يا مستغيث ان جاك ضيما من قريب ومن بعيد

.................ان كان ماعنك قبيله افتزع حنى لها

اذا نزلنا المعركه نضرب بكفاً من حديد

..........حنى عسفنا الخيل يوم الخيل من خيالها

لاشي فات اعلى قرانيس العرب لاشي جديد

..............هذي قبيله عز واهل العز والطاري لها

اهل الوفا والطيب والقالات والراي السديد

......................لادارت الدنيا ومالت عدلوا ميالها

ربعا تعز الضيف والجيران وتعز الحديد

..............اهل الجداول صنفوها وارفعوا منزالها

فيهم شديد الباس اذا كلا يقول انا شديد

................والحيله اللي باليه ماساعدت حيالها

بعض العرب هافي مع الاجواد ويعد العديد

................عدت عليه وولدنا وقت اللقى عدالها

لو طال وقتي والله اعطاني من العمر المديد

...................افدي وطنا والقبيله ودمي فدوالها

يامن ترصد لاتطولها ولا تعبى رصيد

............كثرت في نقل الحمول وطيحت شيالها

والضيف ينصى المالكي لانه على فعله مجيد

.................خل الذي مايعرف الاجواد ماينصالها

واللاش والداني توقف دون نيران الوقيد

.....بعض الجبال صعودها مرفوض من يقوى لها

ما مثلها لو مثلوها من يمثل شي فريد

........هذي بجيله بالهوى المكنون وانا اهوى لها

العشق في دمي وينبض به فؤادي والوريد

....................ان كان به موال ويردد ابى موالها

بحر القصايد كلها طويلها والا المديد

............في مدح ربعي لازم يجمل على جمالها

والصقر ذاك اللي وقف يسبق خطى ساعي البريد

..............من بني مالك ماربى الا بروس اجبالها

صقراً ربى عل العز ويجيد التقدم والهديد

................ويطير فوق الطير ويمر الديار وجالها

هذي مثايل صافيه....اصفى من العد العديد

...........شاعر بني حرب المسمى للعرب قوالها

وختامها صلوا على المختار ماهل البريد

.............شفيعنا يوم القيامه من عظيم اهوالها

صياف الحربي

عليه الصلاه والسلام
صياف الحربي الله يرحمه ويتغمده بواسع جنته
شاعر وعلم من اعلام حرب له باع طويل في مجال المحاوره والنظم

يعطيك العافيه عبادي على النقل الاكثر من رائع

عليه الصلاة والسلام

الشاعر صياف الحربي غني عن التعريف

يعطيك العافية اخوي عبادي على النقل

دمتمـ بود

يقولون لي صياف قلت البلا صياف ...الشاعر الي حط بعض العقول اخفاف


الله يرحمه ويغفرله شعر رد ونظم من الطراز الاول

يسلمووو على النقل

يسلموو

الله يعطيك العافية
وصياف غني عن التعريف
الله يغفرله ويرحمه ويسكنه فسيح جناته