المشاركة الأصلية كتبت بواسطة برفسور عطاله

المشاركة الأصلية كتبت بواسطة العاطل القادم

ماقريت الموضوع لكن برد على العنوان

لايوجد في السعودية فقر سببه الدولة يوجد فقر سببه كسسسل المواطن وتدلعه واكبر دليل العامل يجي ويعبي من الفلوس ويرجع لهله مع انى اولى بهذي الخيرات ورب البيت الخير فلبلد كثير عسى الله يرزق الجميع يمكن اصعب من يعاني من الفقر الاسر اللي ماعندهم عيال ونماهم بنات وابوهم شايب هنا اقول عنهم وضعهم صعب جدآ جدآ

المشاركة الأصلية كتبت بواسطة بايكرز

كيف لا يوجد فقر بالسعوديه !!


واي دلع تتكلم عنه الله يسسلمك !!؟؟


ياعزيزي -- اذا الله مرهي عليك ( اللهم لا حسد ) لا تعمم هالشئ على الخلق ولا تسوي فيها العاقل الناصح على عماها وانت ماتعرف وش في بيوت الخلق -- لا تعرف مداخلهم ومخارجهم


انا يا محاكيتك -- بيتنا يضم 13 شخص مابين 80 سنه الى 6 سنوات

الوالد الله يطول عمره مريض سكر وضغط وفيروس كبد ومؤخرا مالطيه في اسفل العمود الفقري

و الوالده اميه -- لا تعرف سوى قراءه بعض الايات والاذكار

المنزل اجار -- و تسديده بالمؤجل -- لحين نزول الاكراميات السنويه وتروح كلها فيه ولا تكفي ونضطر للدين <<-- يعني دين عشان نسدد دين

راتب تقاعد الوالد 2800 ريااال -- طبعا هذا الاساسي ويتوزع على المديونيات البنكيه -- ما يجينا منه الا الفتات

الضمان الاجتماعي << ويشهد الله اننا مستفيدين منه -- لكن بطريقه احتياليه -- طبعا بطاقه الضمان ماهي بيدينا ولا نننظرها اصلا --- والسبب عندما احتجنا حااجه مآآآآآسسه لمبلغ وقدره 15 الف ريال -- اضطر والدي الذهاب والتدين ولم يرضى احد ( من حقهم ) ودله شخص ما على شخص يقرض مآآل ويكتب بالعقد بضاعه بشرط وجود مصدر مالي يضمن به حقه -- ومن يومها البطاقه بحوزته --- وكلما قلنا خلاص بنسترجع هالبطاقه اضطرينا للتدين منه ---


االاولاد 2 شباب -- 20 و 18

ابو عشرين سنه متخرج من الثانويه ولم يقبل في اي وظيفه حتى الان له سسنه كامله -- بسبب الطول ولنسسبه

ابو 18 سنه اضطر لترك الثانويه لسسد حاجات المنزل دوام 9 ساعات براتب 1200 -- يروح مواصلات بنزين وزي للعمل <<-- وانت رجل وعليك حسسبه كم الصافي من الراتب


البنات -- 2 دراسه انتساب للجامعه -- 2 متخرجات والله اننا عاننيا حتى تخرجنا واللي ساعدنا المكافئات -- والا كااان ما كملنااها من اول اسسبوع -- طبعا تقولون لي دامكم متخرجات توظفوو -- المدرسات مطلوبات -- اول شئ احنا بحي نائي عن الرياض يعني 15 كيلو لين نخش اول حي -- عشان نوصل لطريق الملك فهد يبغى لنا مع الزحمه يمكن 30 دقيقه -- وشوف سعر نقل المعلمات شهريا 600 ريااااال -- اختي درسست في مدرسه براتب 1500 -- النقل 600 ريال -- طبعا مدرسه اهليه -- يعني كل متطلبات اللي تحتاجها المعلمه وتقيم عليها تكون على عاتقها وعلى هالراتب الضئيل من هدايا طالبات من لوحات من تلاخيص ووو --- وعليك حسسبه كم يبقى من الراتب --- والمتخرجه الثانيه خريجه جديده ولسى مااسستلمت ملفها والله انها تدور حتى استقبال ( شوف قمه القهر خريجه تبحث عن وظيفه استقبال والمشكله مرفوضه حتى الان )


والباقي يدرسون في المدارسس مابين ابتدائي - متوسط - ثانوي --- وشووف التكاليف وطلبات المدرسه وكل هالزحمه

والله ماعمرنا طلعنا براا الرياض -- و لا عمرنا طلعنا نتمشى بالرياض حتى او نفكر نروح منتزهات او نرفه عن انفسسنا --- اذا الغداء على طوول رز -- والعشاء خبز وشااي

وتقوول دلع ومافيه فقرررر



الله المسستعااااااااااااان

المشاركة الأصلية كتبت بواسطة اه يا وطن

اذا كانت التجاره كلها يمنه والموردين يمنه ؟
تتوقع بيعطونك مجال تعيش بينهم ؟
المشكله بدوله مخلين موضوع التستر ماشي بالبلد والاجانب مكونين لوبيات تملك قوه ومال
الحل الوحيد بسحل كل من يتستر على اجنبي بشوارع وقتها راح تلقى السعودي يقدر يمسك تجاره بأي شي ويعيش ويكبر فيها
اما تدخله وهو منتف وحافي وبدون دعم من الدوله بين اجانب متنفذين وشبعانين !
كلامك غير عقلاني ولاهو منطقي ولاكنك عايش بالبلد ولا تنزل للاسواق وتتفرج
روح سوق الجوالات برياض المرسلات جنب وزارة العمل ملاصقه وكلها ابو شكيب
من سمح لهم ؟ يزاولون النشاط التجاري على حساب عيال البلد من راضي وشايف وساكت على التستر ؟ ضنك حق البلدية وحق وزارة العمل مايدري انهم هم اصحاب المال والمتستر له مبلغ بسيط شهريا وبس ؟
المشكله اكبر من سوالفك الي هنا
اذا زينل يهرب نفط سنوات وسنوات والى الان ماشفنا اي اجراء ضده وهو نفط اقتصاد البلد وحق الدوله !!!
وفوق هذا كان وزير لتجاره ههههههههههههههههههه
ياشيخ مدري اضحك ولا ابكي ولا اولع بحالي
صار عندنا تبلد من كثر الفاسدين والحراميه بالبلد
الموضوع مو بهذي البساطه الي تسولف فيها ابدا يا رفيق