة بشموخي أتحداهم موظفــــــــــــات في مدينة جده وللسعودياااات فقط مطلووووب كشف وجـــه.. أستقبال لعيادات .. دواميـــن كشف وجــه

الله يعطيك العافية..

جـزآكـ الله خـير
بالتــوفيق للجمـــــيع

الله يعطيكـ العافية

اول يا اختي اسلوبي مافيه شي بالعكس ماسبيت ولاذميت حد قلت سد رزق لاني كرهت ذا المكان يعني اضرب مشوار من بيتي الي بجنوب جده لين الصيرفي وبالاخير اخش المكتب واعبي ورقه والموظفه الي هناك الله المستعان بس بالها موب معي بالها مع الرجال الي داخل وخاش هناك الشرهه موب عليها عالي حطها هناك وقلتلها انا ارضى باي شي ياختي المدرسه الاهليه لو راتبها ريال عالاقل اخذ خبره بس المصنع وين الخبره الي فيه الله المستعان بس وخافوا الله كويس اني لقيت احد في سد رزق عشان يعرف الي يصير هناك وبالنسبه لكلامك عشاني بجنوب جده لعلمك انا خريجة جامعة الملك عبدالعزيز الي بالشمال الي بحي الفيصليه يعني اخر شي افكر فيه المشوار وارضى باي راتب دام فيها شهادة خبره واحسبيها انتي بالعقل قسم بالله لو ترضيها كان اشتغلتي فيها انتي انتوا ترمون باي مكان ولاهمكم وش يصير بالبنات في ذا المكان ولعلمك انا مارضيت فيها الوظيفه ولارحت حتى للمصنع بس وحده من صحباتي راحت وماستمرت فيه واذا غيري انبسط هناك الله يزيدهم في رزقهم بس صدقيني لو انتي مكاني ماتروحي ابدا يعني ابل شهادتي بالمويه واشربها وانتوا بحكم انكم موظفين هناك يا اختي وظفوا الناس على تخصصهم مو شي اقل من تخصصهم بلاش على تخصصهم شي على مستواهم الدراسي عمومن تقبلي مروري وخذي كلامي بصدر رحب ومن غير ماتزعلي لان ذا الواقع والايام ذي صارت الناس تزعل من الصراحه

يسعد مساك يا امل جدة اول شي حبيت اسلم عليك وثاني شي خلي املك بالله كبير ومتفائلة ،
وبالنسبة للوظيفة اذا انتي ما سعيتي لها ما راح تجي حتى عندك ، وبالنسبة لوظايف المصانع يمكن انتي تحسيها انها مو شي يستاهل الواحد يشتغل فيه وللعلم انا خريجة بكالوريوس تغذية وعندي دبلوم حاسب يعني جامعية وكنت اتمنى اشتغل في المصانع ولكن للأسف انا بالشمال واهي بالجنوب زين ،اشتغلت انا كمندوبة مبيعات في شركتين بجدة وبعدين كول سنتر على الرغم اني ما احبها و مو نفس تخصصي لكن استفدت منها خبرة وازيدك من الشعر بيت سافرت جنوب المملكة واشتغلت في مستشفى في نفس التخصص لمدة سنتين ولكن كنت بعيدة عن اهلي بس كسبت خبرة والحين رجعت جدة ادور على وظيفة هنا وعندي ثقة في نفسي واملي بالله كبير انه راح يجي يوم والقى الوظيفة اللي اتمناها بس اهم شي يكون عندك ارادة وصبر وتفائل وخلي املك بالله كبير مهما صار واي شي تتمنيه ومايصير يمكن يكون خير لك واتمنى انك ماتزعلي مني ومن كلامي
والله يوفق الجميع لما يحب ويرضى