14-05-2011, 03:26 AM
|
 |
عضو نشيط
|
|
تاريخ التسجيل: May 2011
الدولة: K.S.A
المشاركات: 116
معدل تقييم المستوى: 3166
|
|
|
فضفضه
... ترى كثر الفقر ذبااح
السلام عليكم
هذي اول مشاركة لي معكم واتمنى اكون خفيف عليكم
مع اني بصراحه كنت متردد اشارك معكم من فتره لأن بصراحه انتو تتعبون بس ما فيه فائدة إلا التواصل بين الأعضاء وطرح آخر الأخبار عن التقديم على الوظائف بس
قولو لي يمكن أنا ما أدري لأني مو متابع كل المواضيع
هل فيه أحد من المسؤولين تواضع والتفت يمكم ؟؟
هل فيه أحد صاحب يد تبرع لوجه الله وقام بتوظيف عدد ولو قليل من الأعضاء ؟؟
يا اخوان فيه أحد منكم حس .. بالقهر .. ؟؟
=غلبة الدَّين وقهر الرجال هذان هما اللذان استعاذ منهما النبي صَلَّى اللهُ عَلَيْهِ وَسَلَّمَ، ونستعيذ بالله منها جميعاً، هذا أشد ما يمكن أن يصاب به الإنسان، الهم والحزن: {أعوذ بك من الهم والحزن، وغلبة الدَّين وقهر الرجال  }=
مثال بسيط جداً
أنا موظف في شركة ومجال عملي يتطلب الإشراف على عمالة في إحدى الدوائر الحكومية ، توظفت في شهر فبراير 2009 وحتى الحين لا زلت
لكن ...
حصل انه تغير مديرنا السابق وجانا مدير جديد لم يتبق على تقاعده تقريبا أقل من سنتين
وهو من خارج المنطقة التي نعمل فيها
انا خريج كلية التقنية تخصص محاسبة بتقدير جيد مع عدد من الدورات لا بأس به جيد جدا وممتاز
مديرنا الحالي يمارس معي أنواع التطفيش والاستفزاز بشكل لا يمكن تتصورونه مثل ما أنا حاس فيه
لمين أشتكي ؟؟؟
رجل صاحب علاقات ونفوذ وجمييييع - بدون مبالغة - المسؤولين في المنطقة له طريق عليهم وما أستطيع إلا اني اسكت واتحمل عملي وتكليف بأشياء خارج عملي مثل العمل كإداري في نفس الإدارة بدون أي وجه حق ..
مجرد اني فكرت ورفضت الاسبوع الماضي بعض الاعمال الخارجة عن عملي المكلف به كتب فيني تقرير ويطلب فصلي من الشركة وانهالت علي الاتصالات من إدارة الشركة مشرفين وإداريين يسألوني ليش مقصر وليش ما تطيع الأوامر ؟؟ ...
بالله عليكم وش اسوي ؟؟
موظف وراتبي 2275 وعمري تعدى 25 سنه لما رحت أقدم في الوظائف العسكرية ما مشيت عشان الطول .. والمدنية .. اطلب كريم مستحييييل
ما فيه مكان إلا وقدمت عليه
حتى جميع البنوك قبلوا من هم أقل مني نسبة ويملكون واااسطة
ياليت واحد بس من المسؤولين يخاااف الله ويتذكر انه راح يوقف بين الملأ يوم الحساب
قطع الأعناق ولا قطع الأرزاق
والله العظيم اني فكرت .. وأعوذ بالله من الشيطان .. اروح ادور شلة فااسدة أبي أدخل بتجارة مخدرات حشيش أي شي بعدها استغفر الله وأجلس حتى الصباح ما يجيني نوم
ذبحني التفكير بشكل رهيييب لو عاااطل يمكن أعاني من الفقر بس
لكن موظف على شركة وألاقي انواع الاستفزاز بس عشان يبي يحط واحد مكاني !!!
مو قهر ؟؟؟؟؟؟؟
والله لو بيدي تركتها لكن الظروف شينه
الحين أكثر الشباب وانا منهم نطلع ونسولف ونضحك بس نحاول نفرغ الكبت اللي فينا
ما تمر عليكم كلمة .. والله مطفر ؟؟؟!!!!
هذا فقر
احنا نسمع بالفقر بس نخجل من ذكره
والله العظيم ما جلس عاطل الا احنا الفقراء ولا احد يقنعني
عيال النعمه الله يوفقهم لأن الدعوه على مصالح ويمكن حظوظ لبعض الناس
لكن وين نرووح بهالزمن
صرنا في غابة
موظفين الشركات ما استفدنا من برنامج إعانة العااطلين لأننا موظفين
ههههههههههه يعني 2275 احسب إيجار وغسيل وبنزين وملابس
يعني لما أبي أسافر عشان أدور وظيفه ما أقدر
لازم إجازة ولازم فلوس وغيرها كثير
في بالي أشياء كثيرة كنت مرتبها لكن لما جيت أكتب ضيعت
متى نتزوج نسدد الديون نستقر نرتاح من الهم والتفكير
متى يخافون الله في وزارة الخدمة المدنية وتطلع أرقام المتقدمين حسب الأولوية بالتقديم والنسبة مو بالوااسطة
متى يتقاعد وزير الخدمة المدنية من عرفت نفسي بالدنيا جميع الوزراء تغيرو الا هو ؟؟
تتوقعون عنده واسطة ؟؟ ههههه لا لا امزح
اكيد ما طول إلا لإنه أنجز وفعل الشي الكثير لمصلحة الشباب 
سؤال أخير وآسف ع الإطالة
اللي مثلي وش يسوي
أفصل من الشركة لأن الفقر ملازمنا بالبيت لكن بالعمل فقر + قهر ؟؟؟
اللي طوله أقل من المطلوب في العسكرية وش يسوي هل فيه أمل يطول ؟؟
بعدين اللي مثلي حاصل على دبلوم وش يبون في طوله مو العقل أهم شي ؟؟
الطول لأصحاب الثانوية لأنهم راح يستلمون عند البوابات وفي الدوريات لكن أصحاب الكليات ليييييييش ؟؟؟؟
تعقيد ؟؟؟ ما ادري جاوبوني ؟؟
هل فيه مسؤول ممكن يتواضع ولا ينازع الله سبحانه في كبريائه ويتشرف يلقي علينا نظره هنا في المنتدى ؟؟
مو أبناء الوطن احنا ؟؟؟
مين يحن علينا ؟؟؟
اللي تقديره جيد مثلي وما عنده وااااسطة يروح ينتحر أحسن له من 5 سنوات عاااطل ويجلس عالة على أهله
... إذا راح يكون فيه أي تعديل في الموضوع من أحد المشرفين الكرام فأتمنى أن يقوم بحذفه أو عرضه كامل رجاااء خااص
لنا باك بإذن الله
|
العرض المتطور
