البطه السوداء .. وش الحل لها ..؟!!

عقرب سآم · #1 (**permalink**) 08-05-2011, 07:53 AM

السلام عليكم ورحمة الله وبركاته

صباح الفل والياسمين والزيتون .

باستشيركم في قصة صديقي
وبنت اخته
قطع قلبي يبغ حل ..

كنت جالس مع الشباب في الاستراحة .,
وجاني صديقي ., يشكى لى حالة بنت اخته
اللى عمرها تقريبا 9 سنوات .

يقول

توفت امها قبل ثلاث سنوات ونص تقريبا .,

يقول رحت زرتها في بيت ابوها .’,
وجلست اسولف معها ., واحاول انى ماذكرها بامها
واخوها اللى مات مع امها في الحادث .,

المهم مالكم في القصة .,

هو يشكى لى حالة البنت .. ويبغ حل لها ..
يقول جلست اسولف معها وحاول اسليها
وكل فتره اروح لها .
واجيب لها هدايا والعب ..

وادلعها .. واحس أنها بقايا اختى الكبيره فيها .,

يقول المره الاخيره جيتها .,
وجبت لها اسفنج بوب .. ودب .. وجسلت العبها .,.
واضحك معها .. وهي ساكته ولا تضحك مثل العادة .,

قلت لها وش فيك ياخال .. وش فيك يارزان ..
قالت ياخال بالله خذنى معاك .. مابغ اعيش هنا
قلت لها وش فيك ..؟

يقول بكت وبكت وبكت ..

حتى قطعت قلبي ..
وقالت لي كلام كثير ..

عن زوجة ابوها وعن تعاملها معها ..
في كل شي ..
حتى الاكل ماتاكل معهم ..

وتهينها قدام جيرانها من النساء .
وتمنعها من التلفزيون ومن اللعب بالالعاب .

يقووووول تكلمت باشياء كثيره ..
قطعت قلبي
استغربت يطلع من صغير
مثل الكلام ذا
إلا لما تكون عاشته .,

آخر شي قالت لي خذنى معك .,

يقول تلعثم لساني واحساسي
وانا اعرف ابوها رافض .,
لنا سبق وكلمته انا وامي .,
لكنه رفض .,

يقول لي هي تعيش حياة البطه السوداء
ويبغ حل .,

وش رايكم ..؟

كيف يتعامل مع الموقف .,

يكلم البنت تصبر ..؟

او يكلم ابوها ويحاول فيه ..!! مع انه مافيه امل ..!!

انتظركم

faisSsal · #2 (**permalink**) 08-05-2011, 08:09 AM

وعليكم السلام ورحمة الله وبركاته

يقولون كثر الدق يفك اللحام
يحاول في ابوها لين مايوافق

واذا ماوافق يفتش جسمها ويحاول يطلع اماكن ضرب
علشان تكون حجه له .. لو يشتكي عليهم ويقدر ياخذها عنده

اما غير كذآ .. ما اتوقع فيه حل

الله يكون بعونها هالمسكينه

الله يعطيك الف عافيه

ريمااان · #3 (**permalink**) 08-05-2011, 08:39 AM

وعليكم السلام ورحمة الله وبركاته
انا عندي رأي ثاني يخلي امه تكلم ابوالبنت وتحاول معه أكثر من مره أو امه تكلم ام الرجال أويشوف شخص قريب من أبوها وله كلمه عليه ياعل يصير فيها خيره يعطيك العافيه نسيم والله يسهل لهم الامور تحياتي لك

المالكي احمد · #4 (**permalink**) 08-05-2011, 09:12 AM

انت حاول فيه يعطيكم البنت تربونها . وأسأل الله ان يكسبكم اجرها
واذا رفض اشتكوه على حقوق الانسان .
وشوف وش يسوون فيه هو ومرته .

نسيانْ · #5 (**permalink**) 08-05-2011, 09:22 AM

[align=center]
وعليكم السلام ورحمة الله وبركاته
لاحول ولاقوة الا بالله

اقتباس:

يقول تلعثم لساني واحساسي
وانا اعرف ابوها رافض .,
لنا سبق وكلمته انا وامي .,
لكنه رفض .,

اجل اتبعوا مع ابوها اسلوب التدرج
بحيث انكم ياخوالها تاخذونها بين فترة وفترة
تمشونها معكم وترجعونها لبيتها
يعني حاولوا قدر الامكان اكثر الاوقات تكون عندكم
وابوها اكيد بيلاحظ تغير نفسية بنته معكم
وهذا الشيء بيقنعه ان يتراجع عن فكرة الرفض
وطبعا مع مناقشة الوالد واقناعه
ان شاء الله يغير رايه ,

والله يكون بعون الجميع

[/align]

الغازي · #6 (**permalink**) 08-05-2011, 09:30 AM

و عليكم السلام و رحمة الله و بركاته
أخوي الله يسلمك و يبارك فيك حاول بقدر المستطاع إنك تكلم أبوها و تربيها عندكم
ربي يسلمك و يجزاك بكل خير

عقرب سآم · #7 (**permalink**) 08-05-2011, 09:46 AM

اقتباس:

المشاركة الأصلية كتبت بواسطة faisSsal

وعليكم السلام ورحمة الله وبركاته

يقولون كثر الدق يفك اللحام
يحاول في ابوها لين مايوافق

واذا ماوافق يفتش جسمها ويحاول يطلع اماكن ضرب
علشان تكون حجه له .. لو يشتكي عليهم ويقدر ياخذها عنده

اما غير كذآ .. ما اتوقع فيه حل

الله يكون بعونها هالمسكينه

الله يعطيك الف عافيه

الله يعافيك يافيصل
وفكرتك طيبه ياعسل
اشكر حضورك .,

اقتباس:

المشاركة الأصلية كتبت بواسطة ريمااان

وعليكم السلام ورحمة الله وبركاته

انا عندي رأي ثاني يخلي امه تكلم ابوالبنت وتحاول معه أكثر من مره أو امه تكلم ام الرجال أويشوف شخص قريب من أبوها وله كلمه عليه ياعل يصير فيها خيره يعطيك العافيه نسيم والله يسهل لهم الامور تحياتي لك

حاولوا قبل كذا بس مافيه فايده .,
ريمان اشكر حضورك الجميل., الف شكر .,

اقتباس:

المشاركة الأصلية كتبت بواسطة المالكي احمد

انت حاول فيه يعطيكم البنت تربونها . وأسأل الله ان يكسبكم اجرها
واذا رفض اشتكوه على حقوق الانسان .
وشوف وش يسوون فيه هو ومرته .

أحمد الدعوه ماتصل للشكوى
هذى بنته وهو بعد يبغاها تعيش معه .,
شكر لك ولحضورك الجميل .,

اقتباس:

المشاركة الأصلية كتبت بواسطة رسيل الغلا

[align=center]
وعليكم السلام ورحمة الله وبركاته
لاحول ولاقوة الا بالله
اجل اتبعوا مع ابوها اسلوب التدرج
بحيث انكم ياخوالها تاخذونها بين فترة وفترة
تمشونها معكم وترجعونها لبيتها
يعني حاولوا قدر الامكان اكثر الاوقات تكون عندكم
وابوها اكيد بيلاحظ تغير نفسية بنته معكم
وهذا الشيء بيقنعه ان يتراجع عن فكرة الرفض
وطبعا مع مناقشة الوالد واقناعه
ان شاء الله يغير رايه ,

والله يكون بعون الجميع

[/align]

الله يعين هو مايتركها تنام في بيت احد .,
معه حق يخاف عليها .,
رسيل شكر لمروك الرائع .,

اقتباس:

المشاركة الأصلية كتبت بواسطة الغازي

و عليكم السلام و رحمة الله و بركاته
أخوي الله يسلمك و يبارك فيك حاول بقدر المستطاع إنك تكلم أبوها و تربيها عندكم
ربي يسلمك و يجزاك بكل خير

هلا بالغازي منور ياعسل
بنحاول .,
شكرا لحضورك الرائع .,

------
شكرا لكم جميعا ., ولحضوكم الجميل .,

وعد منى لعرض الحلول الطيبه عليه
ونحاول فيها .,

دنياي حلم · #8 (**permalink**) 08-05-2011, 12:21 PM

وعليكم السلام ورحمة الله وبركاته
الله يرحم امها و يتغمدها بواسع رحمته وموتى المسلمين
اخوي
نسيم الماضي البنت صغيره ممكن هالشي راح يكون سلبي في تكوين شخصيتها
وهي في بداية عمرها
حاولو وحاولو انك تقنعو والدها ولو تدخلو اهل خير يقنعوه والله يعينكم
والله اخشى عليها من كثر الكبت في قلبها ان يصبها اكتئاب من ما هي فيه
وسأل الله ان يلين قلب زوجة والدها على المسكينه

][ اسنع واحد ][ · #9 (**permalink**) 08-05-2011, 02:13 PM

ماشاء الله الاعضاء ماقصرو
انا اشوف لو تكلمون احد من قرابة البنت الصغيره .. عجوز كبير وفاهمه
يا جدتها او غيرها .. تكلم ابو البنت .. الرجال بينحرج منها وبيتقبل الموضوع
عكس لو تكلمه انت او خوالها ..
ولا انكم تاخذون البنت لبيتكم كل فتره تجلس عندكم وترجعونها لبيت ابوها
كل يومين مثلا .. والعكس تروحون لها بنفسكم وتجلسون معها طول الوقت
تدريجيا بيقتنع الاب ويمكن يغير رايه ويشوف ان البنت لابد تجلس معهم مره وحده
والله يخليها لكم ويعينها ويحفظها من كل مكروه

لمسات الشمس · #10 (**permalink**) 08-05-2011, 02:37 PM

عسى الله يسعدها ويحنن قلب ابوها وزوجته عليها
حاول انك تصبرها مهما كان ابوها وماراح يرضى انو تسكن بعيد عنه
بس حاولوا انكم تاخذوها من فتره لفتره عشان ترتاح نفسيتها شوي ولا تعودونها ع الهروب من المشاكل خلوها تواجهها وعشان تعرف زوجه ابوها انها ماهيب لحالها وانوا لوكان ابوها مو بصفها فهبي عندها ظهر اقوى وهو انتم ياخوالهااا عشان تخااف ةتتقي ربهاا في ها البنت