السلام عليكم ورحمة الله وبركاته
معليش بطول بس تحملوني شوي
بحكم اني عسكرس سابقا فالراتب يدوب يعبرني الى اخر الشهر لاني متزوج وعندي طفلين واسكن شقه ايجار
وفكرت في مشروع احسن دخلي المادي فيه ويمين ويسار قلت ابغى افتح مقهى نت
اقترضت من البنك الاهلي مبلغ 55 الف ريال <<< وفوائده تعدت 14 الف ريال
المهم وتسلفت يمين يسار وصار عندي 115 الف ريال
واستأجرت لي محل وشريت 45 جهاز كمبيوتر بكامل معداته
واشتريت الطاولات والكراسي وسويت داخل المقهى بوفيه صغيره ساندويشات عصيرات قهوه شاهي اللي تبي موجود
وكلفني المشروع من معدات البوفيه والاجهزه والديكور مايقارب 111 الف ريال وزود شوي
والحين المحل فيه 45 جهاز والحمد لله مدخول ممتاز جدا
مدخوله في الشهر 20 الف ريال
مشغل ثلاثه شباب سعوديين اعطيهم راتب 1900 ريال كل واحد ثمان ساعات يداوم
لان المفهى 24 ساعه مفتوح
وايجار المحل 15 الف سنويا
واشيل شهريا 1250 حق الايجار
واشيل 1200 حق الكهرباء
واشيل الف ريال حق مستلزمات البوفيه وحق الحاجات العطلانه
يعني صافي في جيبي اخر الشهر 12 الف ريال وخمسين هذا الصافي اخر الشهر
الحمد لله باقي علي بس 32 الف ريال حق غرض البنك
يعني من المقهى اجمع 12 الف اوكي ادفع قسط البنك 2000 ريال و العشره الاف حاطهم على جنب عشان بيت المستقبل
امانه وش رايكم مشروع ناجح او لا
والله ثم والله من بديت المشروع لي تقريبا 11 شهر
والحين في حسابي حق بيت المستقبل مايقارب مئة الف وانشاء الله بعد ثلاث سنوات بمتلك البيت اللي احلم فيه
ادري تعبتكم كثير معاي
بالتوفيق يارب للجميع
مع الف سلامه