01-01-2008, 03:52 PM
|
عضو متواصل
|
|
تاريخ التسجيل: Mar 2007
المشاركات: 54
معدل تقييم المستوى: 36
|
|
السلام عليكم جميعاً
احبائي واعزائي ,,,, كاتب الموضوع والمشاركون
احببت ان اشارك برأي وادلوا بدلوي
مثل هذي المواضيع والملل في الوظيفة ,,, تجدها اكثر ما يكون في القطاع الحكومي
وانا احببت ان اسئل صاحب الموضوع :::: هل انت بوظيفة حكومية ؟؟؟
بالنسبة للأخوان من قال حاول انك تطور نفسك ,,, انا من الناس إلي امر بنفس الحالة وبنفس الملل إلي يمر فيه صاحب الموضوع
حاولت وحاولت وحاولت اطور من نفسي ولله الحمد وحصلت نتائج مرضية داخل قرارة نفسي لكن تبي توصل لمرحه بداخلك وبتقول ليه
تطور نفسك وليه تتعب نفسك ,, هل هذا التطوير لمصلحتك الشخصية ولماذا !!!!!!
او هل محاولاتك لتطوير نفسك هي للحصول على فرصه افضل في مكان اخر ؟
إذا كانت محاولاتك فقط لمصلحتك الشخصية فهي خير وبركة ...
أما إذا كنت تفكر تطلع للقطاع الخاص ؟؟؟؟ طيب انا بقولك شي وهذا إلي يواجهني كثير من الاوقات وبالذات مع القطاع الخاص
وابيكم تكونون صادقين مع انفسكم قبل لا تكونون صادقين معاي
القطاع الخاص ::: هل يعترف بخبرة القطاع الحكومي :::::: بعد مئات المحاولات وشوفوا وش اقول مئات المحاولات اقتنعت واقنعت نفسي ان القطاع الخاص ملغي خبرة القطاع الحكومي ولا يعترف فيها كخبرة لان نظرته للموظفي الحكومة نظرة سلبيه للغايه (( شابورة وبالدرج شطة كريستال وخبزة تميس يابسة لها اسبوع والساعة 10 الصبح وهو ماشي )) وهذي حقيقه أراها بأم عيني لدى بعض الموظفين
يعني معنا كلامي إني لما جلست اطور نفسي بوظيفتي لعدم وجد الشغل إلي يقطع علي الوقت كان الزمن يمشي ويمشي ووجدت نفسي هنا لمدة اربع سنوات والفرص في القطاع الخاص تتقلص وتتقلص لمن هم عندهم خبرة في القطاع الخاص نفسه فما بالك بمن لديهم خبره القطاع الحكومي نسبة التقلص تزيد بالنسبة لهم
انا رأي لو واجهتني مثل عرضك (( وهنا انا اتكلم عن نفسي )) سوف اقبل بأي وظيفة حالياً بالقطاع الخاص ولو بنصف راتبي لاني متأكد من القطاع الخاص لو وجدك انسان عملي ومنتج لهم ممكن يرفعون راتبك بأي وقت وممكن تحصل منهم مكافئاة وممكن تجيك عروض من شركات اخرى تتعاون مع شركة إلي أنت تشتغل فيها او بنفس مجالها لكن بالقطاع الحكومي قسم بالله غير راتبك ما تشد سواءً كنت من انشط الموظفين بالقطاع او من اسوئهم وممكن لو تكون من اجود الموظفين لراح تجيك انتدابات ,,, صح راح تجيك انتدابات لكن في بعض الاوقات قسم بالله انك تدفع من جيبك لمصلحة العمل لان قيمة الانتدابات ما تغطي مصاريفك السفرية والمصيبة الكبرى لا صار عندك انتداب دوووووولي ,, كان واحد داعي عليك اجل اطلع لألمانيا بانتداب يومي 350 ريال فقط وانا اتحمل السكن والاكل والشرب والتنقلات باي قانون هذا
مديرك في القطاع الحكومي يقول ما باليد حيله وإلا ودي اكافئك على عملك ومجهود لكن ما اقدر الانظمة ما تسمح ,,, وأزيدكم من الشعر بيت ,,, نكلف بلجان وزارية كبيرة وفي بعض الاوقات لا يصرف لنا ولا ريال واحد يعني هذا عقاب عمل زيادة بدون اجر ,,, وإلا تصير مثل الناس إلي اكل شابورة وحش بالعالم والساعه 10 وانت بالبيت (( وهذي النوعية لا اقبلها في نفسي ابداً ))
ولو تبون امثله ثانية تكلمت ويمكن تملون من كثر الكلام لكن هذي نبذه بسيطه ((( وش ذالنبذه يابو ,,, ))
يعني الفرص بين اني انتظر بوظيفتي الحكومية واني اوافق على وظيفة بالقطاع الخاص وبنص راتب الحكومة (( كبداية فقط ))
بعد اربع سنوات تجد الموظف في الطاع الخاص صار راتبه ضعف راتب الموظف في القطاع الحكومي وهذي حقيقه ولو تبون امثله على ذلك ذكرت لكم بالاسماء والاماكن (( طبعا أصدقاء لي خاصين ))
كل كلامي هذا ينطبق على الشهادات إلي فوق الثانوي يعني دبلوم او بكلوريس او او او فقط
وهذي وجهة نظري قابله للخطأ وقابله للصوابة لكنها في داخلي اجدها عين الصواب
واختلاف الرأي لا يفسد للود قضية
اخوكم ابو سلمى
موظف حكومي وللأسف ...
|
العرض العادي
