تجمع امن المنشأأأت كل ما يخص المقابله الشخصيه + الفرز النهائي

رائد الثبيتي · #1 (**permalink**) 11-05-2011, 04:48 PM

بسم الله الرحمن الرحيم
السلام عليكم ورحمة الله وبركاته

وبعد التحيه .....

هنا جميع استفسارات المقابله الشخصيه والفرز النهائي لامن المنشأت...

نبدأ على بركة الله..

موقع اجراء المقابله الشخصيه ... مبنى قيادة امن المنشأت على طريق الدائري الشمالي بين مخرجي 6_7 المبنى قريب من مركز شرطة الصحافه بالرياااااض

اجراءات المقابله
اولا يجب عليك احضار جميع الوثائق المطلوبه من غير نقص حتى لا تتعرض للاحراج من قبل الضباط وهذه هي الوثائق المطلوبه

http://www.fsf.gov.sa/fe/CMS/default.aspx?ID=7

ثانيا / عند حضورك للمبنى تدخلون داخل حوش القياد وتجلسون على كراسي ويبداء العسكري باتحضير بالاسماء واللي يسمع اسمه ياخذ رقم وتدخل الى داخل المبنى
ثالثا يقومون بعملية تفتيش روتينيه على جاز كشف المعادن بعدين تستلم ورقة كشفك الطبي وتجلس على الكرسي

بعدين يبدأ العسكري بأعطائكم ورقة تعهد انك تقبل بالعمل في ذا القطاع وتلتزم بجميع الاوامر من قبل القياده ولا تطلب شفاعه من احد في حال توجيهك الى مكان العمل وان جسمك خالي من السموم
وليست عليك قضايا مخله بالشرف بعد ما توقع يدبسها بورقتك

بعدين تروح عند الملازم حماد العتيبي يطلب منك صورة يدبسها بنموذج المقابله الشخصيه ويعبي النموذج ببيناتك

ثم تروح للملازم عبدالله الدوسري تعطيه بطاقتك ويدقق في صحة بياناتك بعدين يقلك روح لغرفة الحاسب الالي

تدخل غرفة الحاسب الالي وتختار مكان الدوره بعدين تطلع على الميزان لقياس الطول والوزن اذا تجاوزته
يقولك روح غرفة الادله الجنائيه

غرفة الادله يعطيك نموذج البصمات يقولك عبي بياناتك اذا خلصتها تدخل عندهم ويبدأون بتبصيمك

بعد ما تخلص البصمات يقولك غسل يديك وروح للمقابله الشخصيه الاولى

تدخلون بالغرفه فيا عشره كراسي يبدأ العسكري ياخذ منكم الصور ويدبسها بالنموذج تبع المقابله

بعدين تدخلون اثنين اثنين على الضباط لاجراء المقابله

تجلس على كرسي يقولك اسمك قوله اسمي فلان بن فلان قوله بصوت عالي حسسه انك واثق بنفسك اذا قلت بصوت منخفض يبدأ يسألك كذا سؤال يشوف شخصيتك

الاسئله جدا سهله مثلا
وزير العمل سابق غازي القصيبي
يقولك ليه دخلت العسكريه قوله وطن لا نحميه لا نستحق العيش فيه
بعدين يعطيك ورقه فيها حديث شريف يقولك اقراء اذا قريت اقراء بصوت عالي

لا تشيلون هم المقابله جدا سهله حتى لو سألك سؤال ما تعرفه قول ما اعرف لا تسكت هو يبي يشوف ردة فعلك جرئ فالرد ولا خجول مو مهم تكون الاجابه صحيحه

بعدين تدخل غرفة المقابله يقولك وش اسم امك قوله فلانه بنت فلان لا تعابط معه
بعدين يقولك قول النشيد الوطني لازم تقوله بصوت عالي اذا بصوت منخفض راح يطقطق عليك خلك واثق من نفسك

بعدين يقولك روح غرفة الحاسب الالي تعطيم بطاقتك يسجلون اسمك ويعطونك دفتر اخضر دفتر طلب الالتحاق بأمن المنشأت
بعدين يقولك الله يستر عليك اذا جتك رساله تجي تسلم الدفتر

بعد ما تطلع من عندهم لازم تروح الاحوال المدنيه تطلع برنت يثبت ان لم يسبق لك الالتحاق بالعسكريه وان اصلك سعودي

نصيح اخويه اذا عطوك الدفتر صوره كذا صوره وعب الصور معلوماتك واذا تاكدت من صحة جميع بياناتك روح عبها فالدفتر الاصلي

اكتفي بهذا الحد ان شاء الله الاسبوع القادم اوافيكم بالفرز النهائي وباقي الاجراءات اي سؤال ان تحت امركم نرجو التفاعل يا شباب حتى يتثبت الموضوع ويستفيد الجميع من هذا الموضوع

دمتم بود
اي استفسار انا تحت امركم

الفقير الى عفو ربه اخوكم / رائد عبدالله الثبيتي

موادع بصمت · #2 (**permalink**) 11-05-2011, 04:50 PM

موفقين بإذن الله ... لكم مني أجمل تحية .

سميرمحسن · #3 (**permalink**) 11-05-2011, 04:57 PM

ما قصرت اخوي رائد على الموضوع الجميل
انا عندي سؤال انا من جده يعني كم يوم تاخد مني المقابله وانهاء الاجراءات كامله
ولما يقول خلاص روح عبي الدفتر كم ياخد من الوقت يعني كم يوم عبال ما اخلص وانزل جده
لانو مو معقول راح اقاعد طالع نازل.... هذي اكثر من 1000 كيلو
والله يعطيك الف عافية اتمنا الفاده بصورررة واااااضحه

راعي الطِواري · #4 (**permalink**) 11-05-2011, 05:13 PM

احسنت على الموضووع

عندي استفسار

انا سألت واحد عن المقابله قالي ان الضابط يقولك ارفع سروالك اللين الركبه هل هذا صحيح فيه احد صار معااه كذا

لاني انا مشيت في الفحص الطبي بواسطه ولجنه خاصه انا عندي اصابه بسيطه
ما ادري اخااف يكرشوني

رشووود · #5 (**permalink**) 11-05-2011, 05:15 PM

مشكوور اخوي كفيت ووفيت
والله يعطيك العافيه

بس اخوي انا عندي سؤال
انا طالب جامعي والشهاده الاصل معهم
يعني لازم اجيب الشهاده ولا صورة مصدقه من المدرسه تمشي
لان في الموقع يقول أصل او صورة مصدقه من الثانويه
يعني اجيب لهم الصوره المصدقه عادي ؟؟

رائد الثبيتي · #6 (**permalink**) 11-05-2011, 05:27 PM

اقتباس:

المشاركة الأصلية كتبت بواسطة سميرمحسن

ما قصرت اخوي رائد على الموضوع الجميل
انا عندي سؤال انا من جده يعني كم يوم تاخد مني المقابله وانهاء الاجراءات كامله
ولما يقول خلاص روح عبي الدفتر كم ياخد من الوقت يعني كم يوم عبال ما اخلص وانزل جده
لانو مو معقول راح اقاعد طالع نازل.... هذي اكثر من 1000 كيلو
والله يعطيك الف عافية اتمنا الفاده بصورررة واااااضحه

حياك وبياك اخوي
لا تشيل هم اجراءات المقابله الشخصيه كلها ما تاخذ منك ساعه بالكثير لان هناك فيه تنظيم رهيب

ولما يعطونك الدفتر حق طلب الالتحاااق تقريبا يعطونك مدة ثلاثه اسابيع تعبئ الدفتر بعدين يدقون عليك تجي تسلمه الدوره بداية شهر سبعه بالتوفيق

رائد الثبيتي · #7 (**permalink**) 11-05-2011, 05:29 PM

اقتباس:

المشاركة الأصلية كتبت بواسطة راعي الطِواري

احسنت على الموضووع

عندي استفسار

انا سألت واحد عن المقابله قالي ان الضابط يقولك ارفع سروالك اللين الركبه هل هذا صحيح فيه احد صار معااه كذا

لاني انا مشيت في الفحص الطبي بواسطه ولجنه خاصه انا عندي اصابه بسيطه
ما ادري اخااف يكرشوني

هلا فيك يالغالي هذا صحيح لكن لا تشيل هم يقولك ارفع عشان يشوف عندك انبساط بالقدم ولا كساح بالساقين لا تشيل هم اذا ما عندك هذي الثنتين راح تمشي سلام سلام

رائد الثبيتي · #8 (**permalink**) 11-05-2011, 05:32 PM

اقتباس:

المشاركة الأصلية كتبت بواسطة رشووود

مشكوور اخوي كفيت ووفيت
والله يعطيك العافيه

بس اخوي انا عندي سؤال
انا طالب جامعي والشهاده الاصل معهم
يعني لازم اجيب الشهاده ولا صورة مصدقه من المدرسه تمشي
لان في الموقع يقول أصل او صورة مصدقه من الثانويه
يعني اجيب لهم الصوره المصدقه عادي ؟؟

حياك وبياك اخوي وجعل الله مثواي ومثواك

تطمن وحط فبطنك بطيخ صيفي يطلبون منك صوره مصدق فقط الاصل يطلبونه اذا طلع اسمك بالفرز النهائي لازم تجيب الاصل لكن بالقبول المبدئي صوره مصدقه تكفي

ماكان حلمي عسكري · #9 (**permalink**) 11-05-2011, 05:47 PM

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

اخوي رائد الثبيتي مشاء الله عليك ماخليت شي الله يجزاك خير ياحبيبي ويعطيك العافيه ويوفقك في امورك وبالتوفيق لك

وللجميع وعقبال ماتدخل الدووره وتطلع ملازم ههههههههه امزح