بسم الله الرحمن الرحيم
السلام عليكم ورحمة الله وبركاته
اخواني الاعزاء ابي رايكم انا متخرج من الثانوي علمي ممتاز ولي سنتين متخرج وكنت بالجامعة وفصلت لظروف ومو داري وين اروح وجاء في بالي معهد الادارة العامة وش رايكم فيه من ناحية التوظيف الحكومي بعد التخرج والمستقبل00 والافي شي احسن من المعهد 00دعاء من القلب لكل من شاهد ورد علي00

انا انصحك ترجع للجامعة لأن شهادة الجامعة أقوى ولاتنسى انك بتتخرج من الجامعة بشهادة بكالوريوس اما معهد الادارة بتتخرج منه بشهادة دبلوم و طبعاً البكالوريوس أفضل وأعلى من الدبلوم.. و الله يوفقك

يالبى قلبك
ماشاء الله عليك تقديرك حلو في الثانوي حبيبي
انصحك بالجامعة تخصص حلو مو تروح لغة عربية او دراسات اسلامية
وكمان معهد الادارة حلو لكن بعد التخرج كل سوقه قطاع خاص
وربي يكتب لك الخير ويصرف عنك الشر

إرجع للجامعه

انا خريج من معهد الاداره

اول مآتخرجت انواع العروض جتني من شركات كبار وشركات عاديه .. مثل بنك الرياض و الراجحي والألكترونيات المحديثه ومن كثرها نسيتها

توظفت بعد تخرج بأسبوع وجلست فيها شهرين ونصف و الأن في stc حياة اسهل والفضل لمعهد الاداره

اما بالنسبه للرواتب اللي انعرضت علي مآبين 6000 الى 8000

اهم شي تتخرج بمعدل فووووق 4

التوفيق بأذن الله

أخي انا كنت زيك طالب في الجامعة وما كملت
وسجلت في معهد الادارة والحمدلله الله وفقني والحين موظف في أحد القطاعات الهامة
وصدقني اذا تخرجت بمعدل عالي راح تلقى عروض كثيرة والراتب من 6 وفوق
والله يوفقك

الافضل طبعـآ كشهـآده الجآمعه لاكن تبي تنجز وتشتغل بدري بدري ,,
معهد الادآرهـ بلا منـآزع
الله يوفقكـ وين مـآ تروح ,