اللي يبي حبحب ... حاضر

الحارث همّام · #1 (**permalink**) 22-05-2011, 01:05 PM

السلام عليكم ورحمة الله وبركاته
مساكم الله بالخير ، والرضاء .. والعافية ،

بشروني عنكم عساكم بخير ..

إخواني الكرام ،

من يريد حبحب يتكسب من وراه
أو عنده محل خضار
أوفر له كل يوم ردين ثلاثة
وعلى الشرط ..

وبسعر السوق ..

من مزارع نساح ـ المزاحمية
جنوب غرب الرياض

يصلك لمحلك بالرياض
وطبعا الحبحب معروفة أرباحه للي ياخذ جملة ، ويبيع تفريد ..
سواء على مواتر شخصية ، أو بمحلات خاصة ..
والغالب تكون على 300 حبة وفوق في الحملة الوحدة ،
تحياتي لكم وأنا حاضر للجميع ..
اللي يبي أخدمه يعطيني رقمه مشكورا لامأمورا ..

أخوكم

معين · #2 (**permalink**) 22-05-2011, 01:05 PM

بالتوفيق اخوي

الحارث همّام · #3 (**permalink**) 22-05-2011, 01:08 PM

الله يسعدك ويوفقك يالغالي .
تحياتي ،

فتى مغيد · #4 (**permalink**) 22-05-2011, 01:51 PM

كم عليه الرد الواحد .. او بكم تبيع عدد 300 حبة ؟!

ام يوسف السيد · #5 (**permalink**) 22-05-2011, 01:54 PM

ماشاء الله تبارك الله .,

الله يرزقك من واسع فضله ,,

مباشر وبس · #6 (**permalink**) 22-05-2011, 02:35 PM

كذا ما استفدنا ندخل ولا علم لنا بالاسعار ولا الجملة والتقطيع وغيرة

مشكور وبس

الحارث همّام · #7 (**permalink**) 22-05-2011, 02:48 PM

فتى مغيد ،
الرد مايباع بعدد الحبات ،
لكن متعارف أنه 300 حبة تقريبا ، حمولة الجمس .

أنا قلت عدد الحبات على أساس الواحد يعرف كيف ربحه ،
ويشوف كم يخارجه .. فقط لاغير ، وهذا من حق اللي يبي يتاجر .

وسعر الردّ بسعر السوق ..
ندق على الدلال ، نشوف كم سعر الرد اليوم
ونبيعك بنفس السعر ..

مباشر ..
قلت بالنص بموضوعي :
"

من يريد حبحب يتكسب من وراه
أو عنده محل خضار
أوفر له كل يوم ردين ثلاثة
وعلى الشرط ..

وبسعر السوق ..

"

اليوم الرد واصل 2700 حبات كبيرة ووسط .
وأمس واصل حبة كبيرة 3000

سعر السووق تقريبا متفاوت من يوم ليوم ..
عرض وطلب الله يوفقك .

بسوي لك معادلة علشان يتضح الأمر
لو شريت حبة كبيرة الرد بـ 3000ريال
وفيها 320 حبة

3000/320 = 9 ريال >>> سعر الحبة جملة .

والحبة تبيعها تفريد بـ 20
320*20 = 6400 ريال

اطرح منها راس مالك ،
يطلع ربحك 3400 ريال

ولك المحبة والتقدير ..