هذه القصيده اهداء للشاعر السعودي خلف المشعان ,, بمناسبة دخوله مسابقة شاعر المليون (( ولاهو قصور في باقي الشعراء )) علما بأن هناك مصادر اكدت تأهل ابو موسى لــ 48 وبالتوفيق له ان شاء الله

ياشاعر المليـون ماهـي شطـاره
لاجـابه ابن افطيـس مثله يجـيبون
احجـز لأبن مشعـان كرسي الصداره
توظيف للكلمة بدقـة ومضمـون
الفيلسوف اللي يقـول بشـعاره
((بـدري على اهـل الشـعر مهما يقولون))
الداهيه لاشك حدد مساره
وياويلكم ياللي على الدرب تمشون
قالوا خلف يعني بصريح العباره :
"شعر خلف " يطلع خلف "شعر مجنون"
تلقى قصيده فيه كل الاثاره
تدرون احسه جن .. والا ماتدرون
يختار قاف وياحلاة اختياره
ويضفي عليه من التعابير بفنون
يضرب مثل .. عن تجربه وبجداره
يعطي حكم .. منها البشر يستفيدون
خلف مزيج الباديه والحضاره
يعني "مشكّل" وانتم اللي تحكمون
فليــعلم الشعّار لاشن غاره
ياصل ولوظهره غدا كله طعون
شد الركاب ولاحسب للخساره
شاعر سعودي وايلي كان تدرون
والفيلسوف اللي عليه الاشاره
يامعشر الشعار قبله ان تبطون
شاعر يجيد الفلسفه وبمهاره
فرعون شعر النظم من جد فرعون
هالآدمي صعب ٍ علي اختصاره
اقولها وانا من الشعر مغبون
وانا احمد الله واثق ٍ بأنتصاره
وان عاد يعطيني ولو ربع مليون





اهداااء الى خلــف مشعااان الفدعاني العنزي ...........
ارجووووو من الشــباب ان ي رشحووون الشــاعر خلــف مشــعان

مـأفي ردوود ..............................

اسمع بما انه لا يوجد واحد من الروله في المسابقه انا برشح خلف المشعان لاعيون الفدعان لكن ترى لكم ثار عندنا وبرد لكم الجميل عن اهلي .
ههههههههههههههههههههههههههههههههههههههههههههه

والله لو خلف المشعان لا يقرا ولا يكتب ولا يعرف بالشعر شي00 ابي ارشحه لعيونك

خلف المشعان شاعر قدير وقوي ومرشح بقوه للفوز ويستاهل.

وهذ قصيده لخلف قالها برمضان يوم صدم عند باب بيتهم اثنين والله مني حافضها كلها لكن ابعطيك بعضها:

قبل الفطور بربع ساعه تحبرون... الكل جالس للفطور يتولم
وانا ابتليت لي بهديفه ومجنون... تصادمو والكل قام يتضلم
هذا يقول انك عمى ملك عيون..وهذاك من هول الفجيعه تبلم
.....
ال ان قال :
لو ننتظر لين الحكومه يمرون ..تسد الامام من التراويح سلم

مشكور على الكصيده يا طويل العمر وفالك المنتدى

شاعر سعودي وايلي كان تدرون ....ونعم والله.,,
انا برشحه علشانك وعلشان انه وايلي ولايهمك يالفدعاني ...

اخوك /باحث عن وظيفه ..,,

رووووووعه فاله البيرق