تعالوا شوفوا مكتب العمل وفندق الحمراء حسبنا الله

مستجير · #1 (**permalink**) 17-05-2011, 02:34 AM

السلام عليكم ورحمة الله وبركاته حالي حال هالشباب رحت لمكتب العمل عطوني وظيفه في فندق الحمراء خدمات غرف يعني منظف غرف المهم بعد ما خلصت الفحص الطبي وروحه وجي قالوا خلاص علموني علي طريقه العمل وقالوا تعال اليوم الثاني وهذي حالتي ليه شهرين اراجعهم كل يوم واخر شيء يقولون رجعنا اوراقك لمكتب العمل تهاوشت معهم ما خليت شيء ما قلته لهم علمت الشايب بالسالفه وراح لهم وتهاوش معهم وقال هذي حركاتكم نعرفها يوم ما تبون توضفونه ليه كل هالمرمطه تاسفوا منه وقالوا خله يراجعنا رحت لهم قالوا رح جب اوراقك من مكتب العمل اقسم بالله ما كذبت عليكم رحت وجبت اوراقي مشاوير قالوا تعال بكره ليه اسبوعين وانا علي هالحال واخر شي دقوا علي وقالوا ما لك نصيب عندنا حسبي الله عليهم السبب عدم اجاده اللغه الانجليزيه حسبنا الله منظف وش دخله بالانجليزي المهم عرف الوالد بالسالفه وراح لهم معصب قابل فيصل المطوع واخذ اوراقي وقال هذي كلها سوالف الشركات علشان ما توضف السعودي والله اني كتبت عن الوظيفه في المنتدي اللي قراها يتاكد وين نروح علمونا حنا مالنا حق في العيش حتي الاعانه تحسفوها علينا

Time interest · #2 (**permalink**) 17-05-2011, 06:56 AM

الله يعين

كفالة غرم · #3 (**permalink**) 17-05-2011, 07:03 AM

اه اه والله اهنود افضل منا لقين شغل وفلينها

والمصرين و المغارب وسورين صرو مدراء عليناء وويتمرون عليناء طيب الى متى وحنا على هل حال
ناس وصلت 30سنه وهو عاطل.

جايك جايك · #4 (**permalink**) 17-05-2011, 07:06 AM

ربي بيعوضك ونا اخوك ان شالله باحسن وظيفه حكوميه قل امين ومالك الا الصبر والصبر مفتاح الفرج الله يرزقنا وياك ان شالله بلو ظيفه الي تاكلنا عيش والحمد لله على الي كاتبه لنا الله واستغفر الله الحي القيوم عن كل ذنب ارتكبته

علي البيشي · #5 (**permalink**) 17-05-2011, 09:17 AM

وعليكم السلام ورحمة الله وبركاته

يا رجال وظائف مكتب العمل كلها كذب في كذب

رحت لهم اعطوني اوراق الترشيح كل ما اروح للشركة انواع التصريف

الي يقول المدير ماهو فيه والا يقول اكتفينا مانبي موظفين

الشغله كذب في كذب

والله يرزقك الي احسن منها

مراقب جودة · #6 (**permalink**) 17-05-2011, 09:30 AM

اي والله الشغله كلها كذب في كذب

انا اعتقد من البدايه كانوا متأكدين انك رايح ترفض الوظيفه (لاننا لسه كامجتمع سعودي ماتعودنا نشتغل الوظايف الدنيويه)

بس لمن شافوك جاد ومتمسك بالوظيفه الكلاب انصدموا واستغربوا والله العالم انهم تورطوا كيف يصرفوك

يعني البنقالي الي يشتغل في الفندق ماشالله عليه بلبل انجليزي

ان شالله خيره والله يعوظك بأفضل منها يارب

مستجير · #7 (**permalink**) 17-05-2011, 06:50 PM

استغفر الله واتوب اليه اشكر جميع مشاركاتكم بس علمونا وين نروح حنا محنا اسعوديين ما لنا حق نعيش شوفوا الكويت رفعت رواتب القطاع الخاص والحكومي وفيه تشديد من الدوله علي القطاع الخاص وحنا نسمع ما نشوف شي نحن دوله وزاراتها كلها نصب بنصب والواسطه هي الشغاله وش يبون ننحرف حنا شعب يبي يعيش اااااااااااااااااااااااه يصرفون بالهبل علي الدول اللي خابرينها هذا غير الجنادريه والصرف والبذخ اللي فيها خلونا نتكلم تعبنا