مررررررررررحبااا
السلام عليكم

اذا ملينا من قعدة البيت وقلنا يلله بنطلع السوق نستانس خصوصن يوم الخميس مانقدررررر
ليش من الزززززحمه والله انهم تقريبن يشكلون 70% من المتسوقين

اذا مشينا بالشوارع وقلنا وش هالززززززحمه اتلفت يمين يساااار والقاهم اجانب
وتجيك سياراتهم مرتبه وحلوه

والله من كثرهم سببو زحمه بالسير وبالوظايف وبالأسواق تقل ناقصين
والله الرياض صارت ماتنطاااااااق الاشاره نوقف عندها ساعه
الحين سكان الرياض كثييييييييير ماشاءالله وغير كذا جو الاجانب زودو الزحمه
صار الواحد يمشى بالشوارع ويغني زحمه يادنيا زحمه (ليل نهار عصر ظهر أني تااايم )

وفي الآونه الاخيره مادري اذا لاحظتم بعد قرار استقدام 28 الف عامل مصري للسعوديه
كيف زادو المصاريه بعد
كانو لبنانين وسوريين والحين جونا المصاريه هذا غير السودان
(أنا اتكلم عن الوظايف اللي كويسه خلونا من وظايف ابوهنوده بياعين البقالات او عمال النظافه)
انا اتكلم عن ناس يحتلون وظايف كوووووويسه وتليق بعيال ديرتنا ومافيها اي دونيه
امانه امانه من احق فيها ؟؟ والله اشوف سعودين يشتغلون بمطاعم وكاشيرات يعني لو صارو بدال هالمحاسبين اللي بشركات كبرى وش فيها؟؟؟

عاااااد مو قصة حسد اللهم لاحسسد بس صراحه شي يرفع الضغط
صرنا نفس دبي كلها اجانب بس اقل شي دبي ديرة خير لعيالها وللاجانب
اما الرياض بالذات صارت ديرة خير للاجانب وعيالنا يكبرون المخده ويقعدون لا شغله ولا عمله طب لييييييش

الاجنبي الشركه تدفع له اجار فله أو شقه وتعطيه سياااره
والسعودي ياكل هواا لو هو ميت فقر وعايش بالشارع ماعطوه بيت

طيب ..
تدرون ان من ضمن قرارات الملك عبدلله اللي ماشفنا ولا شي تنفذ منها غير الراتبين

(سعودة الظائف)
واللي حاصل ان استقدام هالأجانب زااااااد وكأنهم ينفذون القرارات بشكل عكسي

كلها تخديييييير وكلام في كلام ومارح يتغير شي كثير الله يالملايين اللي كلهم بيتوظفون بسنه وحده ؟؟ وش كاتبين بموقع الوزاره كاتبين ان المتقدمين عددهم 600 الف واللي استكملت بياناتهم 400 الف وعليها كسور
بلله هذا كلام يدخل المخ؟؟ والا هذا تمهيد لعدد الوظايف يعني اذا المتقدمين 600 الف معناه الوظايف 100

اخرتها يقولون الشعب السعودي شعب مدلل ؟؟؟
المشكله مايقوله الا اللي ربي معطيهم كل شي

واتمنى ان كلامي يطلع خطأ ونتوظف كلناااااا والله يرزق الجميع انشلله

فضفضــــه لا أكثــــر..

من المؤلم أن يكرم الغريب ويرسل له المعونات من أرزاق أبناء هذا الوطن , وأبناء هذا الوطن بحاجة لكل دولار يرسل ،، من المؤلم أن يتنعم القاصي
والداني بمليارات وملايين الدولارات والمواطن حتى الوظيفة الغريب أولى منه الى متى والشعب يكتم القهر وهو يتذكر بأن الشعب أولى بالمعروف

إِلى مَتى وَ نَحنُ نجلد القَهر بـِ سيآطٍ مِن حَديد حَتى يَذعن .. ! , إِلى مَتى نكتم العِبَر فِي خوالِجنا ، إلى مَتى ..؟ إلى متى ؟

لَقَد أَسْمَعتَ لَو نَاديتَ حياً ،،، وَ لَكِن لاحــيَآةَ لِمنْ تُنـــآدي

لا شك في أن فطاحله الكتاب كتبوا .. وتحدثوا عن البطالة في السعودية .. وما زال الحبر ينزف ، والضرب في الميت حرام . . !

والضرب في الميت حرام . . !
والضرب في الميت حرام . . !
والضرب في الميت حرام . . !
والضرب في الميت حرام . . !

تقبلي ودي وردي
باراديس

ودي اكذب واقول احب الوطن بس قلبي مايطاوعني ههههههه

الضرب في الميت حرام لأنهم امنو ان هذا الشعب يطالب بحقوقه وابسط حقوقه سعودة الوظائف وقشششع الوزراء النصابين ويحل محلهم وزراء كفوء

هذا كله استخفاف بأبناء الوطن

تسسسسلم\ين ع المرور