السلام عليكم ورحمه الله وبركاته

شخباركم (عاطلين + عاطلات )

إن شاء الله بخ ــــــــــير وصحه وعال العال

بصرآحـــه فيه قرآر منرفزنـــــــــــي ومن يوم قريته وانا ضايق خلقي نفسيتي تعبت
حلوم شييييينه كوآبيس اللي تبون ؛

أستقرب من القرآر اللي ينص على :-

3- استبـعاد خريجي الجامعات الحـاصـلـين على شهادة البكـالوريـوس عن طريق الإنتـساب في جميـع التخصصـات عـدا تخصص اللغـة الإنجليـزية .

يعنـــــــــي شنو تعبنا رآح بلوشي...!
ولآ حسبالهم المنتسبـــــــــــــــآت مايتعبون قاعدين تحت هوآء المكيف ويذاكرون
والنجاح بالســـــــــــــــــــــــآهل لآطبعـــــــــآ..! بدليل انه نسبه الرسوب كبيره..!
لو هي بالساهل ماصار رسوب كثير ؛

تخيلوا والله العظيم عانيت وعانيت وأهلي يهونون علي
ويقولون مردك بتاخذين الشهاده وبتتوظفين وبتنسين هالتعب كله
سبحان الله ماتدرين يمكن يجيك الدور وتتوظفين
وهذا اللي كان مهونهــــــــــــــآ علي

قسم بالله إني لقيت أنواع المذله علشان آخذ المناهج وأخطط الكتب
وغير الميزانيه حق الكتب وتصوير الملآزم وإحنا لآمكآفئه ولآ شيء..!

تخيلوا أدق على فلآنه ع الثابت يردون خواتها أو اهلها مشغوله ونايمه
دقي بعد عشر دقايق ياما وياما إنحرجت من كثر ماأدق..! فشله طاح وجهي
وأقول يالله صبرك الين نتخرج ..
تخيلوا نركض وراهم أسابيع وأحيانا بالشهر ..!
وإذا ردت تقول لي تعالي لي باليوم الفلآنـــــــي الكليه وخططي وانتي بالكليه هاه محتاجتهم الكتب
أطير من الفرح لقيت من أخطط منه ..
أروح للكليه وينها؟ لفيت الكليه كلهـــــــــــــــــآ مالقيتهــآ وش السوات
جوالها فيه كامرآ لذلك ماتوديه معهـــآ أو يمكن تصريفه
والمشكله ابوي بعدلته كل يوم بيوديني للكليه على بعد نصف ساعه وماألآقي البنت
وتتكرر معي أكثر من مره .. تعببببببببببببت ومن الملآحق وراهـــــــــــم
وطبعا التأشير موب كامل يعني يابنت الله يعينك طري مره مرتين وثلآث .....
إشوي جاي الإختبار النصفي (الشهري) يبي لها فتره قبل الإمتحانات ماترد علي
وبعد الإمتحانات بفتره اغسل إيدي بعد وياليل ماأطولك وأنا على أعصابي أبي أذاكر
وللأسف ماعندي المناهج المقرره..!
يالله يالله نخطط الكتب وإيدنا على قلوبنا على مايطلع ناقص مايندرآ بالبنت اللي نأشر منها
حملت بسنه من السنوات 4 مواد وعدت السنه بسبب التأشير اللي أخذته كان ناقص
البنت غابت بدري وأكلتها عدل ثلآث ارباع الأسئله منه الأخييييييييييير !!!

والله اني بعد كل مكالمه وتصريفه اقعد اصيح على هالوضع اللي احنا فيه

المشكله زميلآتـــي يروحون يحظرون مع المنتظمات وللأسف الشديد
كانوا ينطردون من القاعه تخيلوا (ينطردون من مجلس علم ويلآه)
طيب نحو مو الكل بيفهمه واهو جالس في البيت صاروا يحطون لهم مدرسات خصوصيه
شفتوا لوين وصلنا؟؟؟
ومره رحت الكليه أستفسر عن منهج قالت لي الدكتوره ايه هذا الكتاب اللي معكم
وبيوم الإمتحان دخلت الكليه الا واشوفهم يذاكرون بكتاب غير؟؟
طيب لآكـآن قلتيلي هذا الكتاب الله يخلف عليك بس..
انقطع قلبي والمصيبه قالت لي الكتاب كله!

وأزيدكم من الشعر بيت على آخر سنه سجلنا أسمائنا علشان حفل التخرج
ويوم جات الحزه مالقيت إسمي أنا ومجموعه من البنت البعض مو الكل
تدرون ليش؟؟ ألغوا بعض الأوراق اللي فيها اسماء علشان مانسوي لهم زحمه
وإنحرمت من حفل التخرج اللي الكل يفرح فيه وأنا ياحسره رحت أكلم العميده اللي بالكليه
مالقيت الا نظره استصغرتني فيها وطلعت من مكتبها وانا دمعتي على خدي
قسم بالله هالموقف مرسوم في بالي وكأنه اليوم

وبعد ماتخرجت وقلت ارتحت من المذله وأشكالهــــآ
نتفاجأ بقرآر إستبعادنا ليه؟؟ ليه الظلم ياناس؟؟؟
وربي قاعده أكتب وأنا مقهوره من قلب لآن نفسيتي تعبت بشكل ماتتصورونه
إنتوا تنتظرون التوظيف وصافين طابور ومنقهرين مابالكم من اللي إستبعدوهم مره وحده
ومافكروا بلحظه بالتعب والشقا وسهر الليالي

ليش الظلم يا ديوان الخدمه المدنيه؟؟؟

لآ للظلم والإستبعاد نعم للمساواه ياوزاره الخدمه المدنيه

والحل ياترى وش الوظايف اللي بتظفني بعد الإستبعاد