أريد فتح مكتب خدمات عامه

الفدعاني * · #11 (**permalink**) 08-12-2007, 12:44 PM

الله يوفقكـــــــــ انِـشـــــــــــــاء اللـــــــه ’’آ’,آ’,آ’,’آ,آ

السكب · #12 (**permalink**) 08-12-2007, 01:11 PM

مشكور على مرورك يالفدعاني

محمدالاحمري · #13 (**permalink**) 05-01-2010, 07:38 PM

شروطهم:
1-ضمان بنكي نهائي عشرةالاف ريال
ونصيحه غيرالراجحي لاتفتح حساب ساعه وتاخذ الضمان
واي بنك ثاني بعدثلاثه ايام يجيك الضمان
2-برنت من الاحوال بانك متسبب
3-صوره من عقدايجارالمحل
ولاتنخمون مثلي لاتستاجرحتى تجيب الضمان البنكي
انا23يوم من ايجارالمحل راح بلافايده
4-صورهمن بطاقة الاحوال
5-صوره من الشهاده
6-صورتين شخصيه 2في3
ولكم خالص الشكر

كلاشربع · #14 (**permalink**) 05-01-2010, 08:05 PM

اقتباس:

المشاركة الأصلية كتبت بواسطة السكب

السلام عليكم ورحمة الله وبركاته

يا اخوان نويت بأذن الله أن أفتح مكتب خدمات عامه من خاض في هذه المجال أن يفيدنا بذلك وهل يقتصر عمل المكتب بمجال الإقامات والفيز وأستخراج الرخص ؟

ياليت تفيدونا

اخوي خذ نصيحتي واعمل بها اذا ماتبي تخسر في مشروعك او تتوهق

لاتفتح مكتب الحين اخر امكتب الي ان تخلص المطلوب منك

1- رح واشتغل في مكاتب للخدمات العامه. السبب( اول شي على شان تعرف مجال شغلهم كامل . وشغله ثانيه يكون المكتب الي انت راح تشتغل فيه له علاقات قوية في جميع الدوائر الحكومية وانت بكذا راح تستفيد علاقات شخصية مع جميع الدوائر وخلك شغال في مكتب اقل شي 4 شهور كذا تكون تعلمت كل اسرر الشغل وانت وشطارتك لمن تشتغل في مكتب راح يكون عندك عملاء خاصين بالمكتب والعملاء اي استفار او اي طلب راح يتصلون على جوالك انت وانت كذا تستفيد عملاء قبل تفتح مكتبك

2- لو فتحت مكتبك قبل تشتغل في مكتب راح تجيك معوقات كثيره منها
* ماتعرف وش الانظمة
* فتره لاتقل عن ثلاث شهور وانت بس تسأل وش اسوي وين اروح ووووو
* ماعندك عملاء
* مالك علاقات شخصية
*ممكن تستلم معامله وتكون سبب في تاخيرها وتسبب غرامه على صاحب المعامله وكذا سمعتك راح تدمر

وفي النهاية نصحية اخ لاخوه لا تـــــــــــفتح مكتب قبل ماتشغل في مكتب للخدمات لو بدون راتب انت دبر حالك

والله يوفقك ويرزقك

ابن الهيلا · #15 (**permalink**) 05-01-2010, 08:30 PM

مرحباً أخي السكب

سبق وفتحت مكتب خدمات عامة وكان الحمدلله ناجح ولكن يحتاج جهد وصبر وبحث عن الزبون حتى تصل لهدفك

البداية موقع المكتب وهذا مهم جداً حتى لو كان الإيجار غالي لايهم ولكن الموقع أهم

بالنسبة لتحديد الموقع يكون قريب من الشريحة المستهدفة لك وهي العمالة

على سبيل المثال تفتح المكتب بوسط الصناعية لكثرة العمالة بها

أو على شارع تجاري فية شريحة كبيرة من العمالة

أو تفتح المكتب في الحي الذي يكون أغلب العمالة تسكن بة

بعد ماتفتح المكتب

الجوازات يعطونك بطاقة تعقيب وكذلك يعطون موظفينك بطاقات تعقيب البداية خذ موظف سعودي واحد ويكون عندة خبرة بالحاسب حتى تستفيد منه في تعبئة الأستمارات بدال ماهو جالس فاضي قدامك في المكتب ومخلص تعقيبة

هنا أنت تقوم بالبحث عن الكفلاء الذين عندهم عدد طيب من العمالة وتعرض عليهم خدماتك بشرط تكون موضحها في ورقة بالتفصيل وعليها عنوان المكتب وأرقام الهواتف

الأتفاق معة اما بالمعاملة الواحدة وكل نوع من أنواع المعاملات أمامة سعرة
أو يكون هناك مبلغ ثابت شهري على سبيل المثال ألف ريال مقابل جميع الخدمات خلال الشهر مع أخذ الأعتبار في عدد العمالة أذا كان العدد كبير تزيد المبلغ

تقديم خدمات مجاناً لزبون من ظهر الموظف عندك من تعبئة الأستمارات وتصويرها وتسديد الرسوم والمخالفات المرورية تسلم لك كاش وأنت يوجد لديك رصيد في الحساب تقوم بسدادها عن طريق النت

وكل هذه الخدمات من داخل مكتبك
جهاز كمبيوتر + أنترنت + برنامج تعبئة الأستمارات + آلة تصوير+ ملفات علاقي+فاكس + يوجد كمرة تصوير تقوم بتصوير صورة العامل من أقامتة أو جواز سفرة وهذه تستخدم بكثرة في حالة هروب العامل ويطلب من كفيلة صور ولكن هذه بمقابل ليست مجاناً

الخطوة الثانية

حدد مدينتك حتى أذكر لك الخطوة الثانية ممكن تستفيد منها

طير الفيافي · #16 (**permalink**) 06-01-2010, 12:00 AM

اقتباس:

اخوي خذ نصيحتي واعمل بها اذا ماتبي تخسر في مشروعك او تتوهق

لاتفتح مكتب الحين اخر امكتب الي ان تخلص المطلوب منك

1- رح واشتغل في مكاتب للخدمات العامه. السبب( اول شي على شان تعرف مجال شغلهم كامل . وشغله ثانيه يكون المكتب الي انت راح تشتغل فيه له علاقات قوية في جميع الدوائر الحكومية وانت بكذا راح تستفيد علاقات شخصية مع جميع الدوائر وخلك شغال في مكتب اقل شي 4 شهور كذا تكون تعلمت كل اسرر الشغل وانت وشطارتك لمن تشتغل في مكتب راح يكون عندك عملاء خاصين بالمكتب والعملاء اي استفار او اي طلب راح يتصلون على جوالك انت وانت كذا تستفيد عملاء قبل تفتح مكتبك

2- لو فتحت مكتبك قبل تشتغل في مكتب راح تجيك معوقات كثيره منها
* ماتعرف وش الانظمة
* فتره لاتقل عن ثلاث شهور وانت بس تسأل وش اسوي وين اروح ووووو
* ماعندك عملاء
* مالك علاقات شخصية
*ممكن تستلم معامله وتكون سبب في تاخيرها وتسبب غرامه على صاحب المعامله وكذا سمعتك راح تدمر

وفي النهاية نصحية اخ لاخوه لا تـــــــــــفتح مكتب قبل ماتشغل في مكتب للخدمات لو بدون راتب انت دبر حالك

والله يوفقك ويرزقك

انا اشهد انه نصحك هالرجال وخذ نصيحته

عاطل وبقوه · #17 (**permalink**) 06-01-2010, 03:35 AM

يا رجال انتو عساكو طيبين ؟؟ !!
هذا الموضوع من عام 2007

كلاشربع · #18 (**permalink**) 06-01-2010, 06:00 PM

اقتباس:

المشاركة الأصلية كتبت بواسطة عاطل وبقوه

يا رجال انتو عساكو طيبين ؟؟ !!
هذا الموضوع من عام 2007

هاه

ههههههههههههههههههههههههههههههه

ابن الهيلا · #19 (**permalink**) 06-01-2010, 11:20 PM

اقتباس:

المشاركة الأصلية كتبت بواسطة عاطل وبقوه

يا رجال انتو عساكو طيبين ؟؟ !!
هذا الموضوع من عام 2007

ماشاء الله تبارك الله عليك دقيق في ملاحظاتك ونحن طافت علينا

هههههههههههههههههههه

السبب عند مراجعتي لردود من محمد الأسمري هو من رفع الموضوع شكلة مسويها لنا مقلب