شـكرا لك وبارك الله فيك... لك مني أجمل تحية .

لا إله إلا الله

مافي ردود تفتح النفس ؟!

سؤال : ماهي الإجرائات المتخذة الأن بعد مطابقة البيانات الأن ( مطابقة 1786 أقصد ) بحيث أنه في حال دعوتنا للمطابقة كتب في الخبر ( لمطابقة البيانات وستكمال مسوغات الترشيح )

ويلاحظ بأن دعوات المطابقة الأخرى التي قبلنا وبعدنا كتب ( أن الدعوة للمطابقة لاتعني الترشيح وإنما لمطابقة البيانات التي تم تسجيلها في الموقع )

ومن ناحية أخرى أن أغلب المطابقين في دفعتنا طلب منهم المراجعة الاسبوع القادم لرؤية النتيجة - عكس المطابقات الأخرى قيل لهم تابعو الموقع وأيضاً سوف تصلكم رسائل في حال وجود ترشيحات !!

أتمنى المناقشة بعقلانية والبعد كل البعد عن ( الله *** الوزارة - طفشنا وحنى نستنى كذابين .. إلخ )

تحليلاتكم ؟

ما يجي من الخدمه المدنيه الا وجع الراس والهم والغم وجميع الامراض ....

أستغفر الله العظيم وأتوب إليه

سؤال مهم للغايه
هل فيه احد من الكلية التقنية طلع رقمه
وبخصوص تخصص تبريد وتكييف
انا ماعتقد احد طلع رقمه من الكلية التقنية لانها فاشل

بالتوفيق للجميع

سلااام شباب

انا خريج ثانوية تجارية _ اعمال مكتبية ورحت يوم الاثنين للمطابقة بفرع الاحساء وطابقوا الاوراق وبنفس الوقت علموني بالترشيح وين ترشحت على وظيفة مسجل معلومات بوزارة الصحة بهجرة الحرجة بالجنوب على المرتبة الرابعة وعطوني استمارات اعبيها واوراق الفحص الطبي ورحت فحصت وبانتظار نتيجة الفحص الاسبوع القادم عشان اسلم الاوراق للخدعة المدنية ونشوف تاريخ المباشرة لاني سألت الموظف متى المباشرة قالي خلص الفحص اول تالي نعلمك بالمباشرة .....

عموما انتظروا مني آخر الاخبار وش بيصير معاي


واتمنى اللي بيكتب شي يكتب اللي صار معاه بالضبط بالحرف الواحد لا يزيد ولا يألف من عنده عشان لا يلعب باعصابنا ويكثر الكلام والاشاعات خلونا نكون واضحين عشان نستفيد كلنا بلاش التحطيم اللي يقول تصريف واللي يقول مايبون يوظفون


ملاحظة : كان قبلي واحد خريج ثانوية صناعية وكان عنده خطأ بتاريخ التخرج ماستبعدوه بل بالعكس كان التعامل مثالي جدا طلبوا منه يرجع للثانوية الصناعية ويجيب تاريخ التخرج الصحيح عشان يكمل اجراءاته وراح وجاب التاريخ الصحيح وعطوه الترشيح واوراق الفحص


بالتوفيق للجميع ان شاء الله

ياشباب انا بهدلوني ومرات احس اني صعب افهم او ان قرارات الخدعه المدنيه فيها لحسة مخ

على شوية لكاعه على شوية ضغط نفسي وهلمجرا ..

بس اللي ابي اسئله الحين وياليت احد يجاوبني بالتفصيل لان مع الخدعه المدنيه مش حتئدر تغمض عينيك

انا كنت مقدم على الخدمه من اول ومن بعد ماطلع جداره عبينا البيانات وخلاص علما اني عندي دبلومين

واحد ثانويه تجاريه تخصص اعمال مكتبيه والثاني معهد اداره تخصص اعمال بنكيه

وقدمت على الشهادتين وش اسوي العوض ولا القطيعه

ولكن السؤال :

الحين اذا عبيت البيانات المطلوبه كلها ونزلتها بصفحتي الخاصه اللي بجداره

اول شي ما اعطوني رقم متابعه هل يعني انهم يبغون يخلونها على رقم بطاقة الاحوال !!

ثاني شي يقولون هم يقولون والله اعلم من صدقهم على ابو كذبهم ان المفاضله الاداريه 1/8

بصراحه انا قدمت على كل شي تعليميه وغير تعليميه " اداريه " هل هناك في اي اشكاليه من هذي الناحيه !!

وبعدين حطيت خيارين لمدينتين هل يعني انها راح تطلع وحده منهم او هم على كيفهم يعطونك !!

واخيرا المفاضله اللي راح تصير 1/8 هل هي شامله الدبلوم والبكلريوس ؟ ام كلهم او بس دبلوم ؟

وشكرا تحملوني على كثرة اسئلتي بس والله لخبطوني وهدو حيلي حتى مخي معد يشتغل مثل اول غير بالدف ..