21-05-2011, 08:52 AM
|
عضو جديد
|
|
تاريخ التسجيل: Apr 2011
المشاركات: 11
معدل تقييم المستوى: 16550
|
|
قررت أنسحب من أفكار مشاريعكم وعمل مشروعي الخاص
السلام عليكم
لقيت فكرة مشروع ويمين بالله كرهت كل المشاريع من بعده , المشاريع يبي لها وقت ع بال ماترجع أرباحها وشغلتها شغلة , ترخيص , وبلدية , وايجارات, وديكورات, ومعدات , وعمالة وكفالة وفيز و وجع قلب .. خلااااااااااااااص نبي نستانس كل يوم بدخل ناااااااهيكم عن المواسم أضعاف الأرباح .
أدري ان كثير منكم بــ يستحقر الموضوع ويمكن يهاوشني بس والله العظيم مالي هدف غير المنفعة لكم وتصحصحون شوي الناس تبني عماير وانتم تدورون وظايف .. مايمنع تكون بجانب الوظيفة لكل الجنسين لأننا بصراحة لو لقينا هالوظايف نصه قروض وأقساط وديون وقهر , ونقطع من هالراتب لما نموووت , شي يقهرررر .. كل التجار الكبار والي يملكون الملايين بدوأ من شغلات تافهه والناس مستحقرتها الي بياع بليلة والي كان بياع حمص والي كان بياع سبحات عند الحرم والي كان بياع سوبيا والي كان بياع تمر ع الرصيف , والي بياع في بسطة لاحد يستحقر شي فيه لقمة عيش حلال ونظيفة وشريفة حتى لو كانت بالقليل شوي شوي وتكبر بالهمه والصبر والعزيمة وأنا عن نفسي خلاص أبي دخل جانبي مليت من تقطيع الراتب .. .. وحابه لكم الخير والمنفعه مثل ماحبه لنفسي .
وحدة تعرفها ((أمي الله يحفظها )) ست كبيرة تبيع في الغربية سمبوسة من زماااااااان ومعها سواق وخدامتين يساعدونها والله ما خلت مخبز أو محل حلويات أو مطعم وحتى فطور الصائم الي في البقالات وبوفيه الفنادق توصل لهم حركة وشاطرة ورب الكعبة والكل يسأل عن مكان سمبوستها حتى من برى الغربية وفي كل مواسم السنة حتى توصل للمدارس للمدرسات وبعضهم يحجزوا طلبية شهر رمضان من عندها كاملة ويريحوا دماغهم والجمعيات الخيرية في المناسبات والندوات الكل يشتري من سمبوستها ..
و ادري بتقولون السوق مليان ومتروسة المحلات معجنات بس سبحان الله سمبوسة هالحرمة والله مانشبع منها تهبل ومشهورة طعمها مو طبيعي.. وسألوها مره ليه ماتفتحي محل تقول عشان ماحد يعرف عجينتي وطريقتي أسويها في البيت , ست كبيرة عنيدة وتفكير متحجر شوي خايفة تفشل .. جوها ناس والله قالوا لها مننا المحل ومنك السمبوسة وربي ما رضت كل رزقها من بيتها ويحلفون أن معها عقارات مو مع تاجر .. وتكشخ العجوز بــ أحجار كريمة.. أثاري الشغلة فيها مجوهرات و دنيا.. وحنا لنا الله .. الله ييارك لها يارب ويزيدها من خيره وفضله..
المهم فكرتي اني قررت اتعامل معها وأشحن بطريقة شحن التبريد لكل مناطق المملكة والقرى وطبعاً فكروا فيها لو أخدت منها كمية كبيرة أكيد بتراعيني وهي تعرف اهلنا من زمان وثقة يعني مطمنة من ناحية الأسعار بس محتاجة دعمكم ودعواتكم والي تبغى أشتري لها منها وتبدأ معي تكلمني ع الخاص وتحدد الي تبغاه تمر أيام وساعات من حياتنا فاضيات ماندري وش نسوي فيها حتى لو قلتي لأخوك بالنص انتي وياه ,, ولا سواقك يلف فيها وررررررربي يا بنات أربااااااح خيال وربي مبارك لهالعجوز في رزقها لأنها نظيفة وصاحبة امانة ومصداقية قبل كل شي ولو ماني واثقة ان سمبسوتها تحطيم لكل السمبوسات وأكلتها بنفسي ما غامرت وقدت هالمشروع بنفسي وحتى الشباب الي عندهم سيارة وفاضيين وقت المغرب في أي منطقة بالمملكة والله لو تتعاملوا مع محلات ومطاعم, رأس مال الشغلة لفة بالسيارة ساعة حتى لو كنت طالب لسى تدرس , مايبي لها الشغلة شهادة ولا شي انت وشطارتك وحلاوة لسانك مع الزباين وطبعاً لو بعتها او بعتيها على أقاربك أو جيرانكم وناس تعرفينهم بتوفرين حق نسبة المطاعم والمخابز ,, وعلى فكرة شغل المخابز والمطاعم بــ ماكينات وشغل بنقاليه والناس لاعت كبدها من التكراريبون شي نظيييييف يدورون شي جديد يبيض الوجه عند المعازيم وطول مواسم السنة ..
بما ان شهر رمضان مقبل والمناسبات تتوالى تلو الأخرى قررت أشتغل في هالشغلة خصوصاً أنها بتكون اجازة و ورانا صيف وزواجات ورمضان وأعياد
أدعوا لي الله يسعدكم وأي تحطيمات بالله خلوها على جمب الله يجزاكم الجنة حتى ولو كانت رأي فديييييييييتكم نو تحطيم شجعوني ولو بــ دعوة.. لأني نويت نويت الله لايعوق بشر .. والهمة لأي شخص يبي ينظم لفكرتي حياكم .. المشروع مافيه مغامرة و مبالغ ضخمة عشان نتخوف الي مخه تجاري ومصحصح ينظم للفريق ..
وخلاص خلونا ناس عصاميين نبني نفسنا بنفسنا وماحد له فضل ومنه علينا غير منة رب العالمين خلونا نبدأ من الصفر بدون قيود وديون وقروض ومساعدة من أحد , كلنا راشدين و أكيد مادخلنا هنا الا وحنا قد المسوؤلية ونقدر نعتمد على انفسنا , لمتى وحنا شعب اتكالي نبي نتكي ع المكاتب ونتقهوى ؟؟
ولا نزل الراتب كشخنا فيه اول أسبوع ولا أسبوعين وطار ويجي آخر الشهر مطفرين وديون و معمعة ماتقول نشتغل .. لمتى وحنا شعب متخوف ومتردد ماعنده روح حره تخوض وتجرب وتدخل بكل شي .. لمتى وحنا ننتظر تجارب وحلول غيرنا مايمنع نستفيد من بعض بس مو انتظر وأوقف حالي لما أشوف المشروع نجح مع فلان وعلان الرزق على الله ياجماعة مو في طريقة المشروع ولا في صاحبة وتجاربه ولمتى وحنا شعب يعتمد على العمالة ونلومهم وندعوا للسعودة في كل الوظايف وهو العيب فينا حنا ونقول عيب وفشيلة ومايصير ولا ..الرسول صل الله عليه وسلم كان راعي غنم الشغل الحلال مافيه عيب ويبارك لك فيه ربي .. على العموم توكلت على الله واستخرت وحبيت أقولكم أني من اليوم بدخل عالم البزنس من أوسع أبوابه .. وجعله يلهمكم بالعزيمة مثل ماألهمني أدعوا لي ..
خالص حبي واحترامي لكم جميعاً والله يفتحها بوجهي يارب
|
) ..
العرض العادي
