السلام عليكم ورحمه الله وبركاته

انا موضفه باحد مستشفيات القطاع الخاص

المهم مرت علي خمسه شهور

كانت حلوه
بس جتني فيها انذارين
وانا حاليا مهدده بلأنقراض

اليوم جاني لأنذار الثاني

وربي نفستي تعبانه مره
رجعت للبيت حاليا ونفستي تعابنه
قاعده اصيح


وش اسوي؟
انا مهدده بلأنقراض
من شغلي وانا ماصدقت لقيت شغل


وش اسوي؟وش الحل؟كل يوم يطلعون لي قرارت واذا مانفذاها
يرسلون لي انذار
علا طول

انا باقي لي انذار وانطرررررررررررررررررررررررررد


وش اسوي؟

هدي نفسك اختي ومشا الله ياكثرررررررررر وظايف المستشفيات بس لو اهلي يخلوني كان رحت وبعدين انتي حاولي تلتزمي يعني مو معقول يعطوك انذار بدون سبب وبعدين هذا مستشفى يعني مسئوليه كبيره اختي انتبهي واذا فصلوك عادي يمكن خيره لك قدمي وان شا الله تلاقي ياكثر وظايف المستشفيات الله يرزقك من حيث لاتحتسبين

وش اسباب الانذرات

[align=center]
[frame="13 98"]
تحيه عطره للجميع :

بعض الأوقات تكون الأنذارات من الإدارة والإدارة يكون المسئول عليها "رجل" وغالباً يقومون بأستخدام هذا الأسلوب لكي تخضع لهم الموظفة وتلبية أحتياجاتهم الشهوانية .

لكن لا عليك وأعلمي كما ذكرت لك الأخت الفاضلة لعله خير لك ثانياً قد عصمك الله من شيء لا تعلمية . وتذكر قول الله عز وجل " وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ }البقرة216
اختي الفاضلة أنا توظفت في ثلاث دوائر حكومية كنت بالاول أندم لكن الأن الوظيفة الأخيرة اشكر الله عليها لأنها أفضل وظيفة مما كانت سابقة من جميع النواحي.

ثالثاً: عرفت شيء وهي مافيه أحــد مرتاح بوظيفته لزوم يكون فيه مشاكل أما مع الموظفين الحساد الذين يحسدوك على وظيفتك أو مشاكل مع المدير . يعني كما اتذكر قول الله عز وجل " {لَقَدْ خَلَقْنَا الْإِنسَانَ فِي كَبَدٍ }البلد4.

وراح أنصحك بالحياة وأسأل مجرب .. قد اكون اكبر منك بالسن وانتي ماتدرين لكن خذيها نصيحة أخ . ياما جمعنا فلوس وجلسنا سنوات طويلة قد تصل إلى عشر سنوات واحنا نجمع من هالرواتب وفي النهاية نخسرها في خلال شهر واحــد لكن هذبت نفسي على شيء بالحياة تدري وش هي .
الراحة النفسية والصحة تراها كنز عظيم وكل شيء يعوض المال والوظيفة والعيال والزوجه إلا الصحـــــــــــــة مستيحل ترجع مثل ماكانت . ودنا ندفع الأن فلوس من أجل نستعيد أيامنا اللي راحت لكن ليس كل مايتمناه المرء يدركة وتجري الرياح بمالا تشهي السفن .
[/frame]
[/align]

ماقصرو الاخوان والاخوات ...
اختي الفاضله دامك ما سويتي شي ا واثقه باذن الله بتكون فتحة خير عليك ... ( وعسى ان تحبو شي وهو شر لكم )
( ويرزقهم من حيث لا يعلمون )
اختي بارك الله فيك اهم شي لا تتحطمي باي شي فيه اشغال وطموحات اكيد لك ...

أختي الفاضلة
لاتتضايقي ولاشي الرزق مو بس عندهم
لكن ع العموم انتي لاتخلي عليك خطاء وحاولي الأجتهاد والمثابرة .... وبالتوفيق

مدة الانذار سنة على ما اعتقد بعد السنة ينلغي الانذار يعني حاولي تلتزمين بالدوام سنه
بعدها يصير خير

اذا كانت الانذارات بدون سبب مقنع !!

عطيهم كوع وخليهم يسون اللي يبون
ترا يمكن يبي يطفشك من الوظيفه فقط عشان يحط وحده من قريباته او شلته لاتستغربون اي شئ
وزي ماقالوا الاخوه ربك كريييييييييييم وبيرزقك اخير منها