تشجعت وقويت قلبي وبديت مشروعي الحمد لله واللي يبي يترزق حياه الله

مشآآري · #1 (**permalink**) 15-05-2011, 07:16 PM

بسم الله الرحمن الرحيم

الحمد لله والصلاه والسلام على اشرف المرسلين

اسعد الله اوقاتكم بكل خير ياحبايبي

انا من شهر رمضان اللي راح وانا مافيه موضوع ماقريته

دخت ودخت ودورت ابي مشروع وابي اشوف وش حضي مع التجاره

عرفت حاجه وحده الكل يعرفها بهالبلد انه لاتتعب عمرك وتبدع وتفكر بمشاريع لان اللي يحدد نوع التجاره هو ( العامل العامل العامل العامل العامل )

يعني باختصار قبل تدور المشروع دور لك عامل وتثق فيه ويبي يشتغل وافتح له المحل اللي يبي واخلص النيه لله والرزق عند رب العالمين

انا الحمد لله لقيت عامل سوري يبي يشتغل بالعطور مع انه كان اخر توقعاتي اشتغل بالعطور

جلست معاه وقال يبي كذا كذا وكذا وتفاهمنا على كل شي ... استخرت رب العالمين اكثر من مره وسالت اهل المحلات واصحاب الشأن وتوكلت على الله

طبعا البدايه صعبه لانه اول محل افتحه فكنت مادري وين اروح لكن حبه حبه تعلمت كل شي واستفدت كثير الحين لو ابي افتح محل ماراح ياخذ مني الكثير لاني عرفت كل شي تقريبا

المهم حبايب قلبي محلنا نبيع فيه عطور فرنسيه بعبوات خاصه بالمحل و ثبات العطور مابي امدح لكن التجربه خير برهان

من يومين فتحت المحل والحمد لله الشغل يبشر بخير واقول لنفسي ماذبحنا الا التردد وكثره الاستشارات كاننا ندور اللي يقول كملو النومه

الحمد لله فيه زباين رجعوا للمحل اليوم الثاني لان العطور اعجبتهم وهذا مؤشر جيد

ومني انا كرد للهدايا اللي يتحفنا فيها منتدانا الرائع للجميع شباب وبنات وبأي مدينه مستعد اتعاون معكم وتصيرون مندوبين وامولكم بالعطور اللي تبون شدوا حيلكم وارفعوا الهمه واستخيروا وتوكلوا على الله

الى متى بس متابعه للاخرين ليه مايصير للواحد تجربه يجي يحكيها لو ماتستفيد ماديا بتستفيد خبره او تتعرف على شغله افضل من العطور وتكون بدايه خير لك

اللي يبي بس يرسل لي اي رقم للتواصل وحنا نتصل عليه باقرب وقت اهم شي الجديه الجديه الجديه

الله يوفق الجميع ويرزقنا بحلاله عن حرامه وبفضله عمن سواه

شكرا للجميع واسف على الاطاله

ملكة في مملكتي · #2 (**permalink**) 15-05-2011, 07:27 PM

الله يرزقك اخوي ويفتح لك ابواب الرزق صراحة افتخر بالشبابنا السعودي الطموح وان شاء الله تلقى مندوبين بس خذها نصيحة حاول تشتغل انت بنفسك ولاتعتمد اعتماد كلي على الاجانب علشان لايروحون يلعبون من وراك

المتغرب ا · #3 (**permalink**) 15-05-2011, 08:12 PM

اخوي الله يوفقك
بس في ملاحظة وانتبه وانا اخوك العامل اذا ما كان على كفالتك انتبه منه لانه باي لحظة بجيه واحد يعطيه راتب اعلى وياخذه منك سلام سلام
ولا تختلف معاه على اتفه الاسباب وبعين يقولك هاك المفتاح وانا ماشي
بس لو كان على كفالتك راح تمسكه من رقبته وحتى لو سرقك تقدر ترجع حقك منه

انت الان بديت معاه حاول انك تفهم الشغله عدل وتعلم احد من جماعتك اذا كان عاطل
او تجيب لك عامل على كفالتك على الاساس انه ينظف ولا يساعد السوري وخله يعرف كل كبيرة وكل صغيره بحيث لو لاقدر الله سحب نفسه السوري انت ما تكون خسران
واهم شي وانا خوك احسن النيه
الله يرزقنا وياك

صقر بدون عمل · #4 (**permalink**) 26-05-2011, 03:12 PM

اقتباس:

المشاركة الأصلية كتبت بواسطة المتغرب ا

اخوي الله يوفقك
بس في ملاحظة وانتبه وانا اخوك العامل اذا ما كان على كفالتك انتبه منه لانه باي لحظة بجيه واحد يعطيه راتب اعلى وياخذه منك سلام سلام
ولا تختلف معاه على اتفه الاسباب وبعين يقولك هاك المفتاح وانا ماشي
بس لو كان على كفالتك راح تمسكه من رقبته وحتى لو سرقك تقدر ترجع حقك منه

انت الان بديت معاه حاول انك تفهم الشغله عدل وتعلم احد من جماعتك اذا كان عاطل
او تجيب لك عامل على كفالتك على الاساس انه ينظف ولا يساعد السوري وخله يعرف كل كبيرة وكل صغيره بحيث لو لاقدر الله سحب نفسه السوري انت ما تكون خسران
واهم شي وانا خوك احسن النيه
الله يرزقنا وياك

مشاء الله عليك ياخي تفكيرك لبعيد ويعجبني تفكيرك

غلطة عمر · #5 (**permalink**) 15-05-2011, 08:17 PM

الله يعطيك العافيه ويرزقك

مضيعه برقعها · #6 (**permalink**) 15-05-2011, 08:34 PM

اخوي وين محلك بجرب العطور ان اعجبتني اخذت منها

انا من الرياض

بكالوريوس عاطلة · #7 (**permalink**) 16-05-2011, 01:48 AM

الله يوفقك ، وينجح مشروعك وربي يرزقك ان شاء الله ..

بالتوفيق اخوي ..

مشآآري · #8 (**permalink**) 16-05-2011, 02:02 AM

ملكه في مملكتي .. المتغرب .. غلطه عمر .. بكالوريس عطاله

الله يجزاكم خير لا العامل على كفالتنا وكلامكم عين الصواب وفي محله

شكرا كبر قلوبكم

مشآآري · #9 (**permalink**) 16-05-2011, 02:05 AM

مضيعه برقعها

المكان حي الخليج شارع عبدالعزيز بن بشر ويسمونه شارع العاصمه لان عليه قصر العاصمه للاحتفالات

نتشرف بزيارتك واذا جربتي اكتبي تجربتك هنا وش ماكانت
مخالف