..
.
اخوكم الفقير الى الله
حافي ومنتف وماعنده واسطه ابدددد
وفقني الله وجا القبول النهائي .. بكل القطاعين
(مكافحة المخدرات + اﻷمن العام)

مكافحة المخدرات سلمت لهم شهادتي الاصل واوراقي
وشريت الاغراض
ودورتهم 18-6 ومدتها 5 شهور والظاهر انها بدون تخصص
بـ معهد حرس الحدود بالرياض


الامن العام جا قبولي اليوم واكتشفت انهم مايبون الشهادة الاصل
بس صورة .. ودورتهم 11-6 ومدتها 9 شهور
بمدينة تدريب القصيم اللي أسكن فيها

ملاحظة (الوالدة تقول ياليتك تاخذ الامن العام بس باﻷخير انت ورغبتك)



ياليت كلن يعطيني رايه .. ﻷني والله محتار وبروح اصلي الاستخارة

الله يوفقك يالغالي الثنتين حلوة
( الأمن العام أحلى مع والدتك الله يحفظها)
والشور شورك ولاتنس صلاة الأستخارة
وأتمنئـ للكـ وللجميعـ التوفيقـ

مابعد صلاة الاستخار شي صل والي ترتاحه رحله وعسا الله يوفقك

اسمع العلم بعد ما تخصل صلاه شوف الرواتب اللي طيب روح لها و ادع لي معك

و اذا ما همك الراتب تراا شور الوالدة طيب و رااح تتوفق ان شاء الله داام طعت والدتك



موفق بإذن الله ... لك مني أجمل تحية .

ألف مبروك .. لقد سعدت بهذا الخبر

والله ياخوك كلها طيبه وطع شور امك وبيوفقك الله

والامن العام اطيب من المخدرات لو يمكن رواتب المخدرات شوي زينه لاكن العمل بالامن العام اطيب

،

أسمع شور وآلدتك
والله يوفقك ..

ماخاب من استخار وانا أنصحك بالامن العام والله انها أفضل من المخدرات لانها قلق ودوامها نفسية

حسب وجهة نظري الفقيرة أشوف الامن العام أفضل
والسبب لأنك عند امك وربعك وديرتك وهذا الشيء نعمة من الله سبحانه وتعالى
والرأي الأول والاخير لك


استخر وتوكل على الله

حبيبي اسمع كلام ماما