اشتراط موظف سعودي في البقالات الصغيره؟؟

بن رجيحه · #11 (**permalink**) 12-05-2011, 06:27 PM

اقتباس:

المشاركة الأصلية كتبت بواسطة رياض الأحباب

هذا اللي شاطرين فيه روحو للوزارات الحكومية اللي توظف اجانب وروحو للشركات وروحو للصحة

قوتكم ما تطلع إلا على بقالة

وزارة الزراعة جيتها مرة بالصدفه وقلت في وظائف قالي الموظف شنو شهادتك قلت شهادتي

قال ما شاء الله في في وظيفة من زمان ندور موظف لهذا التخصص روح للمدير الفلاني

رحت للمدير الفلاني وافق بس لما شافني مو من الرياض غير رايه وقال نتواصل رقمك معانا اهم شي تكون جاهز

مع ان وزارة الزراعة تستقدم اجانب من ( مصر - السودان - الهند - بنجلادش - باكستان )

وعلى راعي البقالة الفقير يطبقون الشروط التعقيديه ما يبون في البلد احد يتوظف ولا يبون احد يترزق الله

صح لسانك اخوي والمشكله هذا الواقع المر
اخوي ياليت تتواصل معايا على الخاص.... واذا فيه امكانيه اساعدك ابشر بعزك

طائر الاشجان · #12 (**permalink**) 12-05-2011, 08:40 PM

اقتباس:

هذا اللي شاطرين فيه روحو للوزارات الحكومية اللي توظف اجانب وروحو للشركات وروحو للصحة

قوتكم ما تطلع إلا على بقالة

وزارة الزراعة جيتها مرة بالصدفه وقلت في وظائف قالي الموظف شنو شهادتك قلت شهادتي

قال ما شاء الله في في وظيفة من زمان ندور موظف لهذا التخصص روح للمدير الفلاني

رحت للمدير الفلاني وافق بس لما شافني مو من الرياض غير رايه وقال نتواصل رقمك معانا اهم شي تكون جاهز

مع ان وزارة الزراعة تستقدم اجانب من ( مصر - السودان - الهند - بنجلادش - باكستان )

وعلى راعي البقالة الفقير يطبقون الشروط التعقيديه ما يبون في البلد احد يتوظف ولا يبون احد يترزق الله

اما حلوه راعي البقاله فقير هههههههههههه تدري ليه فقير !

لأن اغلب السعوديين للاسف يجهلون هذا العمل ... لاننا نضبط البقاله ونسلمها العمامل بمقابل مبلغ شهري ولا ندري وش الطبخه ..البقاله اللي تبيع ب 1000 ريال مدخولها اليومي من 200 الى 250 ريال وانت رايح لزراعه تدور وضيفه ب الفين ريال ..! هذا حد تفكيرنا للاسف ..لاجنبي مستعدد يدفع ماوراه ودونه مقابل تواجده في السعوديه امسكلك يماني واساله قله كم تدفع مقابل الجنسيه السعوديه شف كم يقولك ... واهل البلد ييدورون وظايف بمرتبات تافهه واللي بيسوي فيها تاجر بيفتح المحل بكل ماعنده ويسلمه للاجنبي سلام سلام
...

تلقى واحد عنده محلات كل محل يقول الزود عندي وعياله من شركه الى شركه يدورون وظايف والله المستعان ....

رياض الأحباب · #13 (**permalink**) 12-05-2011, 09:27 PM

اقتباس:

المشاركة الأصلية كتبت بواسطة طائر الاشجان

اما حلوه راعي البقاله فقير هههههههههههه تدري ليه فقير !

لأن اغلب السعوديين للاسف يجهلون هذا العمل ... لاننا نضبط البقاله ونسلمها العمامل بمقابل مبلغ شهري ولا ندري وش الطبخه ..البقاله اللي تبيع ب 1000 ريال مدخولها اليومي من 200 الى 250 ريال وانت رايح لزراعه تدور وضيفه ب الفين ريال ..! هذا حد تفكيرنا للاسف ..لاجنبي مستعدد يدفع ماوراه ودونه مقابل تواجده في السعوديه امسكلك يماني واساله قله كم تدفع مقابل الجنسيه السعوديه شف كم يقولك ... واهل البلد ييدورون وظايف بمرتبات تافهه واللي بيسوي فيها تاجر بيفتح المحل بكل ماعنده ويسلمه للاجنبي سلام سلام
...

تلقى واحد عنده محلات كل محل يقول الزود عندي وعياله من شركه الى شركه يدورون وظايف والله المستعان ....

ما ادري تضحك على نفسك او فهمك وادراكك ما يصل لمستوى الاستشعار

بما يحصل من حولك يااخي الكريم لما قلت ان صاحب البقالة فقير

هي مقارنة بين صاحب البقالة وبين صاحب الشركات واللبيب بالاشاره يفهم بس دائما نحتاج للشرح ويخوفك يجي اليوم اللي لازم نشرح فيه كمان بالصور

عمرك سمعت ان صاحب شركات يفكر يعمل بقالة

العاطل يدور وظيفه لأنه ما عنده رأس مال يفتح بقالة يا ذكي

طائر الاشجان · #14 (**permalink**) 12-05-2011, 09:39 PM

اقتباس:

هي مقارنة بين صاحب البقالة وبين صاحب الشركات واللبيب بالاشاره يفهم بس دائما نحتاج للشرح ويخوفك يجي اليوم اللي لازم نشرح فيه كمان بالصور

مافي مقارنه ولكن لو تم سعودة جميع البقالات وعليك الحساب كم بقاله في السعوديه وكم سعودي بيستفيد وراح تعم الفائده على الجميع لان الفلوس بتصرف مكانها والجميع بيستفيد

اذا كانت الشركات ماتبي توظف سعوديين الا بالزام من مكتب العمل و8 مليون اجنبي اخر احصائيه وعندك خبر نزيدهم بعد ونسلمهم محلاتنا .....!!!!

اقتباس:

عمرك سمعت ان صاحب شركات يفكر يعمل بقالة

ياخي العثيم وغيره بدايتهم بقاله وصاحب الشركه اكيد ماله بالبقاله لكن العامل في الشركه ب 2000 ريال هذا المفروض يفكر بانشاء بقاله ..

اقتباس:

العاطل يدور وظيفه لأنه ما عنده رأس مال يفتح بقالة يا ذكي

كل البقالات الموجوده في السعوديه من فتحها ؟

هل تم فتحها بدون راس مال

مافتحها السعودي وسلمها الاجنبي ولا انا غلطان ومخبط !! ... راس المال موجود وخذلك مثال صاحب هذا الموضوع ابن رجيحه راس مال سعودي والمحل في يد الاجانب حتى هو نفسه ماله سلطه على المحل والاغلبيه كذا لعلمك.

بادي الرجم · #15 (**permalink**) 13-05-2011, 12:36 AM

والله اذا تبغون الحقيقه المره ان الاسواق جميعها تحت سيطره الاجانب بنسبة 99% في جميع المجالات وهذا المعروف مافيه جديد من تستر وخلافه لا والان الاستثمار الاجنبي سيطره كامله حتى الاسواق الكبيره مثل العثيم وطقته اجانب بالنسبه معروفين.

اما بالنسبه لك ياخي صاحب الموضوع اذا كنت من المواطنين الذين شغالين لحسابهم ونظامي وشغلك تمام فالله يرزقكك من أوسع أبوابه وانا عندي خلفيه عن شغل البقالات ومدخولها الشهري يعني فيها مكاسب وفيره اذا كنت متابع لحساباتك
فاأذا الله موسع عليك خل من هذا نصيب لابن البلد من هذا الخير وهو أفضل من الاجنبي الذي تسلمه حلالك ويمكن يكون افضل منه اذا حصل تشجيع فما يضرك أذا وظفت سعودي واحد محاسب وخله على راس العمال واعتبره مثل أبنك فصدقني راح تشوف الفرق قبل وبعد بس انت صف النيه وبعدين فيه دعم من الموارد البشريه نص الراتب سنتين يعني فيه أكثر من كذا تسهيلات.
انا مع القرار والله يقويهم ونتفائل بالخير دائما لكن ماأعتقد انه صحيح لانه تم الغاء السعوده واستبدلوا عنها بالتوطين طين طين

بن رجيحه · #16 (**permalink**) 13-05-2011, 12:43 AM

اخوي رياض الاحباب
شكرا على مرورك الكريم وكلامك سليم 100%
طائر الاشجان شكلك مبوش ومخبط قال العثيم وبنده بقاله صحيح بقاله بس شف من ورى هالبقاله ياذكي اذا كنت تفهم وتدرك والا بس جيد بالحسد والحقد والبربره؟؟؟؟ يااخي انالا متاكد لو عندك سيوله كان سويت اكثر من اللي يتسترون ... طيب اذا تعرفهم ليش ماتروح تشتكي عليهم وتريح نفسك
يااخي افهم انا سالت سؤال عندك جواب لسؤالي رد ماعندك لاتشارك وبس بالمختصر المفيد

بن رجيحه · #17 (**permalink**) 13-05-2011, 12:49 AM

اقتباس:

المشاركة الأصلية كتبت بواسطة بادي الرجم

والله اذا تبغون الحقيقه المره ان الاسواق جميعها تحت سيطره الاجانب بنسبة 99% في جميع المجالات وهذا المعروف مافيه جديد من تستر وخلافه لا والان الاستثمار الاجنبي سيطره كامله حتى الاسواق الكبيره مثل العثيم وطقته اجانب بالنسبه معروفين.

اما بالنسبه لك ياخي صاحب الموضوع اذا كنت من المواطنين الذين شغالين لحسابهم ونظامي وشغلك تمام فالله يرزقكك من أوسع أبوابه وانا عندي خلفيه عن شغل البقالات ومدخولها الشهري يعني فيها مكاسب وفيره اذا كنت متابع لحساباتك
فاأذا الله موسع عليك خل من هذا نصيب لابن البلد من هذا الخير وهو أفضل من الاجنبي الذي تسلمه حلالك ويمكن يكون افضل منه اذا حصل تشجيع فما يضرك أذا وظفت سعودي واحد محاسب وخله على راس العمال واعتبره مثل أبنك فصدقني راح تشوف الفرق قبل وبعد بس انت صف النيه وبعدين فيه دعم من الموارد البشريه نص الراتب سنتين يعني فيه أكثر من كذا تسهيلات.
انا مع القرار والله يقويهم ونتفائل بالخير دائما لكن ماأعتقد انه صحيح لانه تم الغاء السعوده واستبدلوا عنها بالتوطين طين طين

اخي الكريم شكرا على مرورك الكريم
كلامك صحيح بس انت هات لي سعودي بيسلك ويصبر مافيه نبي الخير لعيال البلد لكن الوضع الان مو زي اول بهذلونا الاجانب بقالته جنب بقالتك والدخل مو زي اول يتحمل مصاريف زياده.... خلها على الله
عموما اخوي هذا صديقي عنده بقاله ومداريها وعنده عمال ورفض مكتب العمل يجدد له الا الين يوظف سعودي وفعلاً وظف سعودي يوم يومين ورفيقك ماش شهرين وترك الوظيفه تعب الرجال وعلى سالفة دعم الموراد والله ماشاف ولا ريال وهو المسكين يدفع التامينات كامله

طائر الاشجان · #18 (**permalink**) 13-05-2011, 01:31 AM

اقتباس:

اخوي رياض الاحباب
شكرا على مرورك الكريم وكلامك سليم 100%
طائر الاشجان شكلك مبوش ومخبط قال العثيم وبنده بقاله صحيح بقاله بس شف من ورى هالبقاله ياذكي اذا كنت تفهم وتدرك والا بس جيد بالحسد والحقد والبربره؟؟؟؟ يااخي انالا متاكد لو عندك سيوله كان سويت اكثر من اللي يتسترون ... طيب اذا تعرفهم ليش ماتروح تشتكي عليهم وتريح نفسك
يااخي افهم انا سالت سؤال عندك جواب لسؤالي رد ماعندك لاتشارك وبس بالمختصر المفيد

كلن يرى الناس بعين طبعه وبالنسبه لسيوله عندي وعندك خير بس الفارق بيننا انت خيرك للاجنبي وانا خيري لولد بلدي عندي مكتب تخليص جمركي وموظف فيه سعوديين وفي مكاتب موظفين سودانيين وهذولي من اشكالك ... والمكتب الثاني ان شاء الله قريب يفتح واذا عندك سعودي يبي يتوظف حوله علي ياراعي البقاله

والسالفه مب سالفة تستر اللي اقوله السعودي امثالك يجهز البقاله تجهيز كامل ويسلمها للاجنبي مقابل مبلغ تافه والمكسب الحقيقي كله يرحل خارج البلد .... لا انت استفدت ولا تركت غيرك يستفيد بحجزك للمحل

ويوم السعد اذا تم سعودة البقالات وجميع المحلات لتعم الفائده على الجميع مب على ابن رجيحه حاسد السعوديين عشان بقالته ماتتضرر ...... سبحان الله

رياض الأحباب · #19 (**permalink**) 13-05-2011, 03:25 AM

اقتباس:

المشاركة الأصلية كتبت بواسطة طائر الاشجان

كلن يرى الناس بعين طبعه وبالنسبه لسيوله عندي وعندك خير بس الفارق بيننا انت خيرك للاجنبي وانا خيري لولد بلدي عندي مكتب تخليص جمركي وموظف فيه سعوديين وفي مكاتب موظفين سودانيين وهذولي من اشكالك ... والمكتب الثاني ان شاء الله قريب يفتح واذا عندك سعودي يبي يتوظف حوله علي ياراعي البقاله

والسالفه مب سالفة تستر اللي اقوله السعودي امثالك يجهز البقاله تجهيز كامل ويسلمها للاجنبي مقابل مبلغ تافه والمكسب الحقيقي كله يرحل خارج البلد .... لا انت استفدت ولا تركت غيرك يستفيد بحجزك للمحل

ويوم السعد اذا تم سعودة البقالات وجميع المحلات لتعم الفائده على الجميع مب على ابن رجيحه حاسد السعوديين عشان بقالته ماتتضرر ...... سبحان الله

طيب افتح بقالة وسعودها

وبعدها افتح بقالة وسعودها

وستمر على كذا لين تنقذ شباب بلدك

يا أخي لو عندك حرقة على بلدك كان ما ألتفت للبقاله ولا الغسالة

روح شوف وزارة الصحة كلها اجانب روح شوف البلديات اجانب

روح شوف التربية اجانب روح شوف المعاهد اجانب

هي وقفت عندك على البقالة ودام عندك مكتب جمركي

اتوقع عندك سعوديين وواحد سوداني

بخصوص قولتك على العثيم بدأ ببقالة

هل ايام العثيم كانت شروط وجراءات السجل التجاري ومكتب العمل اللي يعطي التأشيرات بالمئات

مثل الحين وقتنا هذا

اكيد بتقول لا الحين صعبوها

فيجاروا · #20 (**permalink**) 13-05-2011, 10:03 AM

يانااااااااس تراكم شبيتو على راعي الموضوع
الرجال ماهو فاتح بقاله ومسلمها للهنود وياخذ منهم راتب الرجال فاتح البقاله ويشتغل فيها ومتابعها واللي عنده مشغلهم بالراتب
ومن كلامه ان دخل البقاله مايساعده انه يوظف سعودي بالراتب اللي يستاهله اذا حصل سعودي يقبل بالوظيفه
وانتم الله يهديكم شبيتو عليه كنه مسوي جريمه
لانكون مثاليين اكثر من الازم عندكم محلات الخضار ماسعودوها وين السعوديين اللحين كلهم اجرو محلاتهم وبسطاتهم
ع الاجانب وتركوها
وين السعودي اللي بيشتغل ب 800 ريال مثل الاجنبي لانوو الرجال عنده بقاله موو شركه افهموووووووو
يعني لما يوظف واحد براتب 3000ريال اقل راتب للسعودي
كم راح يكون صافي ارباحه
اتمنى ماتاخذنا المثاليه لنتعدى الواقع لو الرجال عنده سوبر ماركت كبيررررر صح نطالبه يوظف سعوديين محاسبين
مو بقاله صغيره ومتابعها بنفسه وتجيه الشروط التعجيزيه
والرجال برضوو مقهور ان الاجانب اللي مستاجرين امورهم ماشيه وماتطبق عليهم الاجراءات

اشتراط موظف سعودي في البقالات الصغيره؟؟

قسم مشاريع وأفكار

يااخوان هل صحيح مكتب العمل يطلب من اصحاب البقالات الصغيره توظيف سعودي وعندك عمال اجانب ومكلفين عليك مبلغ وقدره وتجدد لهم اقامات وفحص ورواتب وهل هذا...

اشتراط موظف سعودي في البقالات الصغيره؟؟

تسجيل الدخول

اشتراط موظف سعودي في البقالات الصغيره؟؟

قسم مشاريع وأفكار

يااخوان هل صحيح مكتب العمل يطلب من اصحاب البقالات الصغيره توظيف سعودي وعندك عمال اجانب ومكلفين عليك مبلغ وقدره وتجدد لهم اقامات وفحص ورواتب وهل هذا...

اشتراط موظف سعودي في البقالات الصغيره؟؟