أخي انصحك تفتح لك بقالة صغيره في جامعه او كلية واقول بقاله مش كفتريا
لأن البقالة اسهل بكثير لأن راح تبيع كل شيء مغلف وجاهز والكفتريا دوخ راس ورقابة صحية
واقول لك ايش راح تبيع جميع انواع البسكوتات ( سنكرس يحبوه الشباب ما ادري ليه - مارس - تويكس - جالكسي ..............) عصيرات مشروبات غازية والله يهديهم
مويه حليب بالشكولاته حليب فراوله .......
تقاول مع مخبز مشهور ويحبوه الناس يجيب لك بف مغلف ونظيف
مناديل جيب
شاهي ـ شاهي حليب ـ قهوه عربي - نسكافيه ......
وانا هذا المشروع في راسي وبإذن الله تعالى راح انفذه
لكن تعرف البنات يحبوا هذه الاشياء اكثر من الشباب خاصة ً القهوة العربي والشكولاتات
وراح اضيف طبعا الايس كريم ( جاهز ابو ريال وريالين وثلاث )
واضيف بطاطس مقليه يموتون فيها
وورق عنب طبعا تشتريه جاهز وتقسمه في صحون صغيره
ولو تبيع فيه بنفسك في البداية يكون افضل عشان تعرف مقدار الدخل وعشان محد يسرقك وبعدين انت فاضي وصدقيني دخله يساوي دخل 5 موظفين اشتغل فيه بنفسك ولا تنسى ان تسع اعشار البركة في البيع والشراء
وبعد مدة تقدر تجيب احد يساعدك فيها يعني يدك بيده ( لا تخلي مجال للسرقة ) وابدأ شوي شوي
يعني البضاعة خلها قليله في البداية وشوف طلبات الزبائن اكثر شيء ايش وووفره بعدين

والله يكتب لك اللي فيه الخير قول آمين

أنا عن نفسي

أنصحك بمحل حلاقة مايكلف غير ديكور ومعدات تقريباً 30 ألف ريال

بشرط العامل يا يكون تونسي أو مغربي أنتبه من الأتراك

وأتفق معاه طبعا على مبلغ مثلاً 3000 ألف على حسب الشغل

وتقدر بكذا تفك محلين بنفس الوقت

علماً الحلاق ما تخاف أنك تخسر فيه

أولا الحلاقة شي لا نهايه له

ثانيا لا توجد تكاليف غير شغل اليد

مع تمنياتي لك بالتوفيق

انصحك .. بمحل خدمات طالب جنب الجامعه للبنات .. طييب ..
اذكر ايام الجامعه داااايم الطابعه للورق في الجامعه خربانه وان كانت صالحه فكل الشعب عندها وطواااااااابييير لحد ما تخرب مره ثانيه .. وايام الاختبارات "طبعاً هذي طووول السمستر" ينزنقوون البنات في تصوير الورق والدفاتر والملازم ... فيصير نرسل اللي عندها سواق لاقرب خدمات طالب ..وما تجي اللا نهاية الدواام لانه مررره زحمة وما فيه حول الجامعه اللا محل او ثنين .. بس ..

فاقول لو تاخذ لك اصغر محل تلقاه .. بجنب الجامعه .. وتجيب آلة تصوير وطباعة ورق .. تلقى مكسب باذن الله وبالتوفيق

اي جامعة وفي اي مدينة اختي ريانة طيب انا عجبني هالمشروع ؟؟؟؟؟؟؟؟؟؟؟

اخوي المحل اللي تفتحة تقعد فية بنفسك واذا انشغلت تقعد فية اخوك واذا فية ثقة بعد وبالنسبة للعامل انت تجيب العامل من الخارج لا تجيب عمالة السعودية نقل كفالة واعزلة عن عيال ديرتة لانهم يخربون بعض بمعني احشرة في المحل من الصبح الا الليل ولين يتمرد يكون مر علية سنتين سفرة وجب غيرة وهكذا بس انك تاخذ نسبة انتبه حرام تضيع فلوسك على الفاضي ......

وموفق انشالله

وحي القلم

^

في الجامعة .. ما احد يقدر يبيع ..
مستلمه التغذية في الجامعة شركة !
وحتى في كليتي د.كيف !!
اشكرك تفاعلك ,


حـرف ( الواو )
^
الحلاق ..
طرا على بالي كثير ..
بس .. وانا اخوك فيه نظره دينية له ..
وانا ما أبي آخذ أثم بـ إيدي ..
ولا إنه مشروع ناجح
واشكرك كذلك على التفاعل


ريانه^
مشروع وفكرة حلوه ..
بس .. ياليت تفيديني وتفيدي اخوي فيصل بـ إسم الجامعة
عسى إن تكون من نصيب احدنا , إن كان فيها خير
واشكرك على تفاعلك

.. العفو آفاق المجهول .. وأخوي فيصل .
الجامعه الله يسلمك .. جامعة الملك سعود .. بعليشه .. في الرياض طبعاً

يالله ان شاء الله تستفيدون .. وينجح مشروعكم

حاول انك تلقى أقرب محل مقابل اي بوابه من بوابات الجامعه .. خمسه او سبع او اربعه .... وسو بروشورات ووزعها عند بوابات الجامعه .. الحي اللي هناك قديم واتوقع ان اسعار ايجارات المحلات هناك رخيصه .. بالتوفيق ان شاء الله

اخوي أفاق للمجهول الله يوفقك إنشاءالله

ترى مشروع المغسله ممتاز وخاصة إذا تميزت بشي

بالنسبه لي . انا في الشرقيه على كثرة المغاسل عندنا الا أن فيه ثغرات يقدر الواحد يتميز من خلالها

والمغسله أنشالله بتكون مشروع لي في المستقبل إذا الله وفقني .


لكن بعطيك نصيحتين حلوات :-
1 ) في اي مشروع النجاح يعتمد على الموقع بعد توفيق الله (مثل ما تقولك أختك ريانه أختر قرب بوابه ) نصيحتها حلوه أذا عجبتك فكرتها

2) لازم تميز نفسك بشي ( يعني تغير شوي بالطريقه وبالعرض وغيره )

وإذا رسيت على مشروع معين .. قولي وراح أعطيك أفكار تعجبك أنشالله


وبالتوفيق .

............... (( أستغفر الله )) ............... رددوها أكثر وأكثر