الغلا يا دافعلابلا
اليوم عشانا يدام وانا ما احب اليدام
وبعد المغرب قلت في نفسي خلني اروح المطعم عاد انا كنت في المقلط اتفرج على قناة وصال
ويوم قمت ورحت وفتحت باب الشارع جتني اختي قالت وين تروح قلت ليه وش تبين قالت ابروح معك قلت اركبي يله بس لاتعلمين اخوس الصغير قالت طيب ورحت ومشيت قلت وش تبين قالت ابغى غوار قلت لا غوار بارد يعورس قالت امانه ابغى غوار ماني ماني ترى اذا ما جبت لي علمت اخوي قلت لالالالا طيب
ورحت ولقبت عند المطعم قالت لي وش تبغى قلت ابغى اكل قالت وش تاكل قلت اكل الي اكل انتي وش دخلك هماك تبغين غوار قالت لالالا ما عاد ابغى تعرفون الورع الصغير يحب المطع ضعيفيين قلت يله انزلي ونزلنا وجيت يم التركي قلت له عطنا ثنين صاروخ قلت لاختي تبغين صاروخ والا شاورما قالت صاروخ قلت اذنس ما تاكلينه قالت الا اكله قلت واذا ما اكلتيه قالت ما عاد اروح معاك قلت طيب المهم قلت عطنا صاروخيين واثنيين بيسبسي قال17 ريال قلت كيف 17 قال صاروخين كل واحد 7 ريال وريال ونصف لكل بيسبسي
قلت هاه الصاروخ من متى وجاء 7 ريال قال له اسبوع قلت ليش قال الدجاج غلي لابو ابوكم
غليتو كل شي
المهم قلت في نفسي خلاص ما عاد نبغاه الغ الطلب
ورحت قالت اختي ليش ماني وراحت تبكي قلت غالي وانا اخوس بس الحين اعطيك فطيرة لوزين وش زينها قالت يع ههههههههههههههه قلت لا نعمه مهو يع حرام
قالت ما احبه
قلت تحبين او ماتحبينه ما علي منس قالت لالالالا ترى اعلم اخوي قلت علمي الطقاق وراحت تضربني في السياره قلت ترانا بنصدم قالت اصدم ههههههههههههههه
قلت بعدين نموت قالت نموت رحت اضحك لا طقت تسبدي امري وش تبغين قالت ابغى صاروخ قلت في نفسي هاذي والله النشبه انا وش الي يخليني اخذها قلت شوفي وانا اخوس ابحطك عند البقاله وخذي الي تبين قالت كل شي قلت كل شي ورحت يم البقاله ونزلت معي ورحت يم قسم الحلاو وعبت لها كيس كامل
ثم راحت يم قسم البطاطس
واخذت بطاطس دوريتوس 4 حبات عائلي قلت هذا واجد قالت اقطع واخس
قلت يله حرام عليك بعدين فلوسي تغلق وما عاد عندي شي ومين الي يجيبلك ثاني مره قالت ما ابغى ثاني مره قلت ورطه وابتلشنى
وراحت يم قسم الكاكو واخذت كرتون جلكسي والله غالي قلت لا هاذا فيه سم قلت والله قلت ايه
قلت خذي ثلاث حبات ووديك الحديقه قالت والله قلت طيب
خلاص ما عاد ابغى شي وطش كل شي قلت بكره بكر قالت بكره مدرسه هههاي
قالت الخميس الجاي قالت احلف وحلفت
الله يعيني اوديها الخميس الجاي
وتروح يم قسم العصائر وتاخذ من كل نوع

وش تتوقعون الحساب اليوم الي بالبقاله
89 ريال هههههههههههه
لو اني اخذت الصاروخ احسن لي
بس احسن المطاعم ما تصلح
هذي قصتي مع اختي
بس والله البزران يونسووون
وممكتوب بالقران المال والبنون زينة الحياة الدنيا
سحان الله
الطفل مضحك وفي نفس الوقت مزعج
بس