مشاركة الاشياء التى تصير بالسعوديه ...

شهرزاد احمد · #1 (**permalink**) 15-05-2011, 10:27 PM

((( بسم الله الرحمن الرحيم )))

السلام عليكم ورحمة الله وبركاته ....

كيفكم انشاء الله بالف خير ..

طبعا هذى اول مشاركه لى ...

اليوم وصلنى على الايميل هذى الرساله

فحبيت انى اشاركم فيها :

اتمنى تنال رضاكم .......

بالتوتير تدآول السعوديون موضوع عن الاشياء الي بس تصير في السعوديه

استمتعوا خخخخخخخخخخخخخ

- دائماً مسرعين وماوراهم ولاااااا شي

-لازم هوشه في اي لعبه جماعيه سواء كانت " كيرم " الى " بلوت " مروراً بـ " اتاري "

-شي لازم يمر بطفولة كل بزر .. انت مب ولدنا لاقينك بالشارع << تعقيد

- ألام السعودية اذا ضاع ولدها تبكي .. وإذا لقته طقققققته ...هع

-لازم تنكسر صينية ولا كاسة شاهي بالبيت اذا فيه ضيووف.. هع ههع هع

-كل الحريم عيالهم ما يآكلون ، حتى سمين:مسيكين وليدي مهوب يآكل أبدددد

-كل الهنود و الاجانب اسمهم محمد ..خخخخخخ

- النت مايحلى عندهم الا وقت الاختبارات والنوم...؟؟

-الحريم اذا اتصلوا على الرجال اول كلمه تكون : وينك؟ الرد دايم : قريب

-اي طالب سعودي "ما يداوم اول يوم بعد اي إجازة" او "اخر يوم قبل الاجازة" ماتفرق إجازة الصيف ولا إجازة خمس ايام.... غايب غايب

- الطلاب ما يذاكرون للاختبار إلا ليلة الاختبار وينجحون بأمتياز”هذا الشي حير علماء العالم... هههههههه

-الولد مع اهله مايدفع ريال ومع اصحابه يحلف عليك ماتدفع ريال <<

-فشلتونا :كلمة يقولها الولد لأهله إذا جاء يمشيهم > هههههههههههههه

-الدولاب فيه مليون لبس و اذا جت عزيمه "ماعندي شيء البسه’ ؟؟ياربيه وش البس’؟؟ بروح السوق ادور اخاف ما القى , ياربيييه ليتهم ماعزمونا "

""

- في عز الفرحة "مناسبه سعيدة، عيد، سفر،مجتمعين على الغداء ..الخ"، تلقى الام تهاوش بناتها و الولد يضرب اخواته.. خخخخخخخ

-انخطبتي؟ اصص لا تعلمين احد !! نجحت بممتاز؟ اصص لا يدرون عنك! وكله عشان لا يطقونها عين

-اذا بيعرفون الولد يحب اخته المولوده ولا يغار يقولون له بنأأأأأخذ اختتتك يالله هاتوا ملابسها >هههههههههههه

-إذا بتتزوج ماتعلم إذا حامل ماتعلم إذا بتسافر ماتعلم إذا مرضت ماتعلم إذا نجحت ماتعلم إذا سقطت ماتعلم

-البنت ترجع من مناسبه ركض لآمها/ فيني ضيقه شفت نوير تطالع فيني ,,ولا ذيك مدحتني ماقالت ماشا الله >

-كل مارجعت من حفلة زواج. قالت لزوجها: تصدق ؟؟ خطبوني حرمتين اليوم ع بالهم صغيرة ماتزوجت~> ا

- سعودي يسأل عامل اجنبي ... انتا مسلم؟ مين كفيل؟ وين شغل؟ كم سالاري؟ امممممم ايش اسم انتا يا محمد

-اول ما تتعلم السواقة و تطلع امك معاك،..واحد مسوي حادث:انتبه.. واحد سقط عليك:انتبه.. واحد ماخذ يوتيرن:انتبه.. واحد جنبك:انتبه

-رمضان حزة اذان المغرب:اذن؟ لا ما اذن؟ الا كني سمعته! اطلع شف اذن ولا لا؟ اسئلو بره اذن؟ طيب حطو القناة الاولى نشوف

-نفتح الثلاجه واحنا شبعانين ونفتح الثلاجه واحنا جوعانين كلها بداعي الفضول لا اكثر :P

-الرجل السعودي : يلا انا عند الباب اطلعي وهو باقي له ربع ساعه ياصل البيت << مايتحملون الانتظار

-كل الطلاب اللي درجاتهم ضعيفه او عايدين السنه ..بينهم عذر مشترك ..وهو ان المدرس حاقد عليهم هههههه

- الأم : يا وليدي ارجع للبيت بسرعه بس ( لا تسرع ) !! :-D << هههههههههه

-الحريم يقضون 9 ساعات بصوالين المكياج وساعتين بالزواج > هههههههههههههههههههههههه

- عنددك واسطه ! تدخل جامعه مستشفى حكومي وزارات ! ما عندك شي ؟ اجلس في بيتكم

- مريحين يدينا و نستخدم اصبع الرجل الكبير عشان نطفي التوصيله/السوني/الاكس بوكس/الرسيفر/واذا فيه لياقه نطفي التلفزيون بعد

-الزوجه لازم تكون ام وطباخه ومربيه وكهربائيه وممكن سباك اما الرجال يدوام وكثر الله خيره

- أكبر بنت وولد على اسم الجد والجدة """"بنتهم الكبيرة لطيفة والثانية ميار

-نتواعد نطلع 6 وتصير الساعه 8 ولسى ماطلعنا

-اذا بيقومون شخص ، يطفون المكيف يفتحون اللمبات يشيلون الفراش خخخخخخخ واحياناً يرشون الوجه مويه

-الأمهات يهاوشن البنات ليش ماتدخلين المطبخ مثل فلانه ,,ولما تجي البنت بتدخل المطبخ تطرده أمها «انفصام بالشخصيه >>خخخ

- الصغار ما يحبون يسلمون عالضيوف الا بالقوه .. وبالعيد ما يخلون احد ما يسلمون عليه عشان العيديه

-الام تدلع ولدها والبنت مسحوب عليها

-مستحيل تأخذ سندويتش للمدرسة عشان ما يقولون عنك مصري

-مواصفات زوجة المستقبل عند اي سعودي .. طويلة وبيضا وشعرها طويل .. في الاخير يتجوز العكس هههههه

اذا كنت تحس ان كل الي ينكتب هنا يصير بحياتك
فـ مبروووووك انت سعودي <- احس اننا عائله وحده

ان شاء الله اعجبتكم ............

منقول

الغازي · #2 (**permalink**) 15-05-2011, 10:41 PM

و عليكم السلام و رحمة الله و بركاته

هههههههههههههه
إنت كذا

ربي يسلمك و يعافيك

سعودي مرجوج · #3 (**permalink**) 15-05-2011, 10:50 PM

اقتباس:

- ألام السعودية اذا ضاع ولدها تبكي .. وإذا لقته طقققققته ...هع

اقتباس:

-الحريم اذا اتصلوا على الرجال اول كلمه تكون : وينك؟ الرد دايم : قريب

اقتباس:

-الولد مع اهله مايدفع ريال ومع اصحابه يحلف عليك ماتدفع ريال <<

اقتباس:

-انخطبتي؟ اصص لا تعلمين احد !! نجحت بممتاز؟ اصص لا يدرون عنك! وكله عشان لا يطقونها عين

اقتباس:

-إذا بتتزوج ماتعلم إذا حامل ماتعلم إذا بتسافر ماتعلم إذا مرضت ماتعلم إذا نجحت ماتعلم إذا سقطت ماتعلم

اقتباس:

- سعودي يسأل عامل اجنبي ... انتا مسلم؟ مين كفيل؟ وين شغل؟ كم سالاري؟ امممممم ايش اسم انتا يا محمد

اقتباس:

-رمضان حزة اذان المغرب:اذن؟ لا ما اذن؟ الا كني سمعته! اطلع شف اذن ولا لا؟ اسئلو بره اذن؟ طيب حطو القناة الاولى نشوف

هههههههههههههههههههههههههههههههههههههههههههههههههه هههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

مشاركة الاشياء التى تصير بالسعوديه ...

الأرشيـــف

((( بسم الله الرحمن الرحيم ))) السلام عليكم ورحمة الله وبركاته .... كيفكم انشاء الله بالف خير ..:w طبعا هذى اول مشاركه لى ... اليوم وصلنى على...

مشاركة الاشياء التى تصير بالسعوديه ...

تسجيل الدخول

مشاركة الاشياء التى تصير بالسعوديه ...

الأرشيـــف

((( بسم الله الرحمن الرحيم ))) السلام عليكم ورحمة الله وبركاته .... كيفكم انشاء الله بالف خير ..:w طبعا هذى اول مشاركه لى ... اليوم وصلنى على...

مشاركة الاشياء التى تصير بالسعوديه ...