ما هو أفضل مجال في الكمبيوترات يعني ( بيع أجهز جديدة تشتريها من الصين بالجملة - بيع أجهز مستعملة - بيع اكسسوارات الكمبيوتر بالجملة - بيع قطع الهارد وير " مثل الهاردسك و الرامات إلخ . . . " بالجملة ؟

بسم الله الرحمن الرحيم
اول شي اعتذر اني تاخرت بالرد لاني كنت مسافر هاليومين
بالنسبه للطريقه اللي حاب تسوق فيها اللي هي التوزيع ع المحلات
اعتقد صعبه من اكثر من ناحيه
وانا هنا ماابي احطمك ممكن انك تسئل وتتاكد وممكن اكون على خطاء
المشاكل اللي راح تواجهك اذا انت من اهل الرياض
انو اصحاب المحلات تعاملاتهم مباشره مع محلات الجمله بالمجمعات لانها قريبه
والشي الثاني اكثر محلات الجمله عندهم موزعين يشتغلون داخل الرياض (اتوقع لو انت براا الرياض ممكن تستفيد )
والمشكله الثالثه ان اغلب العماله تحب تتعامل مع بني جلدتها مثلا المصري بياخذ من الموزعين المصرريين والهندي نفس الكلام
لاكن هالمشكله اذا اسعارك حلوه ممكن انها ماتكون مشكله كبيره بالنهايه تهمهم الاسعار الحلوه قبل كل شي

اذا انت مهتم بالموضوع هاذا ممكن تجرب لاكن لاتغامر بكميات كبيره حاول تبداء شوي شوي
وبعد ماتتعامل مع اكثر من محل ويصير في بينكم ثقه حاول تتوسع بتجارتك
والله يوفقك ان شاءالله

اللهم ارزقني و ارزق الجميع

اخي من تجربة في المجال ست سنوات
شهدت خسارة اكثر من ثلاثين محل واعرف اصحابها بل بعضهم نصحتهم بالبعد عن مجال الحاسب لكن ما سمع النصيحة
مجال الحاسب ما يوكل عيش يصلح كهواية فقط
ولا فيه بركة ومرهق وفيه شبهه في المال او الدخل
خبرتي تجاوزت ست سنوات وفي الاخير استشرت شيخ مشهور في المنطقة الشرقية بعت المحل وافتكيت من الخسائر والحمد لله الان اعد لمشروع اعتبره كبير وهو الشقق المفروشة الله يتممه بخير وعن اكتمال المشروع وتشغيله سوف اقوم بطرحه في المنتدى

جمعة مباركة على الجميع