أصعب شيء على الإنسان اذا فكر يستقر مثل الناس

ويكون أسرة ويعيش حياته بس مايقدر بسبب ظروفه

أنا ياجماعة الخير من بعد وفاة الوالد الله يرحمه صرت المسؤول عن الوالدة

مالها بهالدنيا الا انا ومعها أخت لي مابعد الله كتب لها زواج

وصكت فيني الدنيا بشكل ماتتصورونه ...

بحثت بكل الطرق عن بنت تقبل تسكن مع اهلي بنفس الشقة

بس الله لايوريكم ...

ماتوافق الا وحده كبيرة بالحيل وضاق بهالزمن ومالقت من يآخذها

أو بنت مافيها من الجمال أي شيء يذكر ....

والله العظيم نفسي أستقر وأعيش حياتي بس مو قادر

كبرت بالعمر وما اقدر اخلي والدتي هي واختي بلحالهم بشقة وانا بشقة ...

والآجارات صارت موووت مستحيل أقدر أدفع آجار شقتين والراتب يطير منه قرض للبنك

والله يفرجها يارب ....

وبصراحة نفسي أفكر بصوت عالي يمكن أشوف حلول واقعية لحالتي ....

أخوكم معلم مدرسة والعمر صك الثلاثين ......!!

الله يرزقكـ ويعطيكـ ع قد نيتكـ

لوتشوف لكـ احد من قرايبكم تعرف ضروفكـ

وتساير الدنــيا معكـ الله يفتحها بوجهكـ وجهي والمسلينن اجمعين<<

[align=center]الله يوفقك ويسهل امورك
والله وانا اخوك خلك على رضاك لوالدتك والام هي السعاده اذا ارضيتها وصرت رضي الله ماينساك ..
بتزين امورك بأذن الله بس اصبر وخل املك بالله قــوي
ولاترضى في من لاترضى بـ أمك .. موفق أن شاءالله [/align]

الله يرزقك ببنت الحلال
ياخوي بتلاقي في هالزمن والله
خلي اختك تشوف لك او والدتك او من طرف اصحابك
بتلاقي لاتفقد الامل
موفق

ربك ما ينسى أحد .. أسأل الله لك وللجميع التوفيق والنجاح


انا عندي لك حل لموضوعك وهوا انك تاخذ بنت مقطوعة من شجر بحيث إنها ما لها غير الله وانتا ..


لي عودة

الله يجزاكم الجنة على مشاعركم الطيبة ...

أخوي الحبلصي أنا عارف ان ظروفي ماترضى فيها الا وحدة ظروفها صعبة أو مقطوعة ...

وحاولت أبحث والله ماحولنا هالنوعية كلهم مسوين بنات عز ويبون شروط

لكن إن شاء الله مع انضمام الأردن والمغرب لمجلس التعاون الخليجي

يصير الزواج من أردنية أو مغربية مثل السعودية مو صاروا خليجيات ....!!

بالتوفيق