أناقبل امس حتى اليوم لمحتك يابعدعمـري
وانا جالس على الشاطي تبسمتي وصديتي


لمحتك فوق سطح الما عليك وشاحك الخمري
قمر بس القمر يخجل الى منك تهاديتي


جهلت انك وسط عيني وهذي صورتك تجري
عكسها الما من عيوني وفوق الما تساويتي


ولما اهـتـزت المـوجه عـرفـت وتونـي ادري
اثاري مسكنك قلبي وفي عيني تجليتي


همس شوقي يناديلك يبي انفاسك بصدري
حنيني يطلبك بسكات اذا ياشوق حنيتي


هلا يـاماس يـالماص هـلا ياحبي العـذري
ترى حبر القلم دمي وآخر حرف خطيتي


رجيتك دامك الهامي واجمل بيت في شعري
حروفي بس ناقصهانقط ياليت حسيتي