اخواني و اخواتي

السلام عليكم ..

انا جتن وظيفة " موظفة استقبال " في مشفى كبير والراتب 3400 لكني مترددة و خائفة بعض الشئ
وانا لي حوالي السنتين عاطلة .. مليت قعدت البيت ... والاهل ما عندهم مانع ..

لا تحرموني مشورتكم ..........
والله يخليكم يا بنات من سبق لها العمل موظفة استقبال تذكرلي تجربتها و ماهي مهام العمل
وانا مستواي بالانجليزي مبتدئه لا اعرف المحادثة ولا اكتب .. تتوقعون اني رح امشى فيها ..ومعي شهادة حاسب ..


جزاكم الله خير ..

وعليكم السلام ما انصحك بالعمل في المستشفيات
واسأل الله أن يرزقك من واسع فضله .

إذا كانت الوظيفة في مكان منفصل عن الرجال وليس به إختلاط أقولك توكلي على الله وروحي

أما إذا كانت الوظيفة بها إختلاط فأنصحك بالإبتعاد عنها وأذكرك بالحديث الشريف ( من ترك شيئاً لله عوضه الله خيراً منه )

وعليكم السلام ورحمه الله وبركاته

أولا يالغلا بغض النظر عن انك تعرفين انجليزي او لا لأنه بإمكانك تآخذين لغه

هل معك رجل في نفس الاستقبال ؟
اذا معك اكيد ما أؤيد الوظيفه لك يالغلا

وتذكري (من ترك شيئا لله عوضه الله خيرا منه )

موفقه بإذن الله ... لك مني أجمل تحية .


لا اله الا الله

موفق بإذن الله ... لك مني أجمل تحية .


لا اله الا الله

هلا حبيبتي شوفي انا كان لي تجربة في العمل بالمستشفيات بس مو بالاستقبال كنت ماسكه التأمينات والشهادات الصحيه ونتائج التحليل اللي تخص العماله الوافده واللي تطلبها الإقامه للحصول عليها او التجديد بقولك تجربتي كانت حلوه وفادتني ع مستوى اللغه تحسنت نوعا ما بشكل بسيط وعلى المستوى المهني احس اني تطورت صح كان ضغط وعمل مجهد بس كان ممتع نتخاطب مع شركات التأمين والحسابات وكذلك نتابع المختبر للحصول ع التحاليل ونستفيد من الاحتكاك فيهم ع الصعيد المهني والعلمي يعني كان العمل مره روعه بس للأسف كان فيه اشخاص موظفين معانا بالقسم وللأسف بعضهم اطباء بصراحه صعب التعامل معهم وانا مااقدرت اتحمل الوضع اشتغلت 4 شهور ولما جيت اطلع طلعوا عيني عشان اخلاء الطرف بصراحه سذاجه منهم على بالهم بغير رأيي بالأستقاله بالعكس انا عندت واصريت اكثر اما صديقاتي اللي معي وبعضهم بالأستقبال طبعا الأستقبال كله بنات ومااذكر ان لهم شكوى تذكر عادي وبعضهم كمل والبعض طلع يعني الموضوع يعتمد عليك انتي بس بصراحه والحق يقال كان المدير الطبي انسان جدا محترم بس للأسف فيه ناس تكرهك في المكان وبصراحه فيه بنات استمروا يعني الموضوع يرجع لك بس انا شخصيا بصراحه اقول قد ماتقدرين ابعدي عن الأختلاط ولو عجزتي عاد الشكوى لله الله يوفقك وانتي بشخصيتك واخلاقك بتفرضي احترامك صدقيني والراتب اللي ذكرتيه حلو بالنسبه للوظيفه وفي الختام لك مني اجمل تحيه سلااااااااااااااااام ..............

السلام عليكم ورحمة الله

أختي : والله إذا كان عملك فيه اختلاط فأنصحك بالابتعاد عنه قد ماتقدرين, كماقال بعض الأخوان..

تذكري (من ترك شيئا لله عوضه خير منه)

أذكر قصة لمصرية اتصلت على وحدة من دكاترة جامعتنا وقال لها هي موظفة براتب حلو لكن

يطالبون منها بنزع الحجاب , المهم استشارت الدكتورة قالت لها أنصحك بالابتعاد عن هالوظيفة

وربي بيعوضك خير منها إن شاء الله ..

تقول في يوم من الأيام اتصلت عليها وقالت أبشرك توظفت بوظيفة أحسن من الأوله وبراتب أكثر

وحجابي علي ..
(لأن من ترك شيئاااا لله عوضه خير منه)

أسأل الله أن يرزقك ويوفقك ويكتب لك الخيرة يااااااارب