09-05-2011, 07:47 AM
|
عضو نشيط
|
|
تاريخ التسجيل: Jul 2009
المشاركات: 128
معدل تقييم المستوى: 151
|
|
|
كل الي صار معي بالجوزات بالتفصيل الممل
السلام عليكم ورحمة الله وبركاته
أخواني امس كان موعدي بالجوزات وبقولكم وش صار بالتفصيل الـممل
توجت الساعه خمس ونص للمعهد وموقعه تحت كبري الوشم
ووقفت عن البوابة الشرقيه وكان العدد المتواجدين بحدود 100
والساعه سته وربع فتحو البوابة وأول مدخلنا فيه اربع عسكر افراد كل واحد فيهم جالس على طاوله
وونقيب ورائد مشرفين عليهم
المهم قالو كل عسكري عنده ارقام طلب من كذا لكذا كل واحد يشوف رقمه عند اي عسكري ويصف عنده سرا وانا شفت رقمي عند ثاني عسكري وصفيت سرا لين لحقني السرا وقالي العسكري كم رقم الطلب وشاف الكشف وحصل رقم الطلب وتأكد من اسمي ببطاقتي الشخصيه وبعده قال رح داخل
المهم اول مدخلت داخل عطوني اربع اوراق وقالو عبها واجلس على الكراسي
والأوراق كانت 1- تعهد إنه لم سيق لي ان خدمة في العسكريه وإذا ثبت ذلك اتحمل كامل المسؤليه القانونيه و و و
2- تعهد بصحة البيانات
3- ورقة اعبي فيها البيانات الشخصيه
4- ورقه تدققين بيانات وفيها خانات الوزن والطول
بعد معبيت الأوراق فيه طاوله عليها ثلاث افراد نجيهم بالدور يرتبون لنا الملف والأوراق
وبعده ندخل على الجنه الأولى واول شي يسوونه قياس الطول
وبعده فيه ثلاث ضباط الأول يتأكد من شهادتك والثاني يتأكد من صحة بيناتك والثالث بعد يدقق الشهاده
وإذا عطوك تسع اوراق مبروك فأنت مرشح للقبول المبدئي وإذا معطوك فأنت انتظار
المهم انا معطوني تسع اوراق وقالو خلاص انتظر على الكراسي
وبعد انتظار دام لساعه
طلع عسكري ومعه ملفات وقالو الي يسمع اسمه يصف سرا عند الضابط
والمهم نادا تقريبا 50 وصفينا سرا في نفس القاعه
وكانت فيه طاوله جالس عليها عقيد ونقيب ووكيل رقيب
المهم يوم جاء دوري قالي انت تقديرك مقبول والمتقدمين زي منت شايف كثار
فملفك عندنا لو كان فيه نقص على طول نبي نستدعيك وانتبه للجوالك خلال هالشهرين
ومشيت وتقريبا كانت الساعه تسع
والدعوه ياخوان سهالات واعجبني فيهم والله تواضعهم وكل شي ترررتيب عندهم ورقم الطلب مهم مهم ولا تجي إلا وانت حافظ رقم الطلب لأنهم بيسألونك عنه من تدخل مع البوابه وفي تعبية البيانات كذلك
وترا البدله موب لازم ابد مشفت إلا واحد لابس بدله والباقي كلهم ثياب
وثانياً الي طوله اقل من 167 لا يروح ويتعب نفسه
لأنه في واحد قدامي كان طوله 166 وقاله العقيد اسمعني انا بنصحك نصيحه
وزارة الداخليه لا تتعب نفسك فيها لأنهم مشددين عن الطول نمشي لو كان 167
بس اقل لا لأن الطول محددته وزارة الداخليه ولا نقدر نتساهل فيه فودي متتعب حالك وتشغل نفسك على الفاضي شف انت اليوم جيت بدري ومشغل نفسك ومشقيها وبالأخير مقبلناك بسبب الطول
نتساهل بالوزن ممكن بالتقدير ممكن بالوزن لاكن الطول مالنى يد فيه ابد واتمنى إنك قبلت نصحتي والله يستر عليك
وهاذا كل الي صار يا اخوان وحبيت افيدكم فيه
ولا تنسوني من صالح دعاكم
ومن احلا تقييم
التعديل الأخير تم بواسطة جندي بالجيش ; 09-05-2011 الساعة 07:56 AM
|
العرض الشجري
