السلام عليكم ورحمة الله


كل افكار المشاريع هنا عفى عليها الزمن ومكرره نبي شي جديد يا محل يا خضرة يا غنم يا عطور وكلها جربتها وما فادت واقسم بالله العظيم الي يجيبلي فكرة مشروع ممتاز له نص الارباح بدون ما يدفع هلله

كم راس مالك ؟

شوف نفسك اخوي وش تحب وتبدع فية وتفهمه زين عشان ينجح مشروعك بعد توفيق الله طبعا



مثلا ممكن تطلع لتركيا بالصيف ومعك واحدة ذوقها حلو وتجيب بضاعه اكسسوار وفساتين وتبيعها ببازار جداااااا يمشي بسرررررررعه

أفتح لك محل خدمات عامه ..

وآحد من آلشبآب شهريا ً لايقل عن 7 أو 8 آلآـف ..

وآلله يوفقكـ يـآأإرب ويرزقكـ من حيث لآتحتسب .. ~

اذا ناوي تفتح !! محل انصحك لوجه لله على محلات الهدايا !!!

بذات اذا كنت في منطقة الرياض المكسب فوق النصف في هذه الشغلات
التغليف مكسبه واضح

أخي الكريم عليك يالأشياء الأستهلاكية مثل المواد الغذائية / خدمات السيارات / منتجات البلاستيك وغيره وكل ماعليك هو تطوير في طريقة العرض أو في طريقة تقديم الخدمة ترى الناس تحب التجديد . الله يوفقك ويغنيك من فضله .

يامرحبا مليوووون

المشروع عندي وانا ابو هندي
المشروع خطييير ويدخل ذهب وهو محل تأجير معدات البناء وبراس مال 100 الف ريال اهم شي الموقع والعامل الجيد في تعامله ومعارفه وصدقني اقل شي 30 الف في الشهر واسأل وتعرف كيف الوضع واعمل دراسه جدوى للمشروع وتشوف كيف.
المشروع انا مفكر فيه بصراحه وعملت دراسه عنه وناجح بأذن الله ولكن وجدت العامل ويريد الشغل بدون نقل كفالته وانا ماوافقت اريد نقل كفالته اول ثم افتح المحل.
وبالتوفيق ان شاء الله

الله يلوم اللي يلومك !!

والله انك مثلي مليت من هالافكار .. السوق امتلى منها !!

شوف ياغالي .. انا جت ببالي فكرة من السما .. قلت ليه مانفذها .. وقمت ادور فيها الين حصلتها امس .. لقيت اعلان مكتوب عليه تأجير سكن عمال كامل وعدد الغرف 20 جديدة مانسكنت .. رحت لمكتب العقار وتفاهمت معه .. وجا صاحب الحلال وقال ايجارها السنوي 140 الف ريال في حال رغبة بـ20 غرفه وفي حال رغبة في 10 غرف لك 70 الف بالسنه ويسوي لي عقد 10 سنوات ..

المووهيم ..

قلت خليني احسبها لو تأجرت 20 الغرفة بحكم انها بمنطقة تحتاج الى سكن عمال على حسب كلام العمالة هناك ( طبعا بالرياض ) .. لو تأجرت الغرفة الواحده بـ800 ريال يطلع مجموع الغرف الشهري 800* 20 = 16000 ريال
والمجموع السنوي 16000* 12 = 192000 الف ريال

الصافي راح يطلع : 192000 - 140000(قيمة الايجار ) = 52000 الف ريال سنوي..

لكن حتى الان احاول مع صاحب الحلال يخفض من القيمة بس راسه يابس وطلع هامور عقاري ومو خسران اي شي !!

وبمكاني اخلي الغرف على 900 ريال وتشوف الحسبة ثانية .. لكن قلت بنفسي خليني ابحث اكثر واكثر في اماكن اخرى يمكن القى ارخص ..

وبمكاني بطريقة اخرى اسويها .. اني اشوفلي استراحة عادية مساحة لايقل عن 2000م بأيجار سنوي 20000ريال وابني فيها عدد 10 غرف بقيمة لاتكثر عن 100000 ريال

فلو حسبناها صح .. 10 ( غرف ) * 800 = 8000 ريال

8000 * 12 = 96000 ريال >> رأس المال جاك بسنة .. عاد كيف لو الايجار 10 سنوات !!

عموما يبيلها واحد مخه حلو ولايطمع زيادة عشان يقدر يستقطب السكن للعمالة .. وكذلك طريقة بناء الغرف ودورات المياه المشتركه صحيح التعب بالبداية لكن احلى شي لاعامل تتكل عليه ولا شي .. يوم بالشهر تحضر تأخذ دراهمك وتمشي ..


حبيت اعطيك فكرة لك وللاخوان .. عسى ان شالله اني وفيت وكفيت وسلامتكم ..