السلام عليكم ورحمة الله وبركاته
كيف حالكم كلن باسمه
يالنشاما الوضع ما يطمن
السالفه سلمكم الله مسوي لي عملية قبل سنه و8 شهور
المهم العمليه ثلاث فتحات
قبل كم شهر انفتق واحد منها من جوا يعني اذا شديت على نفسي يطلع الجرح من بين العضلات واحس به واقوم ادخله بيدي
المهم اني رحت المستشفى وقال نفتح الجرح ونربطه من جديد
وانتم عارفين ان فيه تقديمات جايه مباحث وحرس الحدود والاستخبارات بعد كم ساعه
وانا الحين محتار اسوي العملية ولا اصبر لين انقبل في حدا هالاقطاعات واذا خلصت كل شي ان شاء الله وباقي الدوره الي غالباً بتكون في شهر 10 اسوي العملية؟
لاني اخاف اسويها الحين ويبين واسقط في الكشف ؟ واخاف ما اسويها ولا يمديني اسويها قبل الدوره؟ في حال انقبلت
وش الشور يالربع ولا خاب من استشار
( لحد يقول دور مدنيه لاني لو اني لاقي ما شفتو خشتي هنا)