يا شباب ويا بنات
ابي أستفسر منكم عن مجموعة أميانتيت العربية السعودية
أمس اتصل على موظف من الرياض يقول المهندس طالبك بيسوي معك مقابله شخصية على وظيفة سكرتير لان معاى دبلوم أدارة مكتبية المهم
أبي اعرف عن المجموعه وكم رواتبهم وكيف راح تجيني المقابلة الشخصية
واذا بتسالوني كيف قدمت عليهم والله على ما اذكر عن طريق موقعهم او ايميل توظيف بس ما اذكر متى
أفيدوني الله لا يهينكم

يا قماعه ما اتردو ولو بمجامله بس وشفيكم

يا رجال اخزى الشيطان وروح
واذا على المقابله يسرها ربك وتتيسر
واذا على الراتب وظيفه سكرتير راتب فوق 3500
بس اذا قبلوك وتوظفت قول عساهم ما يأخرون الرواتب زي بعض
الشركات تكرف اربع اشهر او خمسه وووووبعدين يعطونك راتب وكل خمس اشهر يأخرون
روح وبالتوفيق أن شا الله

بالتوفيق يارب .. روحلهم وشوف اش عندهم واللي الله كاتبه بيصير

رووووووووووووووووووح ياشيخ خسران شي انت؟؟؟
جرب وشوف لعل وعسى

الله ييسر امورك

الشركة ممتازة ورواتبها ايضا ممتازة طبعا اذا رحت لهم لابد ان تلبس الجديد والاطياب لابد يشمها المدير وانت في الشارع واذا دخلت قابلهم بابتسامة خفيفة( غير مصطنعة) وصافحهم وخلك راكد كانك جالس مع احد ربعك ولاتشبك بين اصابعك ولاتتململ طبعا يسألك تكلم عن نفسك ؛ وشلون سمعت عن الشركة ؛ وماهي مؤهلاتك ؛ وماهي خبراتك؛ وشلونك في الانجليزي؛ كم تتوقع الراتب ؛ ماهي نقطة قوتك وضعفك؛ ...الخ بعد ذلك قد يسئلك عن اشياء في الشغل ويشوف تصرفك ( افرض مديرك كلفك بشغل وقال لابد تخلصه اليوم وانتهى الدوام وماخلصت والمدير طلع ماذا تفعل)
قد يسئلك اسئلة بايخة وسخيفة المهم حاول انك ما تترك سؤال الا وجاوبت عليه بكل ثقة
ولاتترد في الاجابة ...
واسئل الله لك التوفيق والقبول فيها..

شكرا اخواني الله لا يهينكم

الى عنده معلومات برضه لا يبخل علينا