مشروع جديد w.w.w................www (متى بدأ ) ؟
الاعلان التالي
w.w.w................www



( وماهو ملخص ذلك الاعلان الذي حوله من موظف الى شخص يتحدث بالمشاريع) ؟
مجموعة من الخليجيين كل شخص منا جرب يتاجر في مشروع لوحده او مع شخص ثاني وكان صعب ان ينجح
فقرروا ان نجتمع كلنا ونبدأ اول مشروع مع بعض شركاء لا نعرف بعضنا بعضا ..
وباللهجة العامية اجاوب على سبب تجمعنا:
ـ الى متى بنظل موظفين؟
ـ والى متى ندش النت ونطلع على الفاضي ما نستفيد منه غير التشات والكلام الفاضي ومضيعيين اوقاتنا؟
ـ والى متى الواحد بيظل الواحد فينا تلعب عليه الشركات ومطلوب اقساط والحكومات مطنشه ؟
ـ والى متى الواحد فينا يحلم يكون غني وشكلنا بنموت وبنظل نحلم ..
ـ الشركات الكبيرة عبارة عن ايش؟ ناس جمعوا فلوس وحطوا مجلس ادارة يلعب بالشركة لعب وصارت شركة كبيرة وهم اغبى منهم مافيه ... مضيعيين فلوس الناس ومدلعين نفسهم برواتب على كيف كيفك وتذاكرهم آخر دلع .. ، طيب ليش ما نكون احنا مجلس الادارة ، بس مافيه مساهمين نلعب عليهم ونبهدلهم ورانا ، لاننا احنا المساهمين واحنا الادارة ..

( وايش الفايدة من تجمعهم ) ؟
ـ يطلع راس المال علينا تقريبا ولا شئ .. يعني ما يكلف وجبة عشا ل3 او 4 اشخاص ..هذا اذا بلتزم بمبلغ شهري
ـ تكون الادارة علينا سهلة جدا .. لاننا اكثر من شخص
ـ ولاول مرة نستفيد من النت بصحيح ولو مرة بحياتنا ..

( وبأي مشروع سوف يبدأون ) ؟
لا يوجد احد يقرر ..
كل عضو اذا كان لديه مشروع عاجبه يطرحه ثم يتم عمل تصويت ثم يبدأوا المشروع اللي يفوز بالتصويت
حيث يقوموا بطرح المشاريع في قسم المشاريع في الرابط التالي



( هل تعتقد نفسك تصلح تدخل معهم وتشارك ) ؟
الجواب:
ـ كثير منا عندهم مشاريع ويحلمون يطبقونها ولا يقدرون ..
طيب مشروعك جيد صح؟
دش المنتدى وقول للاعضاء المشروع كذا كذا واقنعهم في مشروعك
واذا كان فعلا جيد راح يصوتون للمشروع وبتوفر على نفسك سنين تخطط كيف تنفذ المشروع
لان عندك 20 عضو وانت 21 .. كم بيكلف مشروعك 100 الف ريال
احسب 20 عضو ( نفرض انك قدرت تقنعهم بمشروعك ) اضرب في 5 الاف ريال .. خلال شهور تلقى مشروعك يتنفذ براس مال 100 الف

(طيب خسر المشروع) ؟
حصل خير العضو خسر 5000 ريال فقط والتجارة على الربح والخسارة وهم اساسا لما صوتوا لمشروعك ما كانوا يلعبون .. اقتنعوا برأيك وخسروا مبلغ بسيط .. وفعليا هم ما خسروا لكن تعلموا تجربة كبيرة من خسارتهم مقابل 5 الاف ريال فقط ..
لكن لو الواحد فينا بلش المشروع بنفسه
وخسر ال100 الف ، تلقاه بيقعد يعدل وضعه سنة او سنتين .. هذا اذا ما قالك ماراح ادخل في مشروع بعد اليوم.
هذا غير التعب اللي يتعبه
علشان كل شوي يكبس على الموظفين لا يكون يسرقون او ما يشتغلون بضمير
لكن لو فوق راسهم 30 عضو تلقى كل يوم متأكدين .. جايهم واحد ولا اثنين يشيك عليهم .. وما يجيك الدور الا بعد اسبوعين .
علشان يجيب زباين ويعمل دعاية لمحله

(ـ طيب ماعندك مشروع بس تحب التجارة .. وتحلم تصير غني بيوم من الايام ، صح) ؟
ادخل وشوف المشاريع وصوت للي يعجبك ونفذ مع الشباب وبتكون صاحب مشروع خلال شهرين ثلاثة

ـ طيب عندك فكرة خايف احد يسرقها من الاعضاء ..
خلك حافظها عندك ودش وشوف مشاريعهم وبعد ما يبدأ اول مشروع وتعرفهم عدل راح تتطمن لهم وتلقى نفسك تعرض عليهم فكرتك ..

(طيب، ايش راح استفيد انا متعب نفسي وجاي اقول اللي يبي يشترك حياه الله ) ؟

ـ اكيد بكون رئيس عليكم
او بخليكم تنفذون مشاريعي او مشروع في راسي
او بيكون لي نسبة عشان نسقت التجميع بينكم
ولالالالالالا شئ من هذا صحيح .............
بيكون
حالي من حال اي شخص يشارك
انا عضو وهو عضو
يدفع 10 ادفع 10
يخسر 10 اخسر 10
يربح 100 اربح 100
ولا أي ميزة ...
اللهم ميزة التعب .... اللي يبي ياخذها يتفضل ...
فلست الا خليجي احب التجارة ومو عاجبني حالي وحاب يكون حالي افضل مما هو عليه ..


واتحدى شخص يلقى شركة تجي تقنعه يدفع فلوس ، وهم ماراح يستفيدون شئ .. او يقولون له تعال صير شريك
اقصاه بيقولك انت مساهم ولك مميزات ..

ولله الحمد كلنا حالنا من بعض لا صغير ولا كبير ولو يجي دكتور بالاقتصاد بيكون حاله من حالنا ولو يجي مليونير بيكون حاله من حالنا .. ولو يجي امير بيكون حاله من حالنا ..


(ايش مطلوب عشان الواحد يشترك ) ؟
ولا شئ
الشرط الاساسي تكون جنسيتك من الخليج .. وتحب التجارة

(طيب هل راح نوقف على مشروع واحد) ؟
باذن الله طالما في ناس تحب التجارة وقلوبها صافية وعنده حماس تتاجر وتربح وتخسر وتعيش حياة التجار صحيح .. ما بنوقف الا نطبق كل ما براسنا من مشاريع .. لغاية ما يشبع الواحد من التجارة ويقول بس كافي ابي انسحب ..

( مثال بسيط وأخير) ؟
تخيل اخوك الصغير عمره 18 دخل وشارك معنا
وكان مطلوب منه يدفع 250 ريال شهريا .. ويكون صاحب سوبرماركت كبير

لان 250 ريال نضربها في 40 عضو مثلا .. بتكون النتيجة 10 الاف ريال
اللي هي ايجار السوبرماركت ورواتب الموظفين

(النتيجة) :
ـ بتلقى اخوك اصبح يعرف ايش اللي ينباع وايش اللي ما ينباع ايش اللي يمشي بالسوق وايش اللي ما يمشي يعني حتى لو تتركه لوحده يتاجر يكون عرف من وين يبدأ ..
ـ وبتلقى شركات الاغذية تحسب له حساب لانه من ملاك السوبر ماركت
ويدورون رضاه ..
ويجلس في المجلس تلقاه يسولف عن مواقفه مع التجار اللي ينزلون بضاعة عنده في السوبرماركت
وجاركم اللي عمره 60 سنة تغيرت نظرته لاخوك .. ويمكن يطلب منه يوظف له شخص في السوبرماركت ..
ووالدك ... يكلمه بطريقة مختلفه .. بعد ما كان ينظر له انه ولد مراهق ما غير يضيع وقته وفلوسه ..
وبتلقى بجيبه كرت او كرتين اذا جا يكلم احد يقوله فلان الفلاني وعطاه كرته .. على اساس انو صاحب سوبرماركت وصاحب مكتب استيراد سيارات
(وتلقى اخوك يقول بقلبه لو يدرون هالناس اني تقريبا مو دافع شئ ما ضربوا لي تعظيم سلام )..

وتلقا اخوك جالس يفكر ايش اختار مشروع استيراد سيارات ولا نفتح مصنع ولو تسمع كلامه تضحك عليه تظن هذا انهبل
لكن الصحيح انه ماراح يدفع شئ تقريبا .. بمبلغ بسيط تلقاه بدأ يستورد سيارات من المانيا مثلا او بمبلغ بسيط تلقاه صار صاحب مصنع ..
لانه معاه 20 او 30 او 40 شخص يدفعون معاه ..
وبالفعل كلامه صحيح .. بيكون صاحب مصنع حتى لو كان معمل صغير لكنه اسمه مصنع ..

او تفتح الجريدة الصبح تلقى اعلان نصف صفحة وبالالوان بالصفحة الاولى .. اخوك يقراه ويبتسم ، وانت ما انت فاهم سر ابتسامته ..
لانه هو صاحب الاعلان اللي مفروض يكلف 20 الف ريال اخوك ما دفع منهم الا 500 او الف ريال ..
ولو انت حاطه لوحدك لمحل خاص فيك ..
كان قصيت الاعلان من الجريدة وبروزت الاعلان عشان تقول لعيالك اذا كبروا انا بيوم من الايام حطيت اعلان بالصفحة الاولى ..مساحته نصف صفحة ...
بينما كمجموعة تلقى كل شهر نازل لنا اعلان او اثنين .. بمبلغ ما نحس فيه .. ولا نحس مأثر علينا ..


(طيب وين وصلنا لغاية الحين) ؟
ـ تعدينا المرحلة الاولى التجمع
ـ تعدينا طرح المشاريع واخترنا مشروع
ـ بادئين مناقشة المشروع اللي راح يتنفذ ( نحن هنا )
ـ يبقى علينا التنفيذ ..

ماهو اول مشروع تم اختياره؟
وكيف سننفذه؟
وماذا سنستفيد منه؟
وكيف نديره؟
والكثير من الأسئلة موجودة في الموقع ...


والكلام كثير ولا اقول الا
رحم الله الفاروق الذي لخص كل هذا بكلمتان
بتفرقنا غلبتمونا وباجتماعنا غلبناكم ..


وسامحونا على الاخطاء الاملائية

زايد

كل عام وانتم بخير

واريد ان اقدم لكم فكرة وان شاءالله تكون بداية خــــير،،

انا لدي مؤسسة مقاولات في المباني
وتوجد لدي فكرة جدا مربحة وهي بشكل موجز وسريع
شراء ارض وبعد ذلك بناء عمارة من دورين عظم ولا يتم تشطيبها وبعد الانتهاء منها بيعها وهي على وضعها بدون تشطيب ...

تكلفة المشروع تقريبا 500 الف ويتم بيعها تقريبا على الاقل ب650 الف
يعني مكسب 150 الف ريال ..
واقترح ان يكون المشروع باسهم مثلا سعر السهم 5 الاف ريال في مائة شخص يساوي 500 الف ريال

يعني نحتاج فقط 100 شخص

اذا الفكرة كانت مناسبة لكم يتم التنسيق فيما بيننا ونجتمع في منطقة معينة ويتم الاتفاق وتيسير الامور ..

لكم تحيتي

السلام عليكم ورحمة الله وبركاته
مشكور اخوي زيد الله يبارك فيك على الشرح والتقديم الرائع والمشجع .

أخي الكريم / كل عام وانت بخير ومن العايدين ان شاء الله
بوابة الخير مشروعك ..ممتاز بس نبي شئ اسرع من كذا ..

يعني خمسة الاف راح يكون مردودها من مشروعك الف وخمس مائه بعد تقريباً ستة الى تسعة شهور مدة طويله شوي علشان نكسب 30% وتعتمد الفكره على راس المال فقط وإهمال اليد العامله والراي الاول والاخير لمجموع الاخوان والاخوات .

يعني القصد هو مشروع ننتفع به من الشخص نفسه الذي سيشارك باالمبلغ .
بهذا الشكل يكون وفرنا قيمة اليد العامله وفتحنا باب مكسب مباشر للذي دفع المبلغ

مثلاً يعني ...شراء مكينات خياطة لكل عاطل ثم تجمع الملابس ثم يتم بيعها وكل وجهده هذا مجرد فكره اخذتها من التلفزيون .


انا عندي فكره جديده ..
اننا نجمع مبلغ من عدد معين من الاخوان والاخوات وليكن مائة شخص مثلاً الف ريال من كل شخص ثم نرسل شخص او شخصين لديهم معرفة الى الصين مثلاً لشراء اجهزة كهربائية جمله ثم يؤتى بها هنا وكل شخص ياخذ نصيبه من تلك الاجهزه ويقوم ببيعها بنفسه ويكون استفاد من سعر الشراء بالجمله ويكون لدينا موزعين جاهزين اصلاً في كل مدينه واي مكان وممكن نطور العمليه مستقبلاً الى اعضاء ثم الى شركة استيراد اذا مشى الحال .

عطونا رائيكم واقتراحاتكم وما ترونه حيال هذه الفكره وكيف يمكن تفعيلها والله اشوفها من نظري مناسبة جداً جداً من جهة انها تشغل الجميع برأس مال بسيط لسلعة رخيصة .
وشكراً

والله فكره مايحتاج طيبه بس نبي الأبداء في المشروع وانا اريد الشغل في اي مكان ماعندكم مشكله بس ابدو ونحن جاهزين

متسبب
فكره رائعه جزاك الله كل خير عليها

بالنسبه للمشروع>> " تصدير واستيراد "

كأكثر الشركات الناجحه وحسب متطلبات الشعب او ماينقصهم بالوقت الحالي
كالاسمنت أوالحديد او الاجهزه الكهربائيه كما تفضلت
او الجوالات الحديثه التي باتت من اهتمامات الاغلبيه
وغيرها من الامور التي يهتم بها المواطن السعودي ويبحث عن كل جديد فيها ؟؟!!

ولي عوده بأذن الله لمعرفة اين وصل المشروع

وبالتوفيق ان شاء الله ؛؛

السلام عليكم ورحمة الله وبركاته

ياسلام على التشجيع أختي عاطلة وياسلام عليك اخوي نجوان صح كلامك
نستغل الموسم وهذا اول قانون في خطة العمل والأعداد التي سااضعها في المشاركة اللاحقة

وننتظر بقية الاخوه والاخوات

انا اقول بإذن الله المشروع لا غبار عليه إلا ان يأتينا من هو أفضل

الآن نبي اقتراحات ماهي البضاعة التي يعتقد انها مناسبة ومطلوبة في الايام القادمة
وتكون رخيصة الثمن والصين ليست الا مثال فهناك الهند أيضاً

ياالله أن كان لنا خيراً في هذا الامر ان تيسره لنا وان لم يكن ان تيسر لنا خيراً منه

ياشباب ويابنات في انتظار افكاركم
نبي توكل على الله اولاً ثم نقوم باالتخطيط
أول أقتراح :
نبي حاجة نجيبها ونشتري علامتها التجارية او نحجزها في حال نجح التوزيع ومشت البضاعة بشكل ممتاز ناخذ عليها وكالة في المملكه ونكون شركة مساهمة من انفسنا ونصير نحن الموزعون والله تعالى هو الموفق وهو أعلم .

بسم الله الرحمن الرحيم

خطة العمل والإعداد ( يتم تغييرها حتى الوصول الى الصيغه النهائية ، الموضوع ملك للجميع )

1- فتح سجل تجاري استيراد وتصدير (يتم البحث لاحقاً )
2-شراء اي ماده يتم الاتفاق عليها باالأكثريه من الصين او الهند او اي بلد ثم يتم اخذ وكالتها باالاستيراد والتوزيع حصرياً في المملكة أذا نحج التوزيع وكان الربح جيداً ( في انتظار الافكار)
3-يتم استغلال المواسم والظروف المناسبة ودراسة السوق والاحتياجات للماده المطلوب شراءها وفائدتها لااخواننا وأخواتنا في الله في المملكه (المستهلكين ).
4-يتم توزيع البضائع من خلال الاعضاء الذين يقومون باالمساهمة في المشروع فكل مساهم يستلم بضاعته ويقوم بتوزيعها بنفسه بسعر يتم تحديده من قبل اجماع الاعضاء ثم يتم تكرار هذا أذا مشى الحال وحتى يتم أنشاء شبكة تسويق .

عطونا افكاركم يااهل الخبرات عطونا اقتراحاتكم ...