السلام عليكم ورحمة الله وبركاااته

صبحكم الله ب الخيـر

انا خريج الكلية التقنية بالرياض - دعم فني - معدل 3.85 - من خريجي عام 2009

يعني لي الحين سنتين .. ومالقيت والله شي

كل ماقدمت على وظيفه حكوميه اختبر والا اسوي مقابلة .. وبالاخير مع الباااب

اما الوظائف الاهلية - انا مو من سكان احد المدن الكبيرة يعني زي الرياض وجده وهيك

والمدينه الي انا بها ابد ابد مافيها شي - ومامعي سيارة


المهم

الله رزقني بمبلغ 40 الف ريال

مدري قلت بنفسي اخذ لي سياره واروح لجده والا الرياض وادور على وظيفه لو ب الفين واتعزب هناك .. واصبر الين الله يفرجهاا


لكن فكرت بعدها وقلت . ليش ما اكمل دراسه ونصحني واحد اني اروح اكمل بالاردن
وسبق قلت هنا بالمنتدى اني اروح ادرس
بس احيانا يجيني وسواس يقول واذا رحت للاردن وتخرجت ورجعت للسعودية يمكن ماتحصل وظيفه .. خلك هنا ابرك

المهم
انا عمري 25 وعليها .. قريب للستة وعشرين .. واذا رحت ودرست بالاردن يبي لي سنتين او ثلاث واخذ البكالريوس

مدري والله

احس اني احترت

خيار السيارة والوظيفه الاهليه .. او السفر والدراسـه

شوورو علي .. واتمنى الموضوع ماينحذف

لو اني مكانك طلعت لامريكا , كلها كم شهر ويضمونك للملحقيه وترجع بانجليزي و شهاده جامعيه صح وتتوظف اكوس وظيفه .. ترى فرصة الذيب وحده >> راحت عليه

[align=center]
اخوي الله يرزقك لكن ان حصلت نك تقدر تطلع اطلع الله يووفقك وان كانت ظروفك ماتساعد

يعني من ناحيه الاهل دور هنا لين ربي يرزقك وصدقني اذا الله كاتبلك رزق بيجيك بس شد حيلك واتوكل ع الله


اخووك ريوود
[/align]

هل الاردن فيها دراسة وكم التكاليف وهل هو تخصص دعم فني

هلا اخوي
اولا الله يرزقك الحلال
لومنك كان فيه بعثات اعتقد تبع الكليه التقنيه سجل فيها وعلامها عند الكليه
وماشاء الله اعتقد معدلك تمام بس تعال كيف الانقلش معك كان تمام روح ولاتشاور بس شرط تبع الكليه التقنيه علشان بعدين مالهم عذر
وتحيااااااااااااااااااااااااااااااااااتي لك

والله انا اشوف انك تكمل الدراسه بالخارج

ما انقبلت بارامكو طيب

[align=center]السلام عليكم ورحمة الله وبركاته

دام تخصصك دعم فني ومعك 40 ألف أفتحلك محل صيانة حاسب آلي وبيع إكسسوارات بسيطة للحاسب بالمدينة اللي أنت فيها ، تكون قريب من أهلك وإن شاء الله شوي شوي المحل بيكبر وبيصير دخلك أفضل من كل الوظائف اللي تمنيتها وإذا ما قدرت تدير المحل لحالك شفلك من أصحابك العاطلين وخله معك بالمحل

في هذا المنتدى يوجد "قسم مشاريع وأفكار" على هذا الرابط : https://www.btalah.com/f12.html
أنا قبل فترة شفت وحدة من الاخوات معها 50 ألف وكانت تبي تفتح محل حاسب آلي والشباب ما قصرو أفادوها بكل الإجراءات ، وأظن انها توفقت والحمد لله
فكر بالموضوع وأستخيرربك
وربي يوفقك إن شاء الله
[/align]

اخوي ضايقه به تقريبا انا نفس حالتك
كليه تقنية
ادارة مكتبية
4.02
ودي اكمل دراستي لأن صراحه الدبلووم مايوكل عيش
فيه بعض الجامعات السعوديه عنده نظام التجسير
مثل جامعة الملك خالد بابهاعندها نظام تجسير
فأن شوري لك انك تكمل دراسه والله احسن من السياارة واحسن من وظيفة بالشهادة الدبلوم
لأن لو توظفت بالدبلوم مارح تأخذ ترقيات كبيرة في مجال عملك
لكن لو ببكالوريس راح تأخذ ترقيات كبيرة وإمكانية مواصلة الماجستير
واتنمى لي ولك ولا خواننا العاطلين التوفيق والنجاح
ــــــــــــــــــ
انت تريد وانا اريد والله يفعل مايريد

بخصوص الابتعاث على حسآب الكلية التقنية .. قدمت عليه مرتين
أول مره كرشوني والثانيه وقف لي شرط العمر

يعني الحين خلاص ما راح اقدر اكمل على حساب الكلية لان عمري تجاوز الـ 25

- الانجليزي حليو معي ..

بخصوص الاخ الي يقول روح ولاتشاور بس بشرط تكون تبع الكلية ..
احب اقول له .. انه انا اذا رحت للاردن وعادلت المواد .. ودرست هناك والله وفقني ..

خلاص شهادة الدبلوم حقت التقنية .. ما ابيها لانه راح تكون معي ( بكالريوس هندسة حاسب )


أنا والله بالديرة الي انا فيها .. مدرسين على رأس العمل يروحون للأردن يقدمون عشآن يكملون ماجستير وكذا


والله يوفق الجميع