بسم الله الرحمن الرحيم

السلام عليكم ورحمة الله وبركاته


عندي مشكله بضمان الاحساء انا قدمت علي المساعده المقطوعه بالاحساء من ثلاث شهور

وكل ما ادخل استعلم يخبرني انا السجل المدني غير مسجل

مع العلم اني قمت بمراجعة الضمان بالاحساء وكل مره يخبرني راجعنينا الشهر الجاي وهكذا

كلمت ع الرقم المجاني اخبرني ان ارسل فاكس للوكاله


ارجو من الاخوه مشاركتي با الرائ
ومساعدتي في ايجاد الحلول


وياحبذا وضع ايميل الضمان الاجتماعي غير هذا الايميل لانا له فتره طويله من الزمن وهو لديه خطاء بالخادم

http://www.mosa-d.gov.sa/message.html

ارجو منكم تزويدي بالايميل البديل لذلك

شاكره لكم تعاونكم

انا باقي كم يوم وكمل شهرين من قدمت
وماسجلوني بالحاسب
راجعتهم السبت
ولااااااااااااا.. المشواااار بعيد وزحمة وحر وامسك سرى
وسالته قلت شهرين وماسجلتوني
قال فيه غييييييييييرك كثير نفس حالتك
قلت المناطق الثانية باسبوع يسجلونهم
قال الي يستقبلونه باسبوع حنا نستقبله بساعــــــــة
اه يالقهررررر وفوق هذا ماسجلني قال انتظري شهر واكثر على مانسجلك
هذا اذا سجلوني
الله المستعان

الايميل موشغال
لان صارت تجي ايميلات فيها كلام
فوقفوه

الله المستعان

وش الحل معاهم

مالك الا الصبر
من سوء حظنا تابعين للفرع هذا
المناطق الثانية اذا احد راجعهم سجلوه وخلوه مدخل بيانات
وحنا ماكنك يبو زيد غزيت
حاولي تكلمي المسؤولين
ارقامهم بموقع الضمان

الله يرزقكم من فضله

[align=center]
السلام عليكم ورحمة الله وبركاته
ارسلي على الايميل ذا
info@mosa-d.gov.sa
هذا ايميل وكالة الضمان الايميل اللي انتي حاطته اول مره اشوفه
واكتبي مشكلتك كلهاا
والله يرزقنا ويرزقكم من حيث لا نحتسب
[/align]

الله يرزقك يارب
دعوتك الي

الله المستعان

اليوم راجعتهم قال الموظف بعد ماتخلص 3 اشهر راجعينا

ادخال المعلومات في النظام يحتاج وقت طويل

الاحساء حاله خاصه في كل شي

هم انا لي 3 شهور ولسه تسجلت وجالسه انطر

يعني انتظري هي مسئلة وقت وحتى اذا سجلوكي بحتاجي شهر او شهرين على ماتخلص اوراقك وتنزل لك المقطوعه