[align=center]السلام عليكم ورحمة الله وبركاته

صباح الخير ياشباب طبعا هذا موضوع بخصوص اللي موعده بالجوازات وكل الامور بالتفصيل والاشياء المهمه اللي لازم تكون معك عشان تكمل اجراءتك

الامور اللازم توافراها معكـ:-
1- لازم تكون حافظ رقم الطلب تبعك وهذا اول سؤال لك
2- لازم يكون عندك ملف اخضر علاقي اللي له معلاق من الجنب لو ماعندك راح تضرب مشوار برى المعهد لين تجيبه لانه ماراح ينقبل منك شي
3- الحضور بالثوب ومو شرط شماغ
4- لازم تجيب قلم معك لان نص الدفعه اللي معنا بدون اقلام هههه
5- اذا تقديرك مقبول ولا وزنك او طولك مو حسب المطلوب من هنا اقول ريح نفسك واقعد بالبيت
6- لازم تجيب الاصل من الشهاده وحسن السيره والسلوك وبطاقه الاحوال وهذا مهم جدا
7- الطرد عندهم بشكل دبلماسي يعني لو خايف انهم يحرجونك قدام الشباب لاتشيل فيها هم لان اغلبهم ضباط محترمين ومطاوعه
8- بخصوص المقابله الشخصيه انا مادخلتها لاني مرفوض بس شكلها فله تدخل غرفه مع ضباط ويسئلونك 9 اسئله كل ضابط سؤال تقريبا

الاجراءات :-
دخلنا المعهد الساعه 6 تقريبا راح تحصل 4 طوابير كل طابور له رقم يعني الطابور الاول الارقام من 300 الى 400 والطابور الثاني من 401 الى 500 والطابور الثالث 501 الى 600 وزي كذا وانت تشوف رقم الطلب تبعك وشو بين هذه الارقام وتصف طابور واذا وصلت لحد العسكري يطلب منك بطاقه الاحوال عشان يتاكد انه انت اللي جاي ويشطب على اسمك ويقول روح مع الشباب لصاله كبيره هي في الاصل مطعم

قبل ماتدخل راح تصف طابور عشان تاخذ 4 وراقات وتروح تجلس على الكراسي وتعبي الاوراق 2 منها تعهد و2 منها بيانات

بعد كذا راح تمر على ضابط عشان يرتب الملفات ويدبس الصور ويتاكد ان اوراقك كامله ويتاكد من بياناتك وتروح بعدها لعسكري ثاني يحط لك رقم الملف وكلهم جالسين جنب بعض يعني الامور واضحه

بعدها تدخل على الغرفه المهمه وهي اما القبول او الرفض وهي غرفه فيها 4 ضباط تقريبا الاول يقيس وزنك وطولك ويكتب على الملف وماله علاقه لا بالرفض ولا القبول بس مهمته التسجيل فقط وبعدها تروح للضابط الثاني عشان يتاكد ان شهادتك ضمن المطلوب اذا مقبول يكتب عليها مقبول ويختم على النموذج اللي عنده وايضا ماله علاقه لا بالقبول ولا الرفض وتروح عند الضابط الثالث عشان يطابق شهاده الدورات اذا عندك بتطول معه واذا ماعندك راح تنقتل للضابط الاخير وهو اللي يعين القبول او الرفض اذا انك مرفوض مايقول لك مرفوض لاكن يقول اجلس لين ينادونك ويحط ملفك على جنب واللي انقبل بشكل مبدئي يعطونه 9 اوراق يعبيها ....


يعني اذا اعطاك اواراق تعبيها اعرف انك ماشي صح واذا ما اعطاك ولا ورقه وقال لك اجلس لين ينادونك اسمك اعرف ان مرفوض

المقبولين اللي استلموا 9 اوراق ينادون عليهم عشان يدخلوا عند الضباط وهي مقابله شخصيه واللي مو مقبول راح ينادونه عند ضابط برتبه رائد ويقول لك للاسف انك مقبول او الطول او الوزن لاكن اذا احتجنا شي بندق عليك ويقول لك مع السلامه


طبعا اعتقد ان الوقع اللي راح تقضيه عندهم سوا مقبول او مرفوض من 3 إلى 4 ساعات بالكثير

صحيح اني انرفض لاكن فحرت لشخص انقبل وهو عاطل 5 سنوات من خريجي اللغه العربيه لانه يستحق العمل اكثر مني ومن غيري انا توني عاطل ولازم اقضي الحول اللي هي سنه بطاله ههههههه

والله يوفق الجميع لما يحبه ويرضا




[/align]