بسم الله الرحمن الرحيم

السلام عليكم ورحمة الله وبركاته

ياجماعة ابي اكتب سالفتي بطريقتي وبدون فلفسه انا موظف عسكري للي تقريباً سنه

مطلوب للبنك حوالي 100 الف (قرض) والحمدلله اشتغل فيها واطلع تقريبا 3000 بالشهر

وتعبت نفسيا وجسديا من العمل والطريق وانا الان والله ياجماعه غائب عن العمل مادري افصل

اضغط على نفسي واكمل وهذا صعب وخائف افصل اصير بلعه بافواه خلق الله والقرائب وعندي القدره
اني اشتغل حر ومبدع مثلا بالسيارات الاراضي وعندي فكرة اني افتح مكتب عقار وابي رائكم

وربي راسي صدع للي اسبوع وانا غرقان بالتفكير مو قادر انام ساعدوني تكفوون ابي حل

جزاكم الله خير

الغالي استخر وصل لك ركعتين والله يكتب لك الخيره موفق

اهم شيء فكر في نفسك ولا تفكر بكلام الناس كله ورى ظهرك والله يوفقك

صلي ركعتين استخاره

وشوف نفسك وش اللي براسك وتوكل على الله

وعليكم السلام ورحمة الله وبركاته

اخوي انا اقولك استخر

ثاني شي اقولك حاول انك تجمع بين الثنتين الوظيفة والتجارة بس لا تترك الوظيفة او بمعنى اصح حلل راتبك في الوظيفة
واشتغل بالتجارة مثلا العقار والسيارات مايحتاج وقت الصباح فقط وقت العصرية وبعدين لاقدر الله خسرت ان عندك وظيفة تسدد منها .

واهم شي انك تستخير ربك وتشاور نفسك و اقاربك وبعدها وقرر.

الله يقدم لك اللى فيه الخير

هلا اخوي من رائيي ايذا كان عندك راس مال
وعندك خبره في التجاره انك تحاول تاخذ اجازه من العمل وتجرب حظك ايذا مشت كان بها والوظيفه لاتفرط فيها لانها امان من الفقر

زي ماقالو لك الباقين ماقصروأ

خلك في وظيفتك دام لك سنه وكمل في تجارتك التجاره مو مضمونه وانا اخوك

يمكن بلحظه تخسر تجارتك كلها وبكذا لا عندك لا تجاره ولا عندك وظيفه ، استمر في وظيفتك

وخل راتبها دخل شهري احتياطي لك في حاله صارت لك ظروف في تجارتك وحاول توزن بين دوامك وبين

تجارتك ولا يدخل في ملفك ملاحظات او تقل نقاطك وماتلحقك الترقيه ..


أتمنى لك التوفيق وشيل فكره تفصل من وظيفتك علشان التجاره وانا اخـوك استمر بالثنتين افضل لك

لين ماتتوزع تجارتك باكثر من خمس اشياء على اقل تقدير ،،


ساعتها فكر ماتكمل العسكريه ..

صل الاستخارة والي ترتاحله لحله