الشاب في هذه الحياه تمر عليــه مواقف كثيــره بحكم عمله أو تواجده أو احتكاكه بالاخرين
ولكن أحبـــــــبت أن اسرد لكم بعض المواقــف التي حدثت وهي من أرض الواقــــــــــع ليس لشي
ألا ان نقــر بأن هذه الافعال والقصص موجوده وليــست في نسج الخيـــــــــــال ...
تصــدقون شـــاب حــاط رقــم جوله فوق التـــــــــــــنده للسيارته وكان يفــر حول برج الفيصليه
تدورن ليــــش ..؟؟؟
عشــان البنـــات اللي في الطابق الثالث من برج الفيصليه يشوفون رقم جوله وهو تحت في سيارته
يفر على البرج 
مشـــــــــــــــوووارررر صح
هـــذ ايام العــز ايام مباريات النصر والهلال كان فيه شاب متعصب ويموت على شي اسمه نصر
وكان وقتــه شتاء والمباره في لليل وذهب معه صديقــه للمباره لكن صديقه هلالــي وهو اللي حسب
له تذكره لذلك راح الى مدرجات الهــلال طبعا خوينا هذ نصرواي متعصب وكل ماجت هجمه
لنصــر قام وشجع من دون شعور .. والي حوله طبعا كلهم هلالــيين 
(( انواع الحقد )) عليه
ويهديه صاحبه يعني انتبه لا تنرفز الجمهور لكن الاخ ما ماقدر يمسك مشاعره يوم جاء الهدف للنصر
وهو ينقــز من الفرحه الا والهلاللين عليه ضرب للين طلع منهم بأعجوبه الا وفروته في
الدرجه الثانيه والشماغ طار وحالته حــاله ولاحصل زميله الا اليوم الثاني .
شايب كبير في الســن بعد التقاعد طلع لليمــوزيــن المهم تعرفون الشيبان ما يطيق الاجنبي لليموزين
يأخذ منه زبــون والشايب يوقف عند سوق مشهور بالرياض الا ويلقى الاجنبي السواق قدامه
(( شكل الشايب ناوي يحط حرته في الاجنبي البنغالي )) وهو ينزل الشايب من سيارته ومعصب وعيونه
فيه الشــر والبنغالي في سيارته لليموزين ورافع القزاز ... ويأشر الشايب .. يعني نزل القزاز وينزله
البنغـــــــالي .. الا وذاك البــــــــــــــوكس اللي من قلب في وجهه البنغالي خله يفــر في سيارته
والناس تفرق والشايب يردد وش جابك يالاجنبي في ديرتنااااااا
تصير دئما صح ... هذ شاب وقف سيارتـــه خلف سيارة في الشارع يعني سد عليه الطريق
وكان وقت صباح وراح يفطر هذ الشاب (( موسع صدره مررره )) المهم بعد ما خلص فطوره
لقى صاحب السياره الي ساد عليه هذ الشاب المتهور مررره معصب وعيونه حمــر ويصارخ
له ربع ساعه عجز يطلع ... والشاب يطالع فيه ويتأسف يقول له اسف اخوي اعذرني حقك علي
اسف يكرر الاسف له .. فجأه صاحب السياره تغير لونه وتحول الغصب الى ابتسامه قال لا عادي
شوفو كيف الكلمه الطيبه تأثر في النفس .
شاب عزوبي تكالبت عليه الحياه ولا وجد متنفــس في مدينة الرياض ولا عمره راح الى حديقه
ولا مجمع وذات يوم قرر انه يروح الى مجمع مشهور في الرياض تجاري المهم راح بيدخل قال
له الامن ممنوع عوائل .. وهو يطيع الامور ويحرك سيارته يوم حرك سيارته وهو بر المجمع
الا وجيب الهئيه يجيـــــــــــه بسرعه هائله ويوقفه وينزله ويفتشه تفتيش وهذا يمسك يده والاخر
ماسك جواله والعسكري يطالع فيه .. يقول وش جابك هنا ؟؟؟
الشاب يقول توبــه اروح الى اي مجمع تجاري بالرياض يقول رحت مره وصار لي هالبهذله عاد
كيف لو اروح دئما (( يمدوحون التســـــــــدح في طعوس الثمامه )).
شكـــــــــــلي ابي اسوي مثــل رجاء الصانع يوم ألفت كتاب (( بنات الرياض )) بس انا بسميه
(( شباب الريــاض )) واسوي له فصول واقسام اتناول فيه معاناة الشباب والكبت والفراغ العاطفي
الذي يعاني منه ... مجرد فكره .. يمكن تتحقق <<< عاد إذا صار مشهور يطلع في قناة الساحه
<< متأثر بالمزايين ههههه قصدي اطلع بقناة الجزيره او من يدري سي ان ان .
وفي الاخيـــــــر هذه بعض مواقف من الواقع اتمنى ان تحاز على الاعجاب
ولاتحرمونا من نقاشكم وتعليقاتكم يا حلوين 
04-12-2007, 11:14 PM
العرض المتطور
