[align=center]يرجال توكل على الله وروح ولاتسحب عليها والتقنيه لاحق عليها بعد ماتتخرج ان شاء الله ترا والله محد فينا نافعك وكلامنا

مابيفيدك استخير ربك وتوكل عليه سبحانه وتعالى واترك عنك الي يقولك كمل دراستك الشهاده الحين مامنها منفعه الشغله

الحين كلها وااو عالم على نسبه 93 عاطله للحين توكل وروح والله يوفقك ان شاء الله
[/align]

[align=center]دام فيهـا تأجيل ترم ويمديك , رح الأمـن العام حتىلو لا قدر الله طلعت ..
يمديك تكمل التقنيه السنه الي بعدها , ويـن المشكله !؟ ..

بس أهــم شي ما تدخل وتحط براسك الخروج , خله شبه مستحيل ..

والله يوفقك , أستخير والي فيه خير بيجي أن شاء الله ..

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ}[/align]

دام نفسيتك كذا من اولها ماراح تصبر

موفق بإذن الله ... لك مني أجمل تحية .

اقول وانا اخوك ادخل وعلى قول البدو (تراها ماتعترض مرتين) وبعدين لاتفكر نفسيه ولا غيرها اقسم بالله انها ترجع لك فلها واخذاها عن وناسه تعيش والله وانا اخوك انا يامحاكيك اني دخلت ثلاث دورات واني مافكرت انحاش في يوم اولا دورة الامن العام وبعد شهرين دق علي الدفاع المدني وتركتها ورحت الدفاع ودخلت الدوره واخذت بعد شهرين وانكسرت يدي في جزاء (القبضه) وتم الغاء دورتي وباشرت في العمل وبعدها خمس اشهر تم الحاقي بدورة الطايف واخذت عشر اشهر وعشره ايام وتخرجت والله مافيه لا نفسيه ولاهم يحزنون وبعدين من زين وجهك تجي عند اهلك وتقول انا انحشت من الدوره وتقول جتني نفسيه توكل على الله وادخل ولاعليك في احد والزياره لاحق عليها والله اني ماقلت هذا الالمحبتك وانا اخوك والعذر على الاطاله

خش خش
وترك النفسيه
الامن العام سهاله
لاتندم بعدين

فرصة العمر تجي مرة واحدة

يالذيب مثل ماقولولك الاخوان ادخل الدوره تراها وظيفه والله وظيفه لك ولزمانك ولهلك وعيالك ان شالله صدقني لو تتركها ماراح تلقى غيرها تراها دوره وتروح بسرعه وبعدين انت بلمملكه مو برا المملكه عشان تقول نفسيه ومادري ايش تراك تضحك على نفسك غيرك يالذيب قسم يتمناها ونت جاك رزقك من الله لاتقطعه بيدك فانصيحتي لك يالذيب كمل ايام وتعدي واحلى ايام والله ايام الدوره وترك عنك الوسوسه ودخل لاجي اسطرك وموفق ياذيب ومثل ماقلتلك كمل ادخلها لاتتركها ونا نصحتك ونت براحتك وعقلك براسك تعرف خلاصك وسلامتك

روح الامن العام احسن من التقنية
اذا جبت الشهادة يمكن ماتحصل وظيفة