السلام عليكم واسف للغيابي




طبعا بعد مشاكل دبلوم الادارة صحية وبعد\ ما انحلت بالقوووه






طلع رقمي بوزارة الصحة



وانا مازلت موظف بمستشفى الحرس



طبعا قدمت اجازة شهرين منتهيه باستقاله





وقلت بروح اشوف الوضع





طبعا بعد ماخلصت من الخدمة واحالة واوراقي الى وزارة الصحة واخر خطوة عطوني ملفي
وقالوا رح للشئون الصحية بالدمام لان تعييني بالشرقية




رحت للشئون الصحية واول عقبة قالوا جب اخلاء طرف من الحرس
طبعا انا توهقت كذا
دقيت على نائب مديري اشهد انه ذيب محمد بن شليويح القحطاني والف نعم قال ابشر شوي ولا هو كاتبها من راسة ودازها على رقم الفاكس الي عطيته مسبقا




مشت اموري


قالو لي وين تبي القطيف ولا صفوى قلت لا تكفى تو ي جديد ومابي اتمشكل مع المراجعين هناك

قال وين تبي فيه على خط الرياض فيه عريره وجوده شفهن خميس وجمعه واذا اعجبتك المنطقة ارجعلي السبت بقرارك بصرااحة متفاهمين مرره


رحت وشفتهن قلت الحمدلله اني ما اخترتهن بر صحراء منطقة كلها عواصف ترابية لقيت واحد قال جانا عج وانقطعت الكهراء كل امس

قلت للوراء در


رحت لاهلي بالرياض

وجيت السبت وقلتله ابي الخبر


وحطني ماقصر ووجهني لادارة المراكز بالخبر " العقربية "

المهم

رحت هناك اول كم يوم ملل جالس وفطور الصبح كرهت ام الجلسة والكرسي"


وبعد اسبوع قالي ابوجهك مدير لمركز صحي بترومين" فيه حي اسمه بترومين "

رحت شفت المركز وغسلت يدي مبنى مستاجر رايح فيها

والناس تشكي يقول تطلب حبر ولا طابعه تقعد سنين ماجت الله يعين تحس حتى المناديل يخافون تخلص اذا كثرت تشوف المدير يقزك وقلبه يقول " خيرالاخ مو مستوعب تراك بالصحة وماحنا على بنك يعني تقشف حتى بالنفس"



المهم كل شي غالي وبحسب ان ديوني 5200 شهريا ومتزوج


والراتب حول 7400
فكرت واستشرت


قالي واحد بالرياض ساكن ببلاش عند ابوك والدوام 10 دقايق وراح تضطر وترجع سيارتك 2011 للبنك بحكم انها تمليك وتشتري سيارة قديمة

وغير كذا تفقد علاج الحرس
وبعدك عن اهلك
ولايجارات نار نار نار




قلت ياولد انا جربت وشفت الوضع


وادق على مديري وقلتله
برجع انبسط قال حياك وابشرك فيه وظيفه جديده اعلى من وظيفتك اذا جيت برشحك لها





طبعا راح تفرق مع غيري
لمن ليس عليه التزامت ماديه

ايضا لمن هو كان غير موظف او وظيفته السابقة فاشله




بس نصيحة


[frame="1 98"]
الي موظف في مستشفى قوي يحاول يسوي زي طريقتي قبل لايستقيل ويندم

[/frame]

وهذي قصتي

واخيرا العاطلين ادارة صحية قريب جدا لن يبقى خريج واحد من دبلوم الادارة ابدا ابدا وسيكون المستقبل اقوى من اي اختصاص اخر مؤكد بأذن الله 100%

اعداد الخريجين ادارة صحية لاتغطي الوظائف المقترح توظيفهم عليها

والله يوفقكم


شفيك متضايق

صراحة كلامك ماعليه خلاف والتوفيق بيد رب العالمين والحرس قوي جداً واعتقد يعتبر حكومي التوظيف فيه ..
ابسئلك عن ادارة صحية شنو يعني شغلهم ؟؟

ربي يوفقك ويسهل امورك .


والديرة الللي فيها رزقك ...لو اخر الدنيا روح لها . ولا يهمك .. شي

الله يوفقك شفيك متضايق واكثر مايونسني فيك انك دايم متفااائل

بالتوفيق اخوي.

شاطي الحب

ادارة صحية سالفه طوووويله
بس وظايفهم مدراء مراكز صحية

كاتب خواطر

امين يارب اجمعين بس الظاهر اني استعجلت


ضمني يابحر


مشكوووور يالغالي وهذا وسام على صدري "وتفائلو بالخير تجدوه
والله يوفقكم

حياك الله اخوي ..

طمنا كانك تعرف متى تنزل اسماء الدفعة الجاية ترشيح دبلوم صحي ..
لأن الاحظ الدفعة اللي قبل يومين بداية ارقامهم 77 ..< شكلهم دبلوم عالي !

والله يوفقك .. وخير ماسويت ماتركت الحرس على طول ..

شاطئ الحب خلك على ادارة مكتبية اختصاص له مستقبل حلووممكن
تتوظف في الاحوال او الداخلية او الخارجية او احد الدوائر الي كلها علاقات راح تتوظف اداري فيها

وماراح تتوظف باختصاصك هذا مدير مركز

بس ممكن تكون اداري

لكن مستقبلك بشهادتك هاذي حلوووو حتى لو تاخر شوي بس راح تعرف قيمته بعدين وتتذكر كلامي


اعرف ناس يوم رحت اطابق بالخدمة المدنية واحنا جلسين على الكراسي قالو له بنحطه اداري بالخدمة المدنية اداري نفس اختصاصك

مارح تندم على تخصصك بس لو تجيب معه انجليزي مستشفى الحرس يقبلك

والله يوفقك

[align=center][/align]حياك الله اخوي ..

طمنا كانك تعرف متى تنزل اسماء الدفعة الجاية ترشيح دبلوم صحي ..


نفس سؤال تسحيبات


هل فيه خبر عن دفعة جديدة من كلامك احس عندك خبر أكيد أخوي شفيك متضايق

ما اقدر ااكدلك 100% بس بالكثير شهر8 سمعت ان فيه دفعه بس مدري هي من حقين المفاضله ولا من جدارة


بس جدارة كويس