الحين انا موظف بشركه حلووو ويقتطعون من راتبي حول 300 ريال شهريا طيب وش استفيد من التامينات الاجتماعيه؟؟؟؟؟؟؟؟؟؟؟؟؟؟؟؟؟؟؟ هل في امكانيه اني ماخلي التامينات تخصم من راتبي ؟؟؟؟؟؟؟؟؟ اتمنى الي عنده خلفيه عن التامينات يرد علي والسلام عليكم ورحمه الله وبركاته

حبيبي انت لو قسمت راتبك على 100 مضروب في 9 %يطلع لك الرقم المحسوم من مرتبك بالريال

وكذلك التأمينات تأخذ من الشركة اللي انت شغال فيها 11% من خزينتها عشان المجموع يصير 20% من راتبك

بكل بساطه انت مجموع رصيدك شهريا 20% من راتبك الاساسيويصرفلك راتب بعد تقاعدك من الوظيفة او بعد مرور 15 سنه راتب حتى وفاتك بعد عمر طويل ان شالله
واذا توظفت وظيفه حكوميه راح تظاف هذه الحسومات اللى رصيدك التقاعدي الحكومي

ارجوا انك فهمتني لان هذا ما اعرفه بالضبط فلا تجزع ولا تتذمر فكلها لك سواء كنت على القطاع الخاص والعام

لحظه ماتبيهم يخصمون من رآتبك ؟

ترى ياأخي الكريم أنت المستفيد مثل وضح لك الاخ العاطفي ,

اللحين أغلب المتوظفين يبونهآ تخصم منهم وأنت مآتبي < أمرك عجيب

لا تغلط غلطة عمرك أنت رآح يكون لك رآتب تقآعدي وماأبي أعيد نفس الكلام الي قآله الاخ العآطفي

بصرآحه مصدوممه منك ماتبي
لاأن الاغلب يعانون منهم أن بعضهم يوظف ومايسجلونهم بالتأمينآت وهذي مشكله

مشكور اخوي يعطيك الف عافيه على التوضيح

اختي عذوق حره انا تدرين ليه مابيهم يخصمون مني لاني ماني عارف نظام التامينات الاجتماعيه على بالي انهم يخصمون كذااا بدون فايده وبالاخير وضح لي العاطفي اني راح استفيد بالتقاعد والان التضحت لي الامور ومشكورين اخوي العاطفي وعذوق حره

أيوآ بجد مصدومه منك َ

الحمد لله اتضحت الصوره لك ولا تهورت

واللهي ياأخي اعرف وحده كآنت تشتغل بمستوصف خآص 4 سنين وهي تشتغل ولا تعرف للتأمينآت مثلك :,/
وبالاخير بعد 4 سنين عرفت بهالنظام التاميني واهم مشغلينها مثل الساعه ولا يخبرونها

حسبي الله ونعم الوكيل رفعت دعوى لكن لا مجيب

أنت بعد لا تنسى كرت التأمين اذا انت تشتغل مستوصف خاص وتعالج بدون ماتدفع لهم ترى الي يشتغل بالمستوصف الخاص مايدفع أنتبه

وأسئل عن كل شيء بخصوص أي وظيفه تتبع للتأمينآت ولا تنسى تدخل موقع التأمينآت وتعرف أذآ أنت مسجل ولا لآ !
وبعد لا تنسى تدور أسمك بوزآرة العمل مسجل أو لآ

حتى تحفظ حقوقك <<< وتلاقيه مثبت بالمنتدى هنا لكن واللهي نسيت القسم

لكن بدوره لك وبرجع أحط اللينك هون

للتوضيح التامينات الاجتماعيه 18%
9% من الموظف و9% من صاحب العمل

طريقة حسلبها الراتب الاساسي + بدل السكن ضرب 9% = قيمة الخصم

وحتى لوحبيت تلغيها ماتقدر لانها اجباريه من اي منشئه مسجله بالتامينات الاجتماعيه وهي من مصلحه الموظف اذا اكملت المده المحدده الى عمر 60 سنه او خدمه 30 سنه تحصل عل 60 %من الراتب
وفي حاله الوفاة او العجز الكلي لاقدر الله بغض النظر عن مدة الخدمه على مااعتقد

ولمعلومات اكثر ادخل على موقعهم واقرا عن التامينات

يعطيكم العافيه جميعا .......وبالنسبه ل اختي عذوق حره انا استفسرت عن طريق الموقع وزاره العمل والتامينات مافيه اي شي لي غريبه؟ مع العلم بدات دوامي من اسبوعين فقط

اخوي المنشاة ماتضيف في التامينات الا بعد تمكل شهر عندها ع الاقل
وذا النظام حاطته التامينات

يوووه ياقدم التأمينات

اخوي التأمينات مثل ماقالك الأخ أنها كويسه ومفيده ،،

طبعا هم مايضيفونك الا بعد مايكون فات شهر او شهرين على حسب العقد اللي وقعته أنت مع الشركه لأن بعضهم يحط الشهر الأول تجريبي ولا يرسلون اوراق لك عند التأمينات حتى يضمنون بقائك ، لأن اذا طلعت لاسمح الله من الشركه قبل تتم شهر هم يتغربلون مع التأمينات وشف عاد كم سؤال يسدحونه التأمينات : ليش طلع! وش السبب!
،
أنكلم معك حسب خبرتي الطويله معهم 3 سنوات كنت اشتغل بمستشفى ، للأسف ماعندهم تأمينات ببطاقات للسعوديين لذلك كنت اتعالج مجاناً للأشياء الضروريه كشف وتحاليل مهمه فقط والباقي من جيبي
رغم أن عندي خصم 50 بالميه لأنه مكان عملي
يعني مثل ماقالت لك عذوق أنتبه من هالشي ، وتأكد أن تأميناتك لها كرت صحي أو لا ، وكم عدد اللي يشملهم التأمين الصحي وكذا ، أبوك وأمك وأولادك وزوجتك أذا متزوج، وطبعا هالشي كله يتحدد من الشركه وحسب راتبك وأمكانيات الشركه اللي تشتغل فيها أنت اذا تسمح بحدود الراتب
وعلى فكره شي مهم جداً للمستقبل أبي انبه فيه لأني ضحيه :
أ1ا زاد راتبك أن شاء الله بترقيه او زياده وكذا تأكد أن شركه التأمينات تدري بالزياده لأن مكان شغلي أنكرو زياداتي طوال فتره شغلي ع اساس ان راتبي 1500 فقط!! مع أنه 3000 من الزيادات والترقيات وطول الفتره اللي أشتغلت فيها، حسبي الله عليهم ماعرفت الا لما تركت الشغل وسحبت التأمينات وخذيت كشف بالراتب طوال المده!

موووفق أخوي >>> أحس أني عقدتها شوي