21-05-2011, 08:49 PM
|
Guest
|
|
تاريخ التسجيل: Apr 2011
الدولة: في أرض الله
المشاركات: 2,039
معدل تقييم المستوى: 0
|
|
قصتي والفضيحه ((الحريم يحبن الاخبار مصدر 100%))
الاخبار تجي من الحريم و100% صحيحه
تعرفون الحريم يحبن الاخبار حبا جما
في التليفون
في المسايير
فياي مكان
مصدر غير طبيعي يجيبون الخبر من تحت الارض
ومن اخبارهم المشهوره
فلان طلق ليش طلق هو علامه وووووو يبدى التحقيق
وفلانه تزوجت كم مهرها ومتى عرسها وووووووو
وتلقى الحريم هن الي يجيبن الاخبار لرياجيلهم
والجوال الشحن يصفر زين اذا اخذ يوم كامل
هذا وغير المسايير والقهاوي والحلا
واذا ولدت حرمه قهوها وخرصوها وجابو لها لحم وفلوس
وقطع وجريش وووووووو
انا عن نفسي اذا جن حريم عنا مسيرات حطن حلاهن في المطبخ اشوف خواتي يدبكن في المطبخ والقى الصحون مليانهوالحلا والطرته والحركات واخذ لي صحن واغرف لي واروح المقلط وادور لي بزران من بنخي واقعد ابلع من ها الحلا والفطائر وانواع اول مره اشوفه بس طعمه فله
مره من المرات فضحني ولد اختي عمره 6 سنوات قلت له جب لي من المطبخ حلا تلقى زود من اكل الحريم لو سور الحريم مو مشكله ما هو سم راح ولد اختي يم المطبخ ما لقى شي الدلخ راح يم الصاله والصاله مليان حريم من الجرات ومن الجماعه وقال اسمي ثم قال فلان يعني انا يبي حلا ويقول لو سور الحريم مو مشكلهمو سم ما دريت الا اختي داخله علي دخله عجيبه خلت قلبي يقرقع قالت لي السالفه قلت هو وينه قالت هنا قلت جيبيه ابسطره
وجابته لي
وقلت انا وش قلت لك قال لي قلت لي جب لي حلا من المطبخ من الزود لو سور مو مشكله مو عيب
عصبت عليه قلت له انت خبل يوم تراعد المسكين شاف وجهي كله شر
بغيت اطخه رحمته فكيته
ونسيت السالفه
ويوم من الايام رحت اصلي صلاة العصر والا احد من جيراننا عمره تقريبا أ17 سنه جذع قال اسمي يا فلان ابي حلا من المطبخ والا سور الحريم مو مشكله
ثم وجهي حمر قلت هذا كيف درى سفهته والناس مع ايمني وايسري خفت انه يفضحني
ثم قال اخسك ياالخبل سور حريم
رحت امشي بسرعه لين دخلت المسجد وصليت وطلعت ولقيته مع خوياه ويشر بيده يمي يعلمهم قلت هذي المشكله
ثم اخذت تقريبا شهر ونصف اصلي في مسجد ثاني ثم صليت في المسجد حقنا ونسى ينظر يمي
الحين ما عاد اقول للبزارين شي يفضحون
عاد انا طرحت الموضوع بناً على الاخبار وحده من جاراتنا تصير ام الي عيرني معلمته عشان كذا اطلقت على الحريم
مصدر اخبار 100%
اتمنى ان السالفه نالتعلى اعجابكم
التعديل الأخير تم بواسطة عاليمول ; 21-05-2011 الساعة 08:51 PM
|